---
title: "നിയമനമടക്കം പബ്ലിക് സർവിസ് കമീഷന്‍റെ  നടപടിക്രമങ്ങളിൽ ഇടപെടാൻ മനുഷ്യാവകാശ കമീഷന്‌ അധികാരമില്ലെന്ന് ഹൈകോടതി."
english_title: "The High Court held that the Human Rights Commission has no power to interfere in the procedures of the Public Service Commission including recruitment. "
publisher: "malayorashabdam.in"
canonical_url: "https://malayorashabdam.truevisionnews.com/news/106411/the-high-court-held-that-the-human-rights-commission-has-no-power-to-interfere-in-the-procedures-of-the-public-service-commission-including-recruitment"
published_at: "2023-03-31T21:58:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64270a3ba7a8c_zfzxf.jpg"
keywords: []
---

# നിയമനമടക്കം പബ്ലിക് സർവിസ് കമീഷന്‍റെ  നടപടിക്രമങ്ങളിൽ ഇടപെടാൻ മനുഷ്യാവകാശ കമീഷന്‌ അധികാരമില്ലെന്ന് ഹൈകോടതി.

> **Lead Summary:** കൊച്ചി: നിയമനമടക്കം പബ്ലിക് സർവിസ് കമീഷന്‍റെ (പി.എസ്​.സി) നടപടിക്രമങ്ങളിൽ ഇടപെടാൻ മനുഷ്യാവകാശ കമീഷന്‌ അധികാരമില്ലെന്ന് ഹൈകോടതി. മനുഷ്യാവകാശ കമീഷന്‍റെ 2020 ഫെബ്രുവരി 11ലെ ഉത്തരവ്‌ ചോദ്യം ചെയ്‌ത്‌ പി.എസ്​.സി സമർപ്പിച്ച ഹരജിയിലാണ്​ ചീഫ്​ ജസ്റ്റിസ്​ എസ്​. മണികുമാർ, ജസ്റ്റിസ്​ മുരളി പുരുഷോത്തമൻ എന്നിവരടങ്ങുന്ന ഡിവിഷൻ ബെഞ്ചിന്‍റെ ഉത്തരവ്​. ഒന്നിലേറെ റാങ്ക്‌ പട്ടികയിൽ പേരുള്ളവർക്ക്​, ഒന്നിലധികമുള്ളതിൽനിന്ന്​ പേര്​ നീക്കാൻ അവർ നൽകുന്ന അപേക്ഷ പരിഗണിച്ച്‌ തുടർനടപടി സ്വീകരിക്കണമെന്ന മനുഷ്യാവകാശ കമീഷന്‍റെ ഉത്തരവാണ്​​ പി​.എസ്​.സി ചോദ്യം ചെയ്തത്​. കോടതികൾക്കോ ബന്ധപ്പെട്ട ട്രൈബ്യൂണലുകൾക്കോ അല്ലാതെ മറ്റ്​ സ്ഥാപനങ്ങൾക്ക്​​ ഇത്തരം കാര്യങ്ങൾ പരിഗണിക്കാനാകില്ലെന്ന്​ പി.എസ്​.സി വാദിച്ചു. പാലക്കാട്‌ പൊൽപുള്ളി പനയൂർ സ്വദേശിയായ കെ.കെ. റിജു നൽകിയ പരാതിയിലാണ്​​ മനുഷ്യാവകാശ കമീഷന്‍റെ ഉത്തരവുണ്ടായത്​. ബാഹ്യ ഇടപെടലുകളില്ലാത്ത സ്വയംഭരണ സ്ഥാപനമാണ്​ പി.എസ്​.സി എന്ന യാഥാർഥ്യം ഉൾക്കൊള്ളാതെയുള്ള ഉത്തരവാണ്​​ മനുഷ്യാവകാശ കമീഷന്‍റേതെന്ന്​ പി.എസ്​.സി ഹരജിയിൽ പറഞ്ഞു. കോടതികളോ ട്രൈബ്യൂണലുകളോ മുഖേനയാണ്​ പി.എസ്​.സി നിയമനവുമായി ബന്ധപ്പെട്ട പരാതികൾക്ക്​ പരിഹാരം കാണേണ്ടത്​. പി.എസ്​.സി നടപടി മനുഷ്യാവകാശ കമീഷന്​ ചോദ്യം ചെയ്യാനാകില്ല. സർക്കാറുമായി ആലോചിച്ചാണ്​ പി.എസ്​.സിയുടെ നടപടിപ്രക്രിയകൾ. ഒന്നിലേറെ റാങ്ക്​ പട്ടികയിലുള്ള ഒരാൾ സ്വമേധയാ ​പേര്​ ഉപേക്ഷിക്കുന്നതിലൂടെ മറ്റൊരാളുടെ അവകാശം ഹനിക്കപ്പെടുന്നില്ല. ഉത്തരവിന്‍റെ രൂപത്തിലെന്നല്ല, ഒരു അഭ്യർഥനപോലും പി.എസ്​.സിയുമായി ബന്ധപ്പെട്ട്​ നടത്താൻ മനുഷ്യാവകാശ കമീഷന്​ അധികാരമില്ലെന്നും പി.എസ്​.സി വാദിച്ചു.

## Article Content

കൊച്ചി: നിയമനമടക്കം പബ്ലിക് സർവിസ് കമീഷന്‍റെ (പി.എസ്​.സി) നടപടിക്രമങ്ങളിൽ ഇടപെടാൻ മനുഷ്യാവകാശ കമീഷന്‌ അധികാരമില്ലെന്ന് ഹൈകോടതി. മനുഷ്യാവകാശ കമീഷന്‍റെ 2020 ഫെബ്രുവരി 11ലെ ഉത്തരവ്‌ ചോദ്യം ചെയ്‌ത്‌ പി.എസ്​.സി സമർപ്പിച്ച ഹരജിയിലാണ്​ ചീഫ്​ ജസ്റ്റിസ്​ എസ്​. മണികുമാർ, ജസ്റ്റിസ്​ മുരളി പുരുഷോത്തമൻ എന്നിവരടങ്ങുന്ന ഡിവിഷൻ ബെഞ്ചിന്‍റെ ഉത്തരവ്​. ഒന്നിലേറെ റാങ്ക്‌ പട്ടികയിൽ പേരുള്ളവർക്ക്​, ഒന്നിലധികമുള്ളതിൽനിന്ന്​ പേര്​ നീക്കാൻ അവർ നൽകുന്ന അപേക്ഷ പരിഗണിച്ച്‌ തുടർനടപടി സ്വീകരിക്കണമെന്ന മനുഷ്യാവകാശ കമീഷന്‍റെ ഉത്തരവാണ്​​ പി​.എസ്​.സി ചോദ്യം ചെയ്തത്​. കോടതികൾക്കോ ബന്ധപ്പെട്ട ട്രൈബ്യൂണലുകൾക്കോ അല്ലാതെ മറ്റ്​ സ്ഥാപനങ്ങൾക്ക്​​ ഇത്തരം കാര്യങ്ങൾ പരിഗണിക്കാനാകില്ലെന്ന്​ പി.എസ്​.സി വാദിച്ചു. പാലക്കാട്‌ പൊൽപുള്ളി പനയൂർ സ്വദേശിയായ കെ.കെ. റിജു നൽകിയ പരാതിയിലാണ്​​ മനുഷ്യാവകാശ കമീഷന്‍റെ ഉത്തരവുണ്ടായത്​. ബാഹ്യ ഇടപെടലുകളില്ലാത്ത സ്വയംഭരണ സ്ഥാപനമാണ്​ പി.എസ്​.സി എന്ന യാഥാർഥ്യം ഉൾക്കൊള്ളാതെയുള്ള ഉത്തരവാണ്​​ മനുഷ്യാവകാശ കമീഷന്‍റേതെന്ന്​ പി.എസ്​.സി ഹരജിയിൽ പറഞ്ഞു. കോടതികളോ ട്രൈബ്യൂണലുകളോ മുഖേനയാണ്​ പി.എസ്​.സി നിയമനവുമായി ബന്ധപ്പെട്ട പരാതികൾക്ക്​ പരിഹാരം കാണേണ്ടത്​. പി.എസ്​.സി നടപടി മനുഷ്യാവകാശ കമീഷന്​ ചോദ്യം ചെയ്യാനാകില്ല. സർക്കാറുമായി ആലോചിച്ചാണ്​ പി.എസ്​.സിയുടെ നടപടിപ്രക്രിയകൾ. ഒന്നിലേറെ റാങ്ക്​ പട്ടികയിലുള്ള ഒരാൾ സ്വമേധയാ ​പേര്​ ഉപേക്ഷിക്കുന്നതിലൂടെ മറ്റൊരാളുടെ അവകാശം ഹനിക്കപ്പെടുന്നില്ല. ഉത്തരവിന്‍റെ രൂപത്തിലെന്നല്ല, ഒരു അഭ്യർഥനപോലും പി.എസ്​.സിയുമായി ബന്ധപ്പെട്ട്​ നടത്താൻ മനുഷ്യാവകാശ കമീഷന്​ അധികാരമില്ലെന്നും പി.എസ്​.സി വാദിച്ചു.

### Related Links & Sources
- [Original Story Source](https://malayorashabdam.truevisionnews.com/news/106411/the-high-court-held-that-the-human-rights-commission-has-no-power-to-interfere-in-the-procedures-of-the-public-service-commission-including-recruitment)