---
title: "രാഹുൽ ഗാന്ധിയുടെ വയനാട് സന്ദർശനം: കൂറ്റൻ പന്തൽ നിർമ്മാണം തുടങ്ങി"
english_title: "rahulganthi"
publisher: "malayorashabdam.in"
canonical_url: "https://malayorashabdam.truevisionnews.com/news/108039/rahulganthi"
published_at: "2023-04-09T13:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/643271d0385b9_IMG-20230409-WA0057.jpg"
keywords: []
---

# രാഹുൽ ഗാന്ധിയുടെ വയനാട് സന്ദർശനം: കൂറ്റൻ പന്തൽ നിർമ്മാണം തുടങ്ങി

> **Lead Summary:** **കൽപ്പറ്റ**:ലോക് സഭയിൽ നിന്നും അയോഗ്യനാക്കപ്പെട്ട ശേഷം ആദ്യമായി വയനാട്ടിലെത്തുന്ന രാഹുൽ ഗാന്ധിയെ സ്വീകരിക്കാൻ നാടൊരുങ്ങുന്നു. കൽപ്പറ്റ നഗരത്തിൽ 35000 ചതുരശ്ര അടി വിസ്തീർണ്ണത്തിൽ പന്തൽ നിർമ്മാണം തുടങ്ങി. ഏപ്രില്‍ 11ന് ചൊവ്വാഴ്ച ഉച്ചക്ക് ശേഷം മൂന്ന് മണിക്ക് കല്‍പ്പറ്റ എം പി ഓഫീസിന് എതിര്‍വശത്തുള്ള ഗ്രൗണ്ടിലാണ് സമ്മേളനം നടക്കുക. ജനാധിപത്യത്തെയും, ഭരണഘടനാമൂല്യങ്ങളെയും സംരക്ഷിക്കുന്നതിനായി രാഹുല്‍ ഗാന്ധി നടത്തുന്ന പോരാട്ടങ്ങള്‍ക്ക് ആത്മബലമേകാനായി നടത്തുന്ന പരിപാടിക്കുള്ള ഒരുക്കങ്ങള്‍ പൂര്‍ത്തിയായതായി നേതാക്കള്‍ പറഞ്ഞു. സമ്മേളനത്തിന് മുന്നോടിയായി കല്‍പ്പറ്റ എസ് കെ എം ജെ ഹൈസ്‌ക്കൂളിന് സമീപത്ത് നിന്നും റോഡ് ഷോ ആരംഭിക്കും.

## Article Content

**കൽപ്പറ്റ**:ലോക് സഭയിൽ നിന്നും അയോഗ്യനാക്കപ്പെട്ട ശേഷം ആദ്യമായി വയനാട്ടിലെത്തുന്ന രാഹുൽ ഗാന്ധിയെ സ്വീകരിക്കാൻ നാടൊരുങ്ങുന്നു. കൽപ്പറ്റ നഗരത്തിൽ 35000 ചതുരശ്ര അടി വിസ്തീർണ്ണത്തിൽ പന്തൽ നിർമ്മാണം തുടങ്ങി. ഏപ്രില്‍ 11ന് ചൊവ്വാഴ്ച ഉച്ചക്ക് ശേഷം മൂന്ന് മണിക്ക് കല്‍പ്പറ്റ എം പി ഓഫീസിന് എതിര്‍വശത്തുള്ള ഗ്രൗണ്ടിലാണ് സമ്മേളനം നടക്കുക. ജനാധിപത്യത്തെയും, ഭരണഘടനാമൂല്യങ്ങളെയും സംരക്ഷിക്കുന്നതിനായി രാഹുല്‍ ഗാന്ധി നടത്തുന്ന പോരാട്ടങ്ങള്‍ക്ക് ആത്മബലമേകാനായി നടത്തുന്ന പരിപാടിക്കുള്ള ഒരുക്കങ്ങള്‍ പൂര്‍ത്തിയായതായി നേതാക്കള്‍ പറഞ്ഞു. സമ്മേളനത്തിന് മുന്നോടിയായി കല്‍പ്പറ്റ എസ് കെ എം ജെ ഹൈസ്‌ക്കൂളിന് സമീപത്ത് നിന്നും റോഡ് ഷോ ആരംഭിക്കും.

എ ഐ സി സി ഭാരവാഹികളും, സംസ്ഥാന യു ഡി എഫ് നേതാക്കളും പരിപാടിയില്‍ പങ്കെടുക്കും. രാഹുല്‍ഗാന്ധിയുടെ പാര്‍ലമെന്റ് അംഗത്വം റദ്ദാക്കിയ മോദി സര്‍ക്കാരിന്റെ ജനാധിപത്യ വിരുദ്ധ നടപടികള്‍ക്കെതിരെ ബൂത്തുതലം മുതല്‍ ആയിരക്കണക്കിന് പ്രവര്‍ത്തകര്‍ സമ്മേളനത്തില്‍ പങ്കെടുക്കും. വയനാട്, മലപ്പുറം, കോഴിക്കോട് ജില്ലകളില്‍ നിന്നുള്ള പ്രവര്‍ത്തകരും, പാലക്കാട്, കണ്ണൂര്‍, കാസര്‍ഗോഡ് ജില്ലകളില്‍ നിന്നുമുള്ള പ്രതിനിധികളും റോഡ്‌ഷോയിലും സമ്മേളനത്തിലും പങ്കെടുക്കും.

### Related Links & Sources
- [Original Story Source](https://malayorashabdam.truevisionnews.com/news/108039/rahulganthi)