---
title: "രാജ്യത്തെ ആദ്യ വാട്ടർ മെട്രോ: കൊച്ചി വാട്ടർ മെട്രോ പ്രധാനമന്ത്രി ഇന്ന് നാടിന് സമർപ്പിക്കും"
english_title: "Narendra Modi "
publisher: "malayorashabdam.in"
canonical_url: "https://malayorashabdam.truevisionnews.com/news/110839/narendra-modi"
published_at: "2023-04-25T11:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64476acd4d7a4_Screenshot_2023-04-25-11-06-55-42_439a3fec0400f8974d35eed09a31f914.jpg"
keywords: []
---

# രാജ്യത്തെ ആദ്യ വാട്ടർ മെട്രോ: കൊച്ചി വാട്ടർ മെട്രോ പ്രധാനമന്ത്രി ഇന്ന് നാടിന് സമർപ്പിക്കും

> **Lead Summary:** **കൊച്ചി**: രാജ്യത്തെ ആദ്യത്തെ വാട്ടർ മെട്രോ സർവീസ് ആയ കൊച്ചി വാട്ടർ മെട്രോ പ്രധാനമന്ത്രി ഇന്ന് നാടിന് സമർപ്പിക്കും. കൊച്ചിയുടെയും പത്ത് ദ്വീപുകളുടെയും ജലഗതാഗതം പുതിയ കാലത്തിന് ചേർന്ന വിധം നവീകരിക്കുകയാണ് പദ്ധതിയിലൂടെ ലക്ഷ്യമിടുന്നത്. ഇതോടെ പൊതുഗതാഗത രംഗത്ത് കൊച്ചിയിൽ പുതിയ മാർഗം കൂടി കടന്നുവരികയാണ് 2016ൽ ആരംഭിച്ച പദ്ധതിയാണിത്.

## Article Content

**കൊച്ചി**: രാജ്യത്തെ ആദ്യത്തെ വാട്ടർ മെട്രോ സർവീസ് ആയ കൊച്ചി വാട്ടർ മെട്രോ പ്രധാനമന്ത്രി ഇന്ന് നാടിന് സമർപ്പിക്കും. കൊച്ചിയുടെയും പത്ത് ദ്വീപുകളുടെയും ജലഗതാഗതം പുതിയ കാലത്തിന് ചേർന്ന വിധം നവീകരിക്കുകയാണ് പദ്ധതിയിലൂടെ ലക്ഷ്യമിടുന്നത്. ഇതോടെ പൊതുഗതാഗത രംഗത്ത് കൊച്ചിയിൽ പുതിയ മാർഗം കൂടി കടന്നുവരികയാണ് 2016ൽ ആരംഭിച്ച പദ്ധതിയാണിത്.

പ്രാരംഭ ഘട്ടത്തിൽ എട്ട് ബോട്ടുകളാണ് സർവീസ് നടത്തുക. ഹൈക്കോടതി ടെർമിനൽ മുതൽ വൈപ്പിൻ വരെയാണ് ആദ്യ സർവീസ്. 20 രൂപയാണ് കുറഞ്ഞ നിരക്ക്. 40 രൂപയാണ് ഉയർന്ന നിരക്ക്. മെട്രോ സ്‌റ്റേഷനുകൾക്ക് സമാനമായാണ് ബോട്ട് ടെർമിനലുകൾ നിർമിച്ചിരിക്കുന്നത്. കൊച്ചി ഷിപ് യാർഡിൽ നിർമിച്ച ഇലക്ട്രിക് ഹൈബ്രിഡ് ബോട്ടുകളാണ് സർവീസിനായി ഉപയോഗിക്കുന്നത്. ഒരു ബോട്ടിന് ഏഴര കോടിയാണ് നിർമാണ ചെലവ്. വൈദ്യുതി ബാറ്ററിയിലും ഡീസൽ ജനറേറ്ററിലും ബോട്ട് പ്രവർത്തിപ്പിക്കാനാകും.

ബാറ്ററി നൂറ് ശതമാനം ചാർജ് ചെയ്യാൻ 20 മിനിറ്റ് മാത്രം മതി. ഇതിലൂടെ ഒരു മണിക്കൂർ ബോട്ട് ഓടിക്കാനാകും. ബുധനാഴ്ച മുതലാണ് റെഗുലർ സർവീസുകൾ ആരംഭിക്കുക.

### Related Links & Sources
- [Original Story Source](https://malayorashabdam.truevisionnews.com/news/110839/narendra-modi)