---
title: "'തന്നെ ജലന്ധറിലേക്ക് അയച്ചത് ദൈവ'മെന്ന് ഫ്രാങ്കോ മുളയ്ക്കൽ - ജലന്ധറിൽ യാത്രയയപ്പ് ചടങ്ങ് നടന്നു"
english_title: "Bishop franco mulaykkal sendoff "
publisher: "malayorashabdam.in"
canonical_url: "https://malayorashabdam.truevisionnews.com/news/128571/bishop-franco-mulaykkal-sendoff"
published_at: "2023-07-08T15:37:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64a9358b0c29b_franco-mulakkal-rape-case-101593390.png"
keywords: []
---

# 'തന്നെ ജലന്ധറിലേക്ക് അയച്ചത് ദൈവ'മെന്ന് ഫ്രാങ്കോ മുളയ്ക്കൽ - ജലന്ധറിൽ യാത്രയയപ്പ് ചടങ്ങ് നടന്നു

> **Lead Summary:** **ജലന്ധർ**: ദൈവമാണ് തന്നെ ജലന്ധറിലേക്ക് അയച്ചതെന്ന് ഫ്രാങ്കോ മുളയ്ക്കൽ. എല്ലാവർക്കും ഒരു ലക്ഷ്യം ഉണ്ടാകണം. മിഷണറി ആകണമെന്നയിരുന്നു തൻ്റെ ആഗ്രഹം. കുടുംബത്തിൻ്റെ എതിർപ്പ് മറികടന്നാണ് താൻ മിഷണറിയായതെന്നും ജലന്ധറിൽ നടന്ന യാത്രയയപ്പ് ചടങ്ങിന് ഭാഗമായി നടത്തിയ കുർബാനയ്ക്കിടെ ഫ്രാങ്കോ പറഞ്ഞു. 

## Article Content

**ജലന്ധർ**: ദൈവമാണ് തന്നെ ജലന്ധറിലേക്ക് അയച്ചതെന്ന് ഫ്രാങ്കോ മുളയ്ക്കൽ. എല്ലാവർക്കും ഒരു ലക്ഷ്യം ഉണ്ടാകണം. മിഷണറി ആകണമെന്നയിരുന്നു തൻ്റെ ആഗ്രഹം. കുടുംബത്തിൻ്റെ എതിർപ്പ് മറികടന്നാണ് താൻ മിഷണറിയായതെന്നും ജലന്ധറിൽ നടന്ന യാത്രയയപ്പ് ചടങ്ങിന് ഭാഗമായി നടത്തിയ കുർബാനയ്ക്കിടെ ഫ്രാങ്കോ പറഞ്ഞു. 

ബലാത്സംഗ കേസിൽ വെറുതേവിട്ടപ്പോൾ ലോകകപ്പ് ജയിച്ചത് പോലെയാണ് തോന്നിയത്. ദൈവത്തിൻ്റെ പിന്തുണ കൊണ്ടാണ് കേസിൽ നിന്ന് വെറുതേവിട്ടത്. തൻ്റെ രാജിയോടെ ജലന്ധറിന് പുതിയ ബിഷപ്പിനെ ലഭിക്കാനുള്ള സാഹചര്യമൊരുങ്ങി. തനിക്കെതിരെയുണ്ടായത് കള്ളക്കേസാണ്. ഇത്രയും വലിയൊരു പരീക്ഷണം എന്തുകൊണ്ടാണ് നേരിടേണ്ടിവന്നതെന്ന് ദൈവത്തോട് ചോദിച്ചപ്പോൾ ഏറ്റെടുക്കണമെന്നും വലിയൊരു ത്യാഗമാണെന്നുമുള്ള സന്ദേശമാണ് ലഭിച്ചത്. അങ്ങനെയാണ് താൻ ആ കേസിനെ നേരിട്ടതെന്ന് ഫ്രാങ്കോ പ്രസംഗത്തിനിടെ പറഞ്ഞു.

കന്യാസ്ത്രീയെ ബലാത്സംഗം ചെയ്ത കേസിൽ തെളിവുകളുടെ അഭാവത്തിൽ കോട്ടയം അഡീഷണൽ സെഷൻ കോടതി ഫ്രാങ്കോ മുളയ്ക്കലിനെ വെറുതേവിട്ടിരുന്നു. സെഷൻ കോടതി നടപടിക്കെതിരെ പ്രോസിക്യൂഷൻ ഹൈക്കോടതിയിൽ അപ്പീൽ നൽകിയിട്ടുണ്ട്. ഈ അപ്പീൽ അനുവദിക്കരുതെന്ന് ആവശ്യപ്പെട്ടാണ് ഫ്രാങ്കോ ഹൈക്കോടതിയെ സമീപിച്ചത്

### Related Links & Sources
- [Original Story Source](https://malayorashabdam.truevisionnews.com/news/128571/bishop-franco-mulaykkal-sendoff)