കേളകം: കേളകം പ്രദേശത്തെ ഫുട്ബോൾ പ്രിയരായ മുഴുവൻ കുട്ടികളെയും ഉൾപ്പെടുത്തിക്കൊണ്ട് അവധിക്കാലത്ത് ആരംഭിച്ച ഫുട്ബോൾ പരിശീലനത്തിന്‍റെ രണ്ടാംഘട്ടം ആരംഭിച്ചു. സ്കൂൾ മാനേജർ ഫാ. വർഗീസ് പടിഞ്ഞാറേക്കര അദ്ധ്യക്ഷനായിരുന്നു. പിടിഎ പ്രസിഡന്‍റ് സന്തോഷ് സി സി ഉദ്ഘാടനം നിര്‍വ്വഹിച്ചു. ഹെഡ്മാസ്റ്റർ എം വി മാത്യു ആമുഖഭാഷണം നടത്തി. പരിശീലകരായ അനീഷ് പി ഇ, ബിപിൻ ആന്റണി എന്നിവർ ഉദ്ഘാടന പരിപാടിക്ക് നേതൃത്വം നൽകി.
അവധിക്കാലത്ത് ആരംഭിച്ച ഫുട്ബോൾ പരിശീലനത്തിന്‍റെ ഒന്നാംഘട്ടത്തിൽ നൂറിലധികം കുട്ടികൾ പങ്കാളികളായിരുന്നു. ഇന്ന് രാവിലെ സ്കൂളിൽ നടന്ന ഉദ്ഘാടന പരിപാടിയിൽ എഴുപതോളം വിദ്യാർഥികൾ പങ്കെടുത്തു. രാവിലെ 6.30 മുതൽ 8.30 വരെയാണ് പരിശീലനം.
The second phase of football coaching started at St:Thomas Higher Secondary School, Kelakam
