---
title: "#onlinemedia | മാധ്യമ സ്വാതന്ത്ര്യത്തിലുള്ള കടന്നുകയറ്റം അനുവദിക്കില്ല: ഓൺലൈൻ മാധ്യമ പ്രവർത്തക സംഗമം"
english_title: "Online media workers meet"
publisher: "malayorashabdam.in"
canonical_url: "https://malayorashabdam.truevisionnews.com/news/132747/online-media-workers-meet"
published_at: "2023-07-22T17:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64bbc612b08e8_Screenshot_2023-07-22-17-29-05-45_6012fa4d4ddec268fc5c7112cbb265e7.jpg"
keywords: []
---

# #onlinemedia | മാധ്യമ സ്വാതന്ത്ര്യത്തിലുള്ള കടന്നുകയറ്റം അനുവദിക്കില്ല: ഓൺലൈൻ മാധ്യമ പ്രവർത്തക സംഗമം

> **Lead Summary:** **കൽപ്പറ്റ**: മാധ്യമ പ്രവർത്തകർക്കെതിരെയുള്ള കള്ളക്കേസുകൾ പിൻവലിക്കണമെന്ന് ഓൺലൈൻ മാധ്യമ പ്രവർത്തക സംഗമം ആവശ്യപ്പെട്ടു.മാധ്യമ സ്വാതന്ത്ര്യത്തിലുള്ള കടന്നുകയറ്റം അനുവദിക്കില്ലന്നും ഓൺലൈൻ മീഡിയ റിപ്പോർട്ടേഴ്സിൻ്റെ സമ്പൂർണ്ണ യോഗം മുന്നറിയിപ്പ് നൽകി.

## Article Content

**കൽപ്പറ്റ**: മാധ്യമ പ്രവർത്തകർക്കെതിരെയുള്ള കള്ളക്കേസുകൾ പിൻവലിക്കണമെന്ന് ഓൺലൈൻ മാധ്യമ പ്രവർത്തക സംഗമം ആവശ്യപ്പെട്ടു.മാധ്യമ സ്വാതന്ത്ര്യത്തിലുള്ള കടന്നുകയറ്റം അനുവദിക്കില്ലന്നും ഓൺലൈൻ മീഡിയ റിപ്പോർട്ടേഴ്സിൻ്റെ സമ്പൂർണ്ണ യോഗം മുന്നറിയിപ്പ് നൽകി.

ഓൺലൈൻ റിപ്പോർട്ടേഴ്സ് അസോസിയേഷൻ കേരള (ഒമാക്) വയനാട് ജില്ലാ കമ്മിറ്റിയുടെ നേതൃത്വത്തിലാണ് ഓൺലൈൻ മാധ്യമ രംഗത്തെ സമ്പൂർണ്ണ സംഗമം നടത്തിയത്. മുൻ മുഖ്യമന്ത്രി ഉമ്മൻ ചാണ്ടിയുടെ നിര്യാണത്തിൽ പ്രമേയത്തിലൂടെ സംഗമം അനുശോചനം രേഖപ്പെടുത്തി.

മുനീർ പാറക്കടവത്ത് പ്രമേയവതരിപ്പിച്ചു. മാധ്യമ പ്രവർത്തകർക്കെതിരെയുള്ള കള്ളകേസുകൾ, മാധ്യമ സ്വാതന്ത്ര്യം ഹനിക്കുന്ന പ്രവണതകൾ, ഓൺലൈൻ മാധ്യമപ്രവർത്തകരോടുള്ള നിഷേധാത്മക സമീപനം എന്നിവക്കെതിരെ സി.ഡി.സുനീഷ്, സുജിത്ത് ദർശൻ, ആര്യ ഉണ്ണി എന്നിവർ പ്രമേയങ്ങൾ അവതരിപ്പിച്ചു.

ഓൺലൈൻ മാധ്യമപ്രവർത്തകരെയും പ്രൊഫഷണൽ മാധ്യമ പ്രവർത്തകരായി അംഗീകരിക്കണമെന്നും ആനുകൂല്യങ്ങൾ അനുവദിക്കണമെന്നും ആവശ്യപ്പെട്ട് കേന്ദ്ര- കേരള സർക്കാരുകൾക്ക് നിവേദനം നൽകാനും കേന്ദ്ര ഓൺലൈൻ മാധ്യമ നയത്തിൽ ഭേദഗതികൾക്കായി കേന്ദ്ര സർക്കാരിൽ സമ്മർദ്ദം ചെലുത്താനും തീരുമാനമായി.

വാർത്തകൾ പരസ്യങ്ങൾ എന്നിവക്കായി പൊതു ജനങ്ങൾക്കുപകരിക്കും വിധം ഏക ജാലക സംവിധാനം ഏർപ്പെടുത്താനും തീരുമാനിച്ചു. ഒമാക് കുടുംബസംഗമവും ഓണാഘോഷവും ജനറൽ ബോഡി യോഗവും തിരഞ്ഞെടുപ്പും ആഗസ്റ്റ് മാസം അവസാനം നടക്കും.

വിവിധ മേഖലകളിൽ മികവ് തെളിയിച്ചവരെ ചടങ്ങിൽ ആദരിക്കും. ഓൺലൈൻ മാധ്യമ പ്രവർത്തകരുടെ സമ്പൂർണ്ണ സമ്മേളനം ജില്ലാ പഞ്ചായത്ത് ക്ഷേമ കാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണ് ഉദ്ഘാടനം ചെയ്തു.

ഒമാക് മെമ്പർഷിപ്പ് വിതരണ ഉദ്ഘാടനം, ചാരിറ്റി ഫണ്ട് കൈമാറ്റം എന്നിവയും ഇതോടനുബന്ധിച്ച് നടന്നു. അടുത്തിടെ വിവാഹിതരായ അവനീത് ഉണ്ണിക്കും അഞ്ജലിക്കും ചടങ്ങിൽ സ്വീകരണം നൽകി.ഒമാക് വയനാട് ജില്ലാ പ്രസിഡണ്ട് സി.വി.ഷിബു അധ്യക്ഷത വഹിച്ചു.

സെക്രട്ടറി അൻവർ സാദിഖ്, വെങ്ങപ്പള്ളി ഗ്രാമപഞ്ചായത്തംഗം ജാസിർ പിണങ്ങോട് ,കണിയാമ്പറ്റ ഗ്രാമപഞ്ചായത്തംഗം പി.ലത്തീഫ്, സിജു പടിഞ്ഞാറത്തറ, ഡാമിൻ ജോസഫ് തുടങ്ങിയവർ സംസാരിച്ചു.

### Related Links & Sources
- [Original Story Source](https://malayorashabdam.truevisionnews.com/news/132747/online-media-workers-meet)