---
title: "#Accident | കെ.എസ്.ആർ.ടി.സി ബസും സ്വകാര്യ ബസും കൂട്ടിയിടിച്ച് അപകടം: 12 പേർക്ക്  പരിക്ക് "
english_title: "Accident"
publisher: "malayorashabdam.in"
canonical_url: "https://malayorashabdam.truevisionnews.com/news/140204/accident"
published_at: "2023-08-19T13:02:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64e07027cbcb7_Screenshot_2023-08-19-12-48-25-42_40deb401b9ffe8e1df2f1cc5ba480b12.jpg"
keywords: []
---

# #Accident | കെ.എസ്.ആർ.ടി.സി ബസും സ്വകാര്യ ബസും കൂട്ടിയിടിച്ച് അപകടം: 12 പേർക്ക്  പരിക്ക് 

> **Lead Summary:** **കോഴിക്കോട്**: വടകര കുഞ്ഞിപ്പള്ളിയിൽ അമിതവേഗതയിലെത്തിയ കെ.എസ്.ആർ.ടി.സി ബസും സ്വകാര്യ ബസും കൂട്ടിയിടിച്ച് അപകടം. 12 പേർക്ക് അപകടത്തിൽ പരിക്കേറ്റു. ഇന്ന് രാവിലെ 8.30ഓടെയായിരുന്നു സംഭവം.

## Article Content

**കോഴിക്കോട്**: വടകര കുഞ്ഞിപ്പള്ളിയിൽ അമിതവേഗതയിലെത്തിയ കെ.എസ്.ആർ.ടി.സി ബസും സ്വകാര്യ ബസും കൂട്ടിയിടിച്ച് അപകടം. 12 പേർക്ക് അപകടത്തിൽ പരിക്കേറ്റു. ഇന്ന് രാവിലെ 8.30ഓടെയായിരുന്നു സംഭവം.

തൃശൂരിൽ നിന്നും തലശേരി ഭാഗത്തേക്ക് പോവുകയായിരുന്ന കെഎസ്ആർടിസി ബസും തലശേരിയിൽ നിന്ന് കോഴിക്കോട്ടേക്ക് പോവുകയായിരുന്ന ‘പ്രതിക’ ബസുമാണ് കൂട്ടിയിടിച്ചത്.

ഇടിയുടെ ആഘാതത്തിൽ കെ.എസ്.ആർ.ടി.സി ഡ്രൈവർ സ്റ്റിയറിംങ്ങിനുളളിലായി കുടുങ്ങി. ബസ് വെട്ടി പൊളിച്ചാണ് ഡ്രൈവറെ പുറത്തെടുത്തത്. പരുക്കേറ്റവരെ വടകര ജില്ലാ ആശുപത്രി, പാർക്കോ ആശുപത്രി, മാഹി ഗവ. ആശുപത്രി എന്നിവിടങ്ങളിൽ പ്രവേശിപ്പിച്ചു. വടകരയിൽ നിന്നും അഗ്നി രക്ഷ സേനയും ചോമ്പാല പൊലീസും സംഭവ സ്ഥലത്തെത്തി.

### Related Links & Sources
- [Original Story Source](https://malayorashabdam.truevisionnews.com/news/140204/accident)