---
title: "നെടുമ്പാശേരി വിമാനത്താവളത്തിൽ എത്തിയ റഷ്യൻ സ്വദേശിക്ക് കൊവിഡ്; സാമ്പിൾ പരിശോധനക്കായി അയച്ചു"
english_title: "Covid, a Russian national who arrived at Nedumbassery airport;"
publisher: "malayorashabdam.in"
canonical_url: "https://malayorashabdam.truevisionnews.com/news/14503/covid-a-russian-national-who-arrived-at-nedumbassery-airport"
published_at: "2021-12-05T09:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61ac37868296c_images - 2021-12-05T092231.840.jpeg"
keywords: []
---

# നെടുമ്പാശേരി വിമാനത്താവളത്തിൽ എത്തിയ റഷ്യൻ സ്വദേശിക്ക് കൊവിഡ്; സാമ്പിൾ പരിശോധനക്കായി അയച്ചു

> **Lead Summary:** കൊച്ചി : ബ്രിട്ടണിൽ നിന്ന് നെടുമ്പാശേരി വിമാനത്താവളത്തിൽ എത്തിയ റഷ്യൻ സ്വദേശിയായ യാത്രക്കാരന് കോവിഡ് സ്ഥിരീകരിച്ചു. ഇതേതുടർന്ന് യാത്രക്കാരനെ അമ്പലമുഗൾ ഗവൺമെന്റ് ആശുപത്രിയിലേക്ക് മാറ്റി. ഇയാളുടെ സ്രവം ഒമിക്രോൺ പരിശോധനക്ക് ശേഖരിച്ചതായി ആശുപത്രി അധികൃതർ അറിയിച്ചു.

## Article Content

കൊച്ചി : ബ്രിട്ടണിൽ നിന്ന് നെടുമ്പാശേരി വിമാനത്താവളത്തിൽ എത്തിയ റഷ്യൻ സ്വദേശിയായ യാത്രക്കാരന് കോവിഡ് സ്ഥിരീകരിച്ചു. ഇതേതുടർന്ന് യാത്രക്കാരനെ അമ്പലമുഗൾ ഗവൺമെന്റ് ആശുപത്രിയിലേക്ക് മാറ്റി. ഇയാളുടെ സ്രവം ഒമിക്രോൺ പരിശോധനക്ക് ശേഖരിച്ചതായി ആശുപത്രി അധികൃതർ അറിയിച്ചു.

ഹൈ റിസ്ക് രാജ്യമായ നോർവെയിൽ നിന്ന് കേരളത്തിലെത്തിയ തമിഴ്നാട് സ്വദേശിയായ എംബിബിഎസ് വിദ്യാർത്ഥിയുടെ സ്രവം ഒമിക്രോൺ സംശയത്തെ തുടർന്ന് കഴിഞ്ഞ ദിവസം പരിശോധനക്ക് അയച്ചിരുന്നു. മൂന്നു ദിവസം മുമ്പ് ബംഗളുരുവിലുള്ള ബന്ധുവിന്റ് വിവാഹത്തിൽ പങ്കെടുക്കാനായി കരിപ്പൂർ വിമാനത്താവളത്തിലെത്തിയ വിദ്യാർത്ഥിക്ക് കോവിഡ് സ്ഥിരീകരിച്ചിരുന്നു.

ഇതേതുടർന്നാണ് ഒമിക്രോൺ വൈറസ് ബാധയാണോ എന്ന് സ്ഥിരീകരിക്കാൻ സ്രവം വിശദപരിശോധനക്ക് തിരുവനന്തപുരം രാജീവ് ഗാന്ധി ഇൻസ്റ്റിറ്റ്യൂട്ടിലേക്ക് അയച്ചത്. മഞ്ചേരി മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്ന വിദ്യാർത്ഥിക്ക് ഗുരുതര ആരോഗ്യ പ്രശ്നങ്ങളില്ലെന്നും നിരീക്ഷണത്തിലാണെന്നും ആരോഗ്യ വകുപ്പ് അറിയിച്ചു.

### Related Links & Sources
- [Original Story Source](https://malayorashabdam.truevisionnews.com/news/14503/covid-a-russian-national-who-arrived-at-nedumbassery-airport)