---
title: "കഥകളിയുടെ ആചാരപ്പെരുമ കാത്ത് സൂക്ഷിച്ച് വടക്കെ മലബാറിൽ നിന്നും ഒരു പയ്യന്നൂരുകാരൻ "
english_title: "A boy from North Malabar, keeping the tradition of Kathakali alive"
publisher: "malayorashabdam.in"
canonical_url: "https://malayorashabdam.truevisionnews.com/news/15585/A-boy-from-North-Malabar-keeping-the-tradition-of-Kathakali-alive"
published_at: "2021-12-11T15:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61b472ae05372_IMG-20211211-WA0130.jpg"
keywords: []
---

# കഥകളിയുടെ ആചാരപ്പെരുമ കാത്ത് സൂക്ഷിച്ച് വടക്കെ മലബാറിൽ നിന്നും ഒരു പയ്യന്നൂരുകാരൻ 

> **Lead Summary:** കേരളത്തിൻ്റെ തനത് കലാരൂപമായ കഥകളിയുടെ ആചാരപ്പെരുമ കാത്ത് സൂക്ഷിച്ച് വടക്കെ മലബാറിൽ നിന്നും ഒരു പയ്യന്നൂർക്കാരൻ.കഥകളി പോലുള്ള കലാരൂപങ്ങളോട് കേരള സമൂഹം പൊതുവെ വിമുഖത കാട്ടുമ്പോഴാണ് മലയാളിയുടെ ഈ തനത് കലാ- രൂപത്തെ അതിൻ്റെ തനിമ കെടാതെ സൂക്ഷിക്കുകയാണ് ഡോ: അനിൽ പുത്തലത്തെന്ന അനുഗ്രഹീത കലാകാരൻ പയ്യന്നൂർ മഹാദേവ ഗ്രാമത്തിലെ പുത്തലത്ത് അനിലിൻ്റെ ഒരേയൊരാഗ്രഹം കഥകളി നടൻ ആവുക എന്നത് മാത്രമായിരുന്നു. സഹപാഠികളും, സുഹൃത്തുക്കളുമെല്ലാം മറ്റ് പല വിധ ആഗ്രഹങ്ങൾക്കും ലക്ഷ്യങ്ങൾക്കും പിറകെ പോയപ്പോഴും കഷ്ടപ്പാടുകൾ നിറഞ്ഞ വഴികളിലൂടെ കളിവിളക്കിൻ്റെ വെട്ടം ലക്ഷ്യമാക്കി നടക്കുകയായിരുന്നു അനിൽ.

## Article Content

കേരളത്തിൻ്റെ തനത് കലാരൂപമായ കഥകളിയുടെ ആചാരപ്പെരുമ കാത്ത് സൂക്ഷിച്ച് വടക്കെ മലബാറിൽ നിന്നും ഒരു പയ്യന്നൂർക്കാരൻ.കഥകളി പോലുള്ള കലാരൂപങ്ങളോട് കേരള സമൂഹം പൊതുവെ വിമുഖത കാട്ടുമ്പോഴാണ് മലയാളിയുടെ ഈ തനത് കലാ- രൂപത്തെ അതിൻ്റെ തനിമ കെടാതെ സൂക്ഷിക്കുകയാണ് ഡോ: അനിൽ പുത്തലത്തെന്ന അനുഗ്രഹീത കലാകാരൻ പയ്യന്നൂർ മഹാദേവ ഗ്രാമത്തിലെ പുത്തലത്ത് അനിലിൻ്റെ ഒരേയൊരാഗ്രഹം കഥകളി നടൻ ആവുക എന്നത് മാത്രമായിരുന്നു. സഹപാഠികളും, സുഹൃത്തുക്കളുമെല്ലാം മറ്റ് പല വിധ ആഗ്രഹങ്ങൾക്കും ലക്ഷ്യങ്ങൾക്കും പിറകെ പോയപ്പോഴും കഷ്ടപ്പാടുകൾ നിറഞ്ഞ വഴികളിലൂടെ കളിവിളക്കിൻ്റെ വെട്ടം ലക്ഷ്യമാക്കി നടക്കുകയായിരുന്നു അനിൽ.

കളിയരങ്ങിൽ നിറഞ്ഞാടിയ കഥകളി വേഷം കാണാൻ ഉത്സവ പ്പറമ്പുകൾതോറും അലഞ്ഞ ബാല്യവും ജീവിക്കാൻ പല ജോലികളും ചെയ്ത കാലവും പിന്നിട്ട് ഈ യുവാവ് അറിയപ്പെടുന്ന കഥകളി വേഷക്കാരനായി മാറി. ചുവന്ന താടി, കരി, പച്ച, കത്തി, തുടങ്ങിയ വേഷങ്ങളെല്ലാം ചെയ്തു. ബകൻ, ദുശ്ശാസനൻ, ഭീമൻ, രൗദ്ര ഭീമൻ, രാവണൻ, അർജുനൻ ബാലി, കാട്ടാളൻ തുടങ്ങി അനിൽ കെട്ടിയ വേഷങ്ങളും ആടിയ അരങ്ങുകളും ഏറെയാണ്. ചുവന്ന താടിയിൽ പ്രധാനമായ ബകൻ്റെ വേഷം മാത്രം മുന്നൂറിലധികം വേദികളിൽ അവതരിപ്പിച്ചിട്ടുണ്ട്.

യു.എ.ഇ.രാജ്യങ്ങൾ കൂടാതെ ലക്ഷദ്വീപിലടക്കം ഇന്ത്യയിലെ എല്ലാ സംസ്ഥാനങ്ങളിലും ഡോ.അനിൽ പുത്തലത്തിൻ്റെ നേതൃത്വത്തിലുള്ള സംഘം കഥകളി അവതരിപ്പിച്ചിട്ടുണ്ട്. 2008-ൽ ഏഷ്യയിൽ ആദ്യമായ് നടന്ന കോമൽവെൽത്ത് യൂത്ത് ഗെയിംസിൽ വേദിയിൽ കഥകളി അവതരിപ്പിച്ചത് അനിലിൻ്റ നേതൃത്വത്തിലുള്ള സംഘമാണ്. ഒരു മാസം നീണ്ട പരിപാടിക്കിടെ വിവിധ സാംസ്കാരിക സംഘടനയ്ക്കു വേണ്ടിയും പരിപാടി അവതരിപ്പിക്കുകയുണ്ടായി. അതുപോലെ റിപ്പബ്ലിക് ദിന പരേഡിനും , ഏഷ്യൻ രാജ്യങ്ങളിലെ ബേങ്ക് ഗവർണേസ് യോഗത്തിൽ കഥകളി അവതരിപ്പിച്ചത് അനിലും സംഘവുമാണ്.

കോമൺവെൽത്ത് ഗെയിംസ് ന്യൂഡൽഹിയിൽ നടന്നപ്പോൾ അവിടെയും കഥകളി, തിരുവാതിരക്കളി, ഒപ്പന, തുടങ്ങിയ കലാരൂപങ്ങൾ അവതരിപ്പിച്ചത് അനിലിൻ്റെ നേതൃത്വത്തിലുള്ള സംഘമായിരുന്നു. വി.കെ. കഞ്ഞമ്പു പൊതുവാളിൻ്റെയും, പുത്തലത്ത് കാർത്ത്യായനിയമ്മയുടെയും മകനായി പയ്യന്നൂർ മഹാദേവഗ്രാമത്തിൽ ജനനം കൂലിപ്പണിക്കാരനായ കുഞ്ഞമ്പു പൊതുവാൾ നാട്ടിൽ കൂലിപ്പണി ഇല്ലാതായപ്പോൾ കഥകളിക്കോപ്പുകളുമായി കഥകളിക്ക് പോവുമായിരുന്നു. ഒരു തവണ അനിലിനെയും ഒപ്പം കൂട്ടി.

അന്നു മുതലാണ് കഥകളി വേഷങ്ങളോട് ഭ്രമം തോന്നിയത് എന്നാണ് അനിൽ പറയുന്നത്. എന്നാൽ 18-ാം വയസ്സിലാണ് അനിൽ കഥകളി അഭ്യസിക്കാൻ തുടങ്ങുന്നത്. ജീവിക്കാനുള്ള കഷ്ടപ്പാടിൽ അതു വരെ സ്കൂൾ പഠനശേഷം വൈകുന്നേരം മറ്റ് പല ജോലികളുമായി മുഴുകിയിരുന്ന കാലത്ത് ഒരു സ്വകാര്യ കമ്പനിയിൽ മെഡിക്കൽ റെപ്രസെൻ്റിറ്റീവ് ആയി ജോലി ലഭിച്ചതിനു ശേഷം സ്വന്തം വരുമാനത്തിൽ നിന്നുമാണ് കഥകളി അഭ്യാസം അംരംഭിച്ചത്. സ്കൂൾ പoന കാലത്ത് യുവജനോത്സവത്തിൽ നാടകം അഭിനയിച്ച്. സംസ്ഥാന തലത്തിൽ മൂന്ന് വർഷം തുടർച്ചയായി പങ്കെടുത്ത് 1-ാം സ്ഥാനം നേടിയിട്ടുണ്ട്.

അക്കാലത്ത് പ്രസിദ്ധമായിരുന്ന കാലോ ദയം കളരി . കഥകളിയോഗം അവിടെ ആശാനായിരുന്ന ഗുരുചന്തപ്പണിക്കരുടെ പ്രഥമ ശിഷ്യനായിരുന്ന സ്വാമി കണ്ണമാരാർ എന്ന പേരിലറിയപ്പെട്ടിരുന്ന പി.വി.കുഞ്ഞികണ്ണമാരാർ ആശാൻ്റെ കീഴിൽ മൂന്നു വർഷം ചിട്ടയായ കഥകളി പഠനം. തുടർന്ന് ലവണാസുരവധം കഥയിലെ ഹനുമാനായി അരങ്ങേറ്റം കുറിച്ചു. തുടർന്ന് ആശാൻ്റെ നിർദ്ദേശപ്രകാരം ആശാൻ തന്നെ പറശ്ശിനി ശ്രീ മുത്തപ്പൻ കഥകളിയോഗത്തിൽ ചേർത്തു അവിടെ നാട്യാചാര്യൻ കനാ കണ്ണൻ നായരാശാൻ്റെയും ഗുരു സദനം രാമൻകുട്ടി നായർ ആശാൻ്റെയും കീഴിൽ 10 വർഷം കഥകളി അഭ്യസിച്ചു.

പഠിക്കുന്ന കാലത്ത് രാമൻകുട്ടി ആശാൻ്റെ നിർദ്ദേശപ്രകാരം താടി വേഷങ്ങളിൽ കൂടുതൽ ശ്രദ്ധ കേന്ദ്രീകരിക്കുകയും ആദ്യവർഷം തന്നെ അവിടെ ബാകനായി അരങ്ങേറുകയും ചെയ്തു ഒരു താടി വേഷക്കാരന് വേണ്ട ഗുണങ്ങളായ ഊക്ക്, നോക്ക്, ആകാരഭംഗി ഒത്തിണങ്ങിയ അനിലിനു തുടർന്ന് പറശ്ശിനി ട്രൂപ്പിൽ പ്രധാനതാടിവേഷ ക്കാരനായി മാറുവാനുള്ള സാഹചര്യം ഒത്തുവരുകയും ആശാൻ്റെ ആശീർവാദവും കൂടിച്ചേർന്നപ്പോൾ ഒന്നാം തരം താടി വേഷക്കാരനായി മാറുകയും ചെയ്തു.കഥകളിക്കുള്ള കേന്ദ്ര സീനിയർ ഫെല്ലോഷിപ്പ് അവാർഡ് 2019ലഭിച്ചു.

2020-ൽ യൂണിവേഴ്സിറ്റി ഓഫ് ന്യൂ ജെറുസിലൈം മെഡിക്കൽ കോളേജ് ആന്റ് ഹോസ്പിറ്റൽ വെല്ലൂർ ചെന്നെയിൽ നിന്നും യൂണിവേഴ്സിറ്റി വൈസ് ചാൻസിലർ എസ്സ്.സുന്ദർരാജന്റെ അധ്യക്ഷതയിൽ ഹോണറബിൾ ജസ്റ്റീസ് കെ.സ്വാമിധുരൈ റിട്ട. ഹൈക്കോടതി ജഡ്ജി മദ്രാസ്, കഥകളി ആർട്ടിസ്റ്റ് ഡോക്‌ട്രേറ്റ്‌ നൽകി ആദരിച്ചു. പ്രശസ്ത കഥകളി നടനും കൊറിയോഗ്രാഫറുമായഅനിൽ പുത്തലത്തിന്.  ഇന്ത്യയിലും വിദേശങ്ങിളി ലും കഥകളി അവതരിപ്പിച്ചു. കേന്ദ്ര സാംസ്കാരിക ഓഫീസിനു കീഴിലുള്ള സൗത്ത്, ഈസ്റ്റ് ,വെസ്റ്റ് , നോർത്ത് സൂണുകൾക്ക് വേണ്ടി നിരവധി തവണ പരിപാടി അവതരിപ്പിച്ചിട്ടുണ്ട്.

ഉദയ്പൂർ മൽഹാർ ക്ലാസ്സിക് നൃത്തോത്സവത്തിൽ പങ്കെടുത്ത് ഗവർണർ പ്രത്യേകം പ്രശംസിച്ച് പൊന്നാട അണിയിച്ച് ആദരിച്ചിട്ടുണ്ട്. രാഷ്ട്രപതി ഭവനിലും, പ്രധാനമന്തി മന്ദിരത്തലും കഥകളി അവതരിപ്പിച്ച് പ്രശംസപിടിച്ചുപറ്റിയ ഇദ്ദേഹം ഇശ്രേൽ പ്രധാനമന്ത്രി ഇന്ത്യ സന്ദർശശിച്ചപ്പോഴും , അമേരിക്കൻ പ്രസിഡണ്ട് റൊണാൾഡ് ട്രംബ് ഇന്ത്യയിൽ വന്നപ്പോഴും കഥകളി അനിൽ പുത്തലത്തിന്റെ നേതൃത്വത്തിലായിരുന്നു. പത്മശ്രീ തിക്കുറുശ്ശി പുരസ്കാരം, കിറ്റൂർ റാണി പുരസ്കാരം -ബൽഗാം, തഞ്ചാവൂർ പെരിയ കോവിൽ പുരസ്കാരം , കേന്ദ്ര ഗവൺമെന്റിന്റെ പ്രൊഡക്ഷൻ ഗ്രാന്റ് അവാർഡ് , ആഫ്ത പരിഷത്തിന്റെ കാലാപരിഷത്ത് കലാ -പുരസ്കാരം നാഷണൽ അവാർഡ് ന്യൂഢൽഹി തുടങ്ങി, ചെറുതും വലുതുമായി നിരവധി പുരസ്കാരങ്ങൾ ലഭിച്ചിട്ടുണ്ട് ഈ അനുഗ്രഹീത കലാകാരന്.

കഥകളി രംഗം കൂടാതെ ചെണ്ടമേളം, പയ്യന്നൂർ കോൽക്കളി ,നാടകരംഗത്തും വളരെ സജീവമായ ഇദ്ദേഹം ഡോക്യുമെൻ്റ് സംവിധായകനും നല്ലൊരു കൊറിയോഗ്രാഫറുമായഅനിൽ ഇന്ത്യയിലും വിദേശങ്ങിളി ലും കഥകളി അവതരിപ്പിച്ച് നിരവധി അവാർഡുകൾ കരസ്ഥമാക്കിയ അനിൽ പുത്തലത്ത് നാഷണൽ സ്കൂൾ ഓഫ് ഡ്രാമ . ബാഗ്ലൂർ ഗസ്റ്റലക്ചർ പദവി വഹിക്കുന്നു. കൂടാതെ, ഭാരത സർക്കാറിന്റെ കീഴിലുള്ള സോങ്ങ് ആന്റ് ഡ്രാമ ഡിവിഷൻ 'എം '' പാനൽ എ ഗ്രേഡ് ആർട്ടിസ്റ്റ്, ഓൾ ഇന്ത്യാ ക്ലാസിക്കൽ, ഫോക് ആന്റ് ട്രൈബൽ ആർട്ട് കലാ പരിഷത്തിന്റെ നാഷണൽ എക്സിക്യൂട്ടീവ് മെമ്പർ , ശ്രീ സുബ്രഹ്മണ്യസ്വാമി ക്ഷേത്രം ട്രസ്റ്റി ബോർഡ് മെമ്പർ.ഗ്രാമം പ്രതിഭ സെക്രട്ടറി എന്നീ നിലകളിലും പ്രവർത്തിച്ചു വരുന്നു. ഭാര്യ' കെ.എ.രാധ അനിൽ , മക്കളിയ അക്ഷയ് കുമാർ, കൃഷ്ണകുമാർ എന്നിവരോടൊപ്പം പയ്യന്നൂർ മഹാദേവ ഗ്രാമത്തിൽ താമസിക്കുന്നു.

### Related Links & Sources
- [Original Story Source](https://malayorashabdam.truevisionnews.com/news/15585/A-boy-from-North-Malabar-keeping-the-tradition-of-Kathakali-alive)