---
title: "സുസ്ഥിര വിനോദ സഞ്ചാര പ്രോത്സാഹനം: വയനാട്‌ ബൈസൈക്കിൾ ചലഞ്ചിന്‌ ആവേശ സമാപനം"
english_title: "Tourism "
publisher: "malayorashabdam.in"
canonical_url: "https://malayorashabdam.truevisionnews.com/news/159714/tourism"
published_at: "2023-11-05T16:18:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6547731ac9f6b_IMG-20231105-WA0007.jpg"
keywords: []
---

# സുസ്ഥിര വിനോദ സഞ്ചാര പ്രോത്സാഹനം: വയനാട്‌ ബൈസൈക്കിൾ ചലഞ്ചിന്‌ ആവേശ സമാപനം

> **Lead Summary:** **കൽപ്പറ്റ**: വയനാട്‌ ബൈക്കേഴ്‌ ക്ലബ്ബിന്റെ ബൈസൈക്കിൾ ചലഞ്ച്‌ രണ്ടാം എഡിഷൻ സമാപിച്ചു. രാവിലെ 6.15 നു ഓഷിൻ ഹോട്ടൽ പരിസരത്ത്‌ ജില്ലാ സൈക്കിൾ അസോസിയേഷൻ പ്രസിഡന്റ്‌ സലിം കടവൻ,ഓഷിൻ ഹോട്ടൽസ്‌ ആൻഡ്‌ റിസോർട്ട്‌ എം ഡി ഷിഹാബ്‌ ടി എന്നിവർ ഫ്ലാഗ്‌ ഓഫ്‌ ചെയ്തു.

## Article Content

**കൽപ്പറ്റ**: വയനാട്‌ ബൈക്കേഴ്‌ ക്ലബ്ബിന്റെ ബൈസൈക്കിൾ ചലഞ്ച്‌ രണ്ടാം എഡിഷൻ സമാപിച്ചു. രാവിലെ 6.15 നു ഓഷിൻ ഹോട്ടൽ പരിസരത്ത്‌ ജില്ലാ സൈക്കിൾ അസോസിയേഷൻ പ്രസിഡന്റ്‌ സലിം കടവൻ,ഓഷിൻ ഹോട്ടൽസ്‌ ആൻഡ്‌ റിസോർട്ട്‌ എം ഡി ഷിഹാബ്‌ ടി എന്നിവർ ഫ്ലാഗ്‌ ഓഫ്‌ ചെയ്തു.

മുട്ടിൽ മീനങ്ങാടി കൊളഗപ്പറ അമ്പലവയൽ മേപ്പാടി വഴി സഞ്ചരിച്ച്‌ കൽപ്പറ്റ ബൈപ്പാസിൽ കബാബ്‌ ഷാക്ക്‌ ഹോട്ടൽ പരിസരത്ത്‌ ചാലഞ്ച്‌ സമാപിച്ചു. എലൈറ്റ്‌ മെൻ റോഡ്‌ ബൈക്ക്‌ വിഭാഗം സോമേഷ്‌,റിദ്ദുൽ ദാസ്‌ എം,ആദിത്‌ എലൈറ്റ്‌ മെൻ എം ടി ബി.,വൈശാഖ്‌ കെ വി, ലക്ഷ്മിഷ്‌, അമൽ ജിത്‌, മാസ്റ്റേഴ്സ്‌ സുധി ചന്ദ്രൻ, വിഷ്ണു തോഠ്കർ, ഷൈൻ മുരളീധരൻ.  വനിതാ വിഭാഗം അലാനിസ്‌, ലില്ലി, ക്യുബിലിയോ, മഹി, സുധി,ലെന എലിസബത്‌ കോര എന്നിവരാണ് വിജയികൾ.

പതിനൊന്ന് മണിക്ക്‌ ഓഷിൻ ഹോട്ടലിൽ നടന്ന സമാപന ചടങ്ങിൽ വിജയികൾക്ക്‌ ജില്ലാ പോലീസ്‌ മേധാവി പദം സിംഗ്‌ സമ്മാനങ്ങൾ വിതരണം ചെയ്തു.കൽപ്പറ്റ മുനിസിപ്പാലിറ്റി ചെയർമാൻ മുജീബ് കേയംതൊടി,സ്പോർട്സ് കൗൺസിൽ പ്രസിഡന്റ് എം മധു തുടങ്ങിയവർ പങ്കെടുത്തു.

സംസ്ഥാന സർക്കാരിൻ്റെ കേരളീയം-2023 ൻ്റെ ഭാഗമായി വയനാട് ജില്ലയിൽ സുസ്ഥിര വിനോദ സഞ്ചാരം പ്രോത്സാഹിപ്പിക്കുക എന്ന സന്ദേവുമായി വയനാട്‌ ജില്ലാ ടൂറിസം പ്രമോഷൻ കൗൺസിലും വയനാട്‌ ബൈക്കേഴ്സ്‌ ക്ലബ്ബും സംയുക്തമായാണ്‌ ഇത്തവണ വയനാട്‌ ബൈസൈക്കിൾ ചലഞ്ച്‌ സംഘടിപ്പിച്ചത്‌.

ചലഞ്ചിൽ ദേശീയ സംസ്ഥാന താരങ്ങൾ ഉൾപ്പെടെ നൂറിലധികം താരങ്ങൾ പങ്കെടുത്തു.വിവിധ വിഭാഗങ്ങളിലായി ഒന്നരലക്ഷം രൂപയാണ്‌ ‌ വിജയികൾക്ക്‌ വയനാട്‌ ബൈക്കേഴ്സ്‌ ക്ലബ്ബ്‌ സമ്മാനമായി നൽകിയത്‌‌.

സുസ്ഥിര വികസനം, ഹരിത തത്വങ്ങൾ പാലിച്ചു പ്രകൃതിയോടിണങ്ങിയ സാഹസിക വിനോദ ടൂറിസം,സൈക്കിൾ യാത്രകളുടെ പ്രോത്സാഹനം തുടങ്ങിയവയാണ്‌ ചലഞ്ച്‌ മുന്നോട്ടുവെക്കുന്നത്‌. പശ്ചിമഘട്ടത്തിലെ ബാക്ക്‌ റോഡ്‌ സവാരികളുടെ പ്രോത്സാഹനമാണ്‌ സെക്കന്റ്‌ എഡിഷന്റെ മുഖ്യ ആശയം.

### Related Links & Sources
- [Original Story Source](https://malayorashabdam.truevisionnews.com/news/159714/tourism)