---
title: "പ്ലസ് വണ്‍ പ്രവേശനത്തിന് താല്‍ക്കാലിക ബാച്ചുകളുടെ പട്ടിക അംഗീകരിച്ച്‌ പൊതു വിദ്യാഭ്യാസ വകുപ്പ് ഉത്തരവ് ഇറക്കി"
english_title: "temporary batches for Plus One admission has been approved"
publisher: "malayorashabdam.in"
canonical_url: "https://malayorashabdam.truevisionnews.com/news/16026/temporary-batches-for-plus-one-admission-has-been-approved"
published_at: "2021-12-14T15:41:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61b86e6b4b303_images - 2021-12-14T154353.932.jpeg"
keywords: []
---

# പ്ലസ് വണ്‍ പ്രവേശനത്തിന് താല്‍ക്കാലിക ബാച്ചുകളുടെ പട്ടിക അംഗീകരിച്ച്‌ പൊതു വിദ്യാഭ്യാസ വകുപ്പ് ഉത്തരവ് ഇറക്കി

> **Lead Summary:** തിരുവനന്തപുരം: പ്ലസ് വണ്‍ പ്രവേശനത്തിന് താല്‍ക്കാലിക ബാച്ചുകളുടെ പട്ടിക അംഗീകരിച്ച്‌ പൊതു വിദ്യാഭ്യാസ വകുപ്പ് ഉത്തരവ് ഇറക്കി.

## Article Content

തിരുവനന്തപുരം: പ്ലസ് വണ്‍ പ്രവേശനത്തിന് താല്‍ക്കാലിക ബാച്ചുകളുടെ പട്ടിക അംഗീകരിച്ച്‌ പൊതു വിദ്യാഭ്യാസ വകുപ്പ് ഉത്തരവ് ഇറക്കി.

സയന്‍സ് -20, ഹ്യൂമാനിറ്റീസ്- 49, കൊമേഴ്‌സ്- 10 എന്നിങ്ങനെയാണ് തൃശൂര്‍ മുതല്‍ വടക്കോട്ടുള്ള ജില്ലകളില്‍ താലൂക്ക് അടിസ്ഥാനത്തിലുള്ള കണക്കുകള്‍ പരിശോധിച്ച്‌ അധിക ബാച്ച്‌ അനുവദിച്ചത്. ഇതില്‍ 19 ബാച്ചുകള്‍ ഷിഫ്റ്റു ചെയ്യുന്ന ബാച്ചുകളാണ്. എട്ട് സയന്‍സ് ബാച്ചുകളും അഞ്ച് ഹ്യുമാനിറ്റീസ് ബാച്ചുകളും ആറ് കൊമേഴ്‌സ് ബാച്ചുകളുമാണ് ആവശ്യമായ താലൂക്കുകളിലേക്ക് മാറ്റിയത്.

പ്ലസ് വണ്‍ താല്‍ക്കാലിക ബാച്ചുകളിലെ സീറ്റുകളും നിലവിലുള്ള ഒഴിവുകളും ഇന്ന് രാവിലെ ഒമ്ബതിന് പ്രസിദ്ധീകരിക്കും. സ്‌കൂള്‍, കോമ്ബിനേഷന്‍ ട്രാന്‍സ്ഫറിനുള്ള അപേക്ഷകള്‍ ഇന്നു രാവിലെ പത്തു മുതല്‍ 16 ന് ( വ്യാഴാഴ്ച) വൈകീട്ട് നാലുവരെ ഓണ്‍ലൈനായി സമര്‍പ്പിക്കാം. മെറിറ്റ്, സ്‌പോര്‍ട്‌സ് ക്വാട്ടയില്‍ ഒന്നാം ഓപ്ഷനില്‍ പ്രവേശനം ലഭിച്ചവര്‍ക്കും ട്രാന്‍സ്ഫറിന് അപേക്ഷിക്കാം.

കോമ്ബിനേഷന്‍, സ്‌കൂള്‍ ട്രാന്‍സ്ഫര്‍ അലോട്ട്‌മെന്റിന് ശേഷമുള്ള ഒഴിവുകള്‍ 20 ന് രാവിലെ ഒമ്ബതിന് പ്രസിദ്ധീകരിക്കും. ഇതുവരെ പ്രവേശനം ലഭിക്കാത്തവര്‍ക്ക് 20 ന് രാവിലെ 10 മുതല്‍ അപേക്ഷ നല്‍കാം. പുതുതായി അപേക്ഷ നല്‍കാനും അവസരം ഉണ്ടാകും

### Related Links & Sources
- [Original Story Source](https://malayorashabdam.truevisionnews.com/news/16026/temporary-batches-for-plus-one-admission-has-been-approved)