---
title: "കാറിൽ കടത്തുകയായിരുന്ന മാരക ലഹരി ഗുളികകളുമായി യുവാവ് പിടിയിൽ"
english_title: "Young man arrested with intoxicating pills "
publisher: "malayorashabdam.in"
canonical_url: "https://malayorashabdam.truevisionnews.com/news/16501/young-man-arrested-with-intoxicating-pills"
published_at: "2021-12-17T12:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61bc2f82330ab_PicsArt_12-17-12.02.02.jpg"
keywords: []
---

# കാറിൽ കടത്തുകയായിരുന്ന മാരക ലഹരി ഗുളികകളുമായി യുവാവ് പിടിയിൽ

> **Lead Summary:** ഇരിട്ടി: മാരക ലഹരി ഗുളികകൾ കാറിൽ കേരളത്തിലേക്ക് കടത്തവെ യുവാവ് എക്സൈസ് പിടിയിൽ. കിളിയന്തറ എക്സൈസ് ചെക്ക് പോസ്റ്റിൽ നടത്തിയ പരിശോധനയിലാണ് കണ്ണൂർ താണ ഗവ.ആയുർവേദ ഹോസ്പിറ്റലിനടുത്തു താമസിക്കുന്ന കെ.ടി.ഇബ്രാഹിം മകൻ സി.ഹാഷിഫ് പിടിയിലായത്.ഇയാളിൽ നിന്നും 400 എണ്ണം ട്രമഡോൾ ഗുളികകൾ (137.2 ഗ്രാം) പിടിച്ചെടുത്തു. ഗുളികകൾ കടത്തിക്കൊണ്ടു വന്ന KA O5 MR 8100 നമ്പർ ഹുണ്ടായ് ക്രെറ്റ കാറും കസ്റ്റഡിയിലെടുത്തു.

## Article Content

ഇരിട്ടി: മാരക ലഹരി ഗുളികകൾ കാറിൽ കേരളത്തിലേക്ക് കടത്തവെ യുവാവ് എക്സൈസ് പിടിയിൽ. കിളിയന്തറ എക്സൈസ് ചെക്ക് പോസ്റ്റിൽ നടത്തിയ പരിശോധനയിലാണ് കണ്ണൂർ താണ ഗവ.ആയുർവേദ ഹോസ്പിറ്റലിനടുത്തു താമസിക്കുന്ന കെ.ടി.ഇബ്രാഹിം മകൻ സി.ഹാഷിഫ് പിടിയിലായത്.ഇയാളിൽ നിന്നും 400 എണ്ണം ട്രമഡോൾ ഗുളികകൾ (137.2 ഗ്രാം) പിടിച്ചെടുത്തു. ഗുളികകൾ കടത്തിക്കൊണ്ടു വന്ന KA O5 MR 8100 നമ്പർ ഹുണ്ടായ് ക്രെറ്റ കാറും കസ്റ്റഡിയിലെടുത്തു.

തീവ്ര വേദനസംഹാരിയായ ഈ ഗുളിക ഡോക്ടറുടെ അനുമതി ഇല്ലാതെ ഉപയോഗിച്ചാൽ കടുത്ത ആസക്തിയും, ഗുരുതര ആരോഗ്യ പ്രശ്നങ്ങൾക്കോ, മരണത്തിനോ കാരണമാകാം. ക്യാംപസുകളിലും യുവാക്കൾക്കിടയിലും വിതരണം ചെയ്യുന്നതിന്നായി എത്തിച്ചതാണിത്.

പരിശോധനക്ക് എക്സൈസ് ഇൻസ്പെക്ടർ കെ.ഷാജി, പ്രിവൻ്റീവ് ഓഫീസർ ടി.കെ.വിനോദൻ, എക്സൈസ് ഇൻറലിജൻസ് ബ്യൂറോയിലെ പ്രിവൻ്റീവ് ഓഫീസർ ഒ.നിസാർ,ഗ്രേഡ് പ്രിവൻ്റീവ് ഓഫീസർ ബാബുമോൻ ഫ്രാൻസിസ്,സിവിൽ എക്സൈസ് ഓഫീസർമാരായ മധു പുത്തൻ പറമ്പിൽ,കെ.രമീഷ് എന്നിവരും പങ്കെടുത്തു.

### Related Links & Sources
- [Original Story Source](https://malayorashabdam.truevisionnews.com/news/16501/young-man-arrested-with-intoxicating-pills)