---
title: "ഭിന്നശേഷിക്കാരിയെ ലൈംഗികമായി പീഡിപ്പിച്ചു; പ്രതിക്ക് ഏഴ് വര്‍ഷം കഠിന തടവ്"
english_title: "Kishor "
publisher: "malayorashabdam.in"
canonical_url: "https://malayorashabdam.truevisionnews.com/news/169554/kishor"
published_at: "2023-12-15T22:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/657c81ab9261b_n565682064170265838373126ddfb3f30014e8ff9ef82e7c86f0dc7ac43608115a75b19078ac4456317558e.jpg"
keywords: []
---

# ഭിന്നശേഷിക്കാരിയെ ലൈംഗികമായി പീഡിപ്പിച്ചു; പ്രതിക്ക് ഏഴ് വര്‍ഷം കഠിന തടവ്

> **Lead Summary:** **പാലക്കാട്: **ഭിന്നശേഷിക്കാരിയായ സ്ത്രീയെ ലൈംഗികമായി പീഡിപ്പിച്ച കേസില്‍ പ്രതിക്ക് ഏഴ് വര്‍ഷം കഠിന തടവും ഒരു ലക്ഷം രൂപ പിഴയും ശിക്ഷ വിധിച്ചു. കല്ലേപ്പുള്ളി ആലമ്ബളളം കറുപ്പത്ത് വീട്ടില്‍ കിഷോറിനെയാണ് പാലക്കാട് അസിസ്റ്റന്റ് സെഷന്‍സ് കോടതി ശിക്ഷ വിധിച്ചത്. എട്ട് വര്‍ഷങ്ങള്‍ക്ക് ശേഷമാണ് വിധി വരുന്നത്. 

## Article Content

**പാലക്കാട്: **ഭിന്നശേഷിക്കാരിയായ സ്ത്രീയെ ലൈംഗികമായി പീഡിപ്പിച്ച കേസില്‍ പ്രതിക്ക് ഏഴ് വര്‍ഷം കഠിന തടവും ഒരു ലക്ഷം രൂപ പിഴയും ശിക്ഷ വിധിച്ചു. കല്ലേപ്പുള്ളി ആലമ്ബളളം കറുപ്പത്ത് വീട്ടില്‍ കിഷോറിനെയാണ് പാലക്കാട് അസിസ്റ്റന്റ് സെഷന്‍സ് കോടതി ശിക്ഷ വിധിച്ചത്. എട്ട് വര്‍ഷങ്ങള്‍ക്ക് ശേഷമാണ് വിധി വരുന്നത്. 

ഭിന്നശേഷിക്കാരിയായ സ്ത്രീയെ വീടിനകത്ത് പ്രതി ലൈംഗികമായി പീഡിപ്പിച്ചു എന്നായിരുന്നു കേസ്. 2015 ജൂലൈ 13ന് രാവിലെ 11.30ന് ആയിരുന്നു സംഭവം. പ്രോസിക്യൂഷന് വേണ്ടി മുന്‍ ഗവണ്‍മെന്റ് പ്ലീഡര്‍ ആര്‍ ആനന്ദ് കോടതിയില്‍ ഹാജരായി. 

14 സാക്ഷികളെ കേസില്‍ വിസ്തരിച്ചു. 21 രേഖകള്‍ സമര്‍പ്പിച്ചു. മലമ്ബുഴ പോലീസ് സ്റ്റേഷന്‍ സിപിഒ ലിന്റോയാണ് പ്രോസിക്യൂഷന്‍ നടപടികള്‍ ഏകോപിപ്പിച്ചത്.

### Related Links & Sources
- [Original Story Source](https://malayorashabdam.truevisionnews.com/news/169554/kishor)