---
title: "മുസ്ലീം മത പണ്ഡിതർക്കെതിരെ രൂക്ഷ വിമർശനവുമായി കേരള നിയമസഭ സ്‌പീക്കർ "
english_title: "Anshamseer"
publisher: "malayorashabdam.in"
canonical_url: "https://malayorashabdam.truevisionnews.com/news/170402/anshamseer"
published_at: "2023-12-19T09:48:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/658119a6e515c_IMG-20231219-WA0006.jpg"
keywords: []
---

# മുസ്ലീം മത പണ്ഡിതർക്കെതിരെ രൂക്ഷ വിമർശനവുമായി കേരള നിയമസഭ സ്‌പീക്കർ 

> **Lead Summary:**  **കണ്ണൂർ**: സ്ത്രീധനത്തിന്റെ പേരിൽ യുവ ഡോക്ടർ ആത്മഹത്യ ചെയ്ത സംഭവത്തിൽ മുസ്ലിം മത പുരോഹിതർക്കെതിരെ വിമർശനവുമായി കേരള നിയമസഭ സ്പീക്കർ എ.എൻ ഷംസീർ. സ്ത്രീധനത്തിന്റെ പേരിൽ ആത്മഹത്യ ചെയ്ത ഡോ.ഷഹാനയുടെ മരണത്തിൽ മതപണ്ഡിതർ മൗനം പാലിച്ചത് കുറ്റകരമാണെന്ന് സ്പീക്കർ എ എൻ. ഷംസീർ പറഞ്ഞു.

## Article Content

 **കണ്ണൂർ**: സ്ത്രീധനത്തിന്റെ പേരിൽ യുവ ഡോക്ടർ ആത്മഹത്യ ചെയ്ത സംഭവത്തിൽ മുസ്ലിം മത പുരോഹിതർക്കെതിരെ വിമർശനവുമായി കേരള നിയമസഭ സ്പീക്കർ എ.എൻ ഷംസീർ. സ്ത്രീധനത്തിന്റെ പേരിൽ ആത്മഹത്യ ചെയ്ത ഡോ.ഷഹാനയുടെ മരണത്തിൽ മതപണ്ഡിതർ മൗനം പാലിച്ചത് കുറ്റകരമാണെന്ന് സ്പീക്കർ എ എൻ. ഷംസീർ പറഞ്ഞു.

ദേശീയ ന്യൂനപക്ഷ ദിനാചരണത്തിന്റെ ഭാഗമായി സംസ്ഥാന ന്യൂനപക്ഷ കമ്മീഷന്റെ നേതൃത്വത്തിൽ സംഘടിപ്പിച്ച ന്യൂനപക്ഷ ദിനാചരണം കണ്ണൂർ ജില്ലാ പഞ്ചായത്ത് ഹാളിൽ ഉദ്ഘാടനം ചെയ്യുകയായിരുന്നു അദ്ദേഹം. മുസ്ലിം മത നിയമപ്രകാരം സ്ത്രീധനം വാങ്ങുന്നത് കുറ്റകരമാണ്. വിവാഹം കഴിക്കാനിരിക്കുന്ന യുവാവിന്റെ മാതാപിതാക്കൾ സ്ത്രീധനം വേണമെന്ന് ആവശ്യപ്പെട്ടപ്പോൾ മതപണ്ഡിതർ മൗനം പാലിക്കുകയായിരുന്നു. ഈ മൗനമാണ് യുവതിയുടെ ആത്മഹത്യയിലെക്കെത്തിയത്. സത്യം തുറന്ന് പറഞ്ഞതിന്റെ പേരിൽ പലപ്പോഴും താൻ വേട്ടയാടപ്പെട്ടിട്ടുണ്ട്. ഏതു മതവിഭാഗത്തിൽപെട്ടവരായാലും സ്ത്രീധനം ചോദിച്ചെത്തുന്നവരോട് നോ പറയാൻ സമൂഹം തയ്യാറാകണമെന്ന് ഷംസീർ പറഞ്ഞു.

### Related Links & Sources
- [Original Story Source](https://malayorashabdam.truevisionnews.com/news/170402/anshamseer)