---
title: "#Volleyball | സംസ്ഥാന സീനിയർ വോളിബോൾ ചാമ്പ്യൻഷിപ്പ്: ഗ്യാലറി നിർമ്മാണത്തിന് തുടക്കമായി"
english_title: "State Senior Volleyball Championship"
publisher: "malayorashabdam.in"
canonical_url: "https://malayorashabdam.truevisionnews.com/news/172543/state-senior-volleyball-championship"
published_at: "2023-12-27T11:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/658bb9cf453c6_Screenshot_2023-12-27-11-07-36-65_6012fa4d4ddec268fc5c7112cbb265e7.jpg"
keywords: []
---

# #Volleyball | സംസ്ഥാന സീനിയർ വോളിബോൾ ചാമ്പ്യൻഷിപ്പ്: ഗ്യാലറി നിർമ്മാണത്തിന് തുടക്കമായി

> **Lead Summary:** **മാനന്തവാടി** : സ്പോർട്സ് കൗൺസിലും ജില്ലാ വോളിബോൾ ടെക്നിക്കൽ കമ്മിറ്റിയും ചേർന്ന് റിപ്പോർട്ടർ ചാനലിന്റെ സഹകരണത്തോടെ സംഘടിപ്പിക്കുന്ന സംസ്ഥാന സീനിയർ പുരുഷ - വനിതാ വോളിബോൾ ചാമ്പ്യൻഷിപ്പിന്റെ ഗ്യാലറി നിർമ്മാണത്തിന് തുടക്കമായി.

## Article Content

**മാനന്തവാടി** : സ്പോർട്സ് കൗൺസിലും ജില്ലാ വോളിബോൾ ടെക്നിക്കൽ കമ്മിറ്റിയും ചേർന്ന് റിപ്പോർട്ടർ ചാനലിന്റെ സഹകരണത്തോടെ സംഘടിപ്പിക്കുന്ന സംസ്ഥാന സീനിയർ പുരുഷ - വനിതാ വോളിബോൾ ചാമ്പ്യൻഷിപ്പിന്റെ ഗ്യാലറി നിർമ്മാണത്തിന് തുടക്കമായി.

താഴെയങ്ങാടിയിലെ ഹൗസിംഗ് ബോർഡിന്റെ സ്ഥലത്ത് അയ്യായിരം പേർക്കുള്ള ഗ്യാലറിയാണ് നിർമ്മിക്കുന്നത്. 2024 ജനുവരി 1 മുതൽ 7 വരെ മാനന്തവാടിയിൽ വച്ചാണ് ചാമ്പ്യൻഷിപ്പ്. വിജയികൾക്ക് റിമാൽ ഗ്രൂപ്പ്‌ ട്രോഫിയും രാജേഷ് മണ്ണാപറമ്പിൽ മെമ്മോറിയൽ ട്രോഫിയും നൽകും.

സംസ്ഥാനത്തെ 14 ജില്ലകളിൽ നിന്നുമുള്ള പുരുഷ-വനിത ടീമുകൾ ചാമ്പ്യൻഷിപ്പിൽ പങ്കെടുക്കും. ഗ്യാലറി കാൽനാട്ടൽ ചടങ്ങ് ജില്ലാ പഞ്ചായത്ത് പ്രസിഡണ്ട് സംഷാദ് മരക്കാർ ഉദ്ഘാടനം ചെയ്തു. മാനന്തവാടി നഗരസഭാ ചെയർപേഴ്സൺ സി കെ രത്നവല്ലി അദ്ധ്യക്ഷയായി.

സംസ്ഥാന സ്പോർട്സ് കൗൺസിൽ അംഗം കെ റഫീഖ്, സംഘാടക സമിതി ജനറൽ കൺവീനർ എൻ ജെ ഷജിത്ത്, മാനന്തവാടി ബ്ലോക്ക് പഞ്ചായത്ത് വൈസ് പ്രസിഡണ്ട് ജയഭാരതി, ജില്ല യുത്ത് കോഡിനേറ്റർ കെ എം ഫ്രാൻസിസ്, പി വി സഹദേവൻ, റഷീദ് പടയൻ, കെ.ഉസ്മാൻ, അസീസ് വാളാട്, പി ടി ബിജു, കെ എം വർക്കി, ഇ എം ശ്രീധരൻ മാഷ് തുടങ്ങിയവർ പങ്കെടുത്തു.

### Related Links & Sources
- [Original Story Source](https://malayorashabdam.truevisionnews.com/news/172543/state-senior-volleyball-championship)