---
title: "'കടന്നുപോകുന്നത് പരിഷ്ക്കാരത്തിന്റെയും മാറ്റത്തിന്റെയും 5 വര്‍ഷം'; പ്രധാനമന്ത്രി നരേന്ദ്രമോദി"
english_title: "Prime-minister "
publisher: "malayorashabdam.in"
canonical_url: "https://malayorashabdam.truevisionnews.com/news/183469/prime-minister"
published_at: "2024-02-10T18:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/65c7726b5834d_n5820385001707569672042bcea50c7bac80788f4d68b56081662da4bdb596ce80e9ce69ccdb4d219cdff63.jpg"
keywords: []
---

# 'കടന്നുപോകുന്നത് പരിഷ്ക്കാരത്തിന്റെയും മാറ്റത്തിന്റെയും 5 വര്‍ഷം'; പ്രധാനമന്ത്രി നരേന്ദ്രമോദി

> **Lead Summary:** **ന്യൂഡല്‍ഹി: **രണ്ടാം മോദി സർക്കാരിന്റെ അവസാന പാർലമെന്‍റ് സമ്മേളനത്തില്‍ നേട്ടങ്ങള്‍ എണ്ണിപ്പറഞ്ഞ് പ്രധാനമന്ത്രി നരേന്ദ്രമോദി. കടന്നുപോകുന്നത് പരിഷ്ക്കാരത്തിന്റെയും മാറ്റത്തിന്റെയും അഞ്ച് വർഷങ്ങളാണെന്ന് മോദി പറഞ്ഞു. 'ശക്തമായ ഇന്ത്യയുടെ അടിത്തറ പാകുന്ന നിരവധി മാറ്റങ്ങളും പരിഷ്കാരങ്ങളും കഴിഞ്ഞ അഞ്ച് വർഷത്തിനുള്ളില്‍ നടന്നു. ഭീകരതയെ നേരിടാൻ ഞങ്ങള്‍ കടുത്ത നിയമങ്ങള്‍ ഉണ്ടാക്കി.ഈ കാലയളവില്‍ ഞങ്ങള്‍ ആർട്ടിക്കിള്‍ 370 റദ്ദാക്കി. രാജ്യം പതിനേഴാം ലോക്‌സഭയെ അനുഗ്രഹിക്കും. ഭരണഘടനാ നിർമ്മാതാക്കളുടെ അനുഗ്രഹം ഞങ്ങള്‍ക്കൊപ്പമുണ്ട്'-പ്രധാനമന്ത്രി പറഞ്ഞു.

## Article Content

**ന്യൂഡല്‍ഹി: **രണ്ടാം മോദി സർക്കാരിന്റെ അവസാന പാർലമെന്‍റ് സമ്മേളനത്തില്‍ നേട്ടങ്ങള്‍ എണ്ണിപ്പറഞ്ഞ് പ്രധാനമന്ത്രി നരേന്ദ്രമോദി. കടന്നുപോകുന്നത് പരിഷ്ക്കാരത്തിന്റെയും മാറ്റത്തിന്റെയും അഞ്ച് വർഷങ്ങളാണെന്ന് മോദി പറഞ്ഞു. 'ശക്തമായ ഇന്ത്യയുടെ അടിത്തറ പാകുന്ന നിരവധി മാറ്റങ്ങളും പരിഷ്കാരങ്ങളും കഴിഞ്ഞ അഞ്ച് വർഷത്തിനുള്ളില്‍ നടന്നു. ഭീകരതയെ നേരിടാൻ ഞങ്ങള്‍ കടുത്ത നിയമങ്ങള്‍ ഉണ്ടാക്കി.ഈ കാലയളവില്‍ ഞങ്ങള്‍ ആർട്ടിക്കിള്‍ 370 റദ്ദാക്കി. രാജ്യം പതിനേഴാം ലോക്‌സഭയെ അനുഗ്രഹിക്കും. ഭരണഘടനാ നിർമ്മാതാക്കളുടെ അനുഗ്രഹം ഞങ്ങള്‍ക്കൊപ്പമുണ്ട്'-പ്രധാനമന്ത്രി പറഞ്ഞു.

ലോക്‌സഭാ സ്പീക്കർ ഓം ബിർളയെയും പ്രധാനമന്ത്രി പ്രത്യേകം അഭിനന്ദിച്ചു. 'നിങ്ങള്‍ എപ്പോഴും പുഞ്ചിരിച്ചിരുന്നു. നിങ്ങളുടെ പുഞ്ചിരി ഒരിക്കലും മാഞ്ഞിട്ടില്ല. നിങ്ങള്‍ ഈ സഭയെ സന്തുലിതവും നിഷ്പക്ഷവുമായ രീതിയില്‍ പല സന്ദർഭങ്ങളിലും നയിച്ചു, ഇതില്‍ ഞാൻ അങ്ങയെ അഭിനന്ദിക്കുന്നു. ദേഷ്യവും ആരോപണങ്ങളും ഉണ്ടായ നിമിഷങ്ങള്‍ ഉണ്ടായിരുന്നു, പക്ഷേ അങ്ങ് ക്ഷമയോടെ സാഹചര്യം നിയന്ത്രിച്ചു. ഇതില്‍ അങ്ങയോട് ഞാന്‍ നന്ദി അറിയിക്കുന്നു'- മോദി പറഞ്ഞു.

കഴിഞ്ഞ അഞ്ച് വർഷത്തിനിടയിലെ പതിനേഴാം ലോക്‌സഭ രാജ്യത്തിന് ശരിയായ ദിശാബോധം നല്‍കാനാണ് ശ്രമിച്ചത്.നാരീ ശക്തി വന്ദൻ അധീനിയത്തോടെയാണ് പുതിയ പാർലമെൻ്റ് ആരംഭിച്ചത്. മുത്തലാഖ് മൂലം സ്ത്രീകള്‍ നേരിടുന്നത് ബുദ്ധിമുട്ട് നമ്മളെല്ലാം കണ്ടതാണ്. പതിനേഴാം ലോക്‌സഭയാണ് അതില്‍ നിന്ന് അവരെ രക്ഷിക്കുകയും സ്ത്രീകള്‍ക്ക് നീതി നല്‍കുകയും ചെയ്തതെന്നും അദ്ദേഹം പറഞ്ഞു.

'ജമ്മു കശ്മീരിലെ ജനങ്ങള്‍ സാമൂഹിക നീതിയില്ലാത്തവരായിരുന്നു. സാമൂഹിക നീതിയോടുള്ള ഞങ്ങളുടെ പ്രതിബദ്ധതയ്‌ക്ക് അനുസൃതമായി ജമ്മു കശ്മീരിലെ ജനങ്ങള്‍ക്ക് സാമൂഹിക നീതി കൊണ്ടുവന്നതില്‍ ഇന്ന് ഞങ്ങള്‍ സംതൃപ്തരാണ്. രാജ്യത്തിൻ്റെ നെഞ്ചിലേക്ക് വെടിയുണ്ടകള്‍ എറിയുന്ന ഒരു മുള്ളുപോലെ തീവ്രവാദം മാറിയിരിക്കുന്നു. ഭീകരതയ്‌ക്കെതിരെ ഞങ്ങള്‍ കർശനമായ നിയമങ്ങള്‍ രൂപീകരിച്ചു. ഇതുപോലുള്ള പ്രശ്‌നങ്ങളിലൂടെ കഷ്ടപ്പെടുന്ന ആളുകള്‍ക്ക് ഇതുപോലെയുള്ള ശക്തി ലഭിക്കുമെന്ന് എനിക്ക് ഉറച്ച വിശ്വാസമുണ്ട്'- പ്രധാനമന്ത്രി പറഞ്ഞു.

### Related Links & Sources
- [Original Story Source](https://malayorashabdam.truevisionnews.com/news/183469/prime-minister)