---
title: "കാട്ടുകൊമ്പന്‍ പടയപ്പ വീണ്ടും ജനവാസ മേഖലയില്‍ ഇറങ്ങി"
english_title: "Moonar "
publisher: "malayorashabdam.in"
canonical_url: "https://malayorashabdam.truevisionnews.com/news/197777/moonar"
published_at: "2024-04-09T12:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6614e5c6264eb_Screenshot_20240409-121939_WhatsAppBusiness.jpg"
keywords: []
---

# കാട്ടുകൊമ്പന്‍ പടയപ്പ വീണ്ടും ജനവാസ മേഖലയില്‍ ഇറങ്ങി

> **Lead Summary:** **മൂന്നാർ** : കാട്ടുകൊമ്പന്‍ പടയപ്പ വീണ്ടും ജനവാസ മേഖലയില്‍ ഇറങ്ങി. ഇന്നലെ രാത്രിയിലും ഇന്ന് പുലർച്ചയുമായി രണ്ട് തവണ പടയപ്പ ജനവാസമേഖലയിൽ എത്തി. മൂന്നാര്‍ കുറ്റിയാർവാലി റോഡിൽ ഗ്രാംസ്ലാൻഡ് ഭാഗത്താണ് പടയപ്പ ഇന്നലെ രാത്രിയിൽ ഇറങ്ങി ഗതാഗത തടസ്സം തീർത്തത്.അരമണിക്കൂറോളം സമയം പടയപ്പ ഇവിടെ നിലയുറപ്പിച്ചു.

## Article Content

**മൂന്നാർ** : കാട്ടുകൊമ്പന്‍ പടയപ്പ വീണ്ടും ജനവാസ മേഖലയില്‍ ഇറങ്ങി. ഇന്നലെ രാത്രിയിലും ഇന്ന് പുലർച്ചയുമായി രണ്ട് തവണ പടയപ്പ ജനവാസമേഖലയിൽ എത്തി. മൂന്നാര്‍ കുറ്റിയാർവാലി റോഡിൽ ഗ്രാംസ്ലാൻഡ് ഭാഗത്താണ് പടയപ്പ ഇന്നലെ രാത്രിയിൽ ഇറങ്ങി ഗതാഗത തടസ്സം തീർത്തത്.അരമണിക്കൂറോളം സമയം പടയപ്പ ഇവിടെ നിലയുറപ്പിച്ചു.

പിന്നീട് ആർ ആർ റ്റി സംഘമെത്തി കാട്ടാനയെ തുരത്തി.ഇന്ന് പുലർച്ചെ ആറാനകളടങ്ങുന്ന മറ്റൊരാനക്കൂട്ടത്തോടൊപ്പമാണ് പടയപ്പ ജനവാസ മേഖലയിൽ എത്തിയത്.കൊരണ്ടിക്കാട് എസ്റ്റേറ്റ് വേൽമുടി ബംഗ്ലാവിന് സമീപമായിരുന്നു കാട്ടാനക്കൂട്ടമെത്തിയത്.കഴിഞ്ഞ ദിവസം മാട്ടുപ്പെട്ടി മേഖലയില്‍ ഇറങ്ങിയ പടയപ്പ വഴിയോര വില്‍പ്പനശാലക്ക് നേരെ ആക്രമണം നടത്തിയിരുന്നു.

ദിവസമിത്രയായിട്ടും കാട്ടുകൊമ്പന്‍ കാട് കയറാന്‍ തയ്യാറാകാത്തത് വലിയ പ്രതിസന്ധി തീര്‍ക്കുകയാണ്. തുടര്‍ച്ചയായ ദിവസങ്ങളില്‍ പടയപ്പ ജനവാസ മേഖലയില്‍ എത്തി നാശം വരുത്തുന്ന സ്ഥിതിയുണ്ട്.ആര്‍ആര്‍ടി സംഘം പടയപ്പയെ നിരീക്ഷിക്കുന്നുവെങ്കിലും വനാതിര്‍ത്തികളിലൂടെ സഞ്ചരിച്ച് കാട്ടുകൊമ്പന്‍ വീണ്ടും ജനവാസമേഖലയില്‍ ഇറങ്ങുന്നത് പ്രതിസന്ധിയാവുന്നു.

കഴിഞ്ഞ കുറച്ചു നാളുകളായി ജനവാസ മേഖലയില്‍ തുടരുന്ന പടയപ്പ വ്യാപക നാശം വിതച്ചതോടെയാണ് കാട്ടാനയെ നിരീക്ഷിക്കുവാന്‍ പ്രത്യേക സംഘത്തെ നിയോഗിച്ചിരിക്കുന്നത്. അക്ഷരാര്‍ത്ഥത്തില്‍ പടയപ്പയുടെ സാന്നിധ്യം മൂലം മൂന്നാറിലെ ജനവാസ മേഖലകളില്‍ ആളുകളുടെ ജീവിതം ദുസഹമായി കഴിഞ്ഞു. പടയപ്പയെ വനത്തിലേക്ക് തുരത്താത്തതില്‍ പ്രതിഷേധവും ഉയരുന്നുണ്ട്. ഡ്രോണ്‍ അടക്കം ഉപയോഗപ്പെടുത്തിയാണ് വനംവകുപ്പ് ആനയെ നിരീക്ഷിക്കുന്നത്.

### Related Links & Sources
- [Original Story Source](https://malayorashabdam.truevisionnews.com/news/197777/moonar)