പൂഞ്ചില്‍ വ്യോമസേന വാഹനങ്ങള്‍ക്കു നേരെ ഭീകരാക്രമണം; അഞ്ച് സൈനികര്‍ക്ക് പരുക്ക്

 ശ്രീനഗർ: ജമ്മു കശ്മീരിലെ പൂഞ്ചില്‍ വ്യോമസേന വാഹനങ്ങള്‍ക്കു നേരെ ഭീകരാക്രമണം. അഞ്ച് സൈനികര്‍ക്ക് പരുക്കേറ്റതായും രണ്ട് പേരുടെ നില ഗുരുതരമാണെന്നും അധികൃതർ പറഞ്ഞു. പ്രദേശത്ത് തിരച്ചില്‍ തുടങ്ങി. രണ്ടുവാഹനങ്ങള്‍ക്കു നേരെയാണ് വെടിവയ്പുണ്ടായത്. മെയ് 25 ന് ആറാം ഘട്ടത്തിൽ വോട്ടെടുപ്പ് നടക്കുന്ന അനന്ത്നാഗ്-രജൗരി പാർലമെന്റ് മണ്ഡലത്തിന്റെ ഭാഗമാണ് പൂഞ്ച്. 2003 നും 2021 നും ഇടയിൽ സമാധാനപരമായി നിലനിന്നിരുന്ന പിർപഞ്ജൽ മേഖലയിലേക്ക് തീവ്രവാദ പ്രവർത്തനങ്ങൾ മടങ്ങിവരുന്നതിന്റെ സൂചനയായി അതിർത്തി ജില്ലയായ പൂഞ്ചും തൊട്ടടുത്തുള്ള രജൗരിയും കഴിഞ്ഞ രണ്ട് വർഷത്തിനിടെ ചില പ്രധാന തീവ്രവാദ ആക്രമണങ്ങൾക്ക് സാക്ഷ്യം വഹിച്ചിട്ടുണ്ട്

Terror attack on IAF convoy in Poonch