മണിക്കടവ് : ചെറുപുഷ്പ മിഷൻലീഗ് മണിക്കടവ് മേഖല സംഘടിപ്പിച്ച എയ്ഞ്ചൽസ് മീറ്റ് തലശ്ശേരി അതിരൂപത ആർച്ച് ബിഷപ്പ് എമിരിറ്റസ് മാർ ജോർജ് ഞരളക്കാട്ട് ഉദ്ഘാടനം ചെയ്തു. കാലാങ്കി ശാഖയിൽ വച്ച് നടന്ന ചടങ്ങിന് മേഖലാ പ്രസിഡണ്ട് ജിജു കോലക്കുന്നേൽ അധ്യക്ഷത വഹിച്ചു.
മേഖലയിലെ എല്ലാ ഇടവകകളിൽ നിന്നുമായി നൂറോളം കുട്ടികൾ പങ്കെടുത്ത ചടങ്ങിൽ ആദ്യകുർബാനയിലൂടെ കൈവന്ന വിശുദ്ധി ജീവിതത്തിലുടനീളം കാത്തുസൂക്ഷിക്കണമെന്ന് പിതാവ് കുട്ടികളെ ഓർമിപ്പിച്ചു.
മിഷൻലീഗ് സംസ്ഥാന പ്രസിഡൻറ് ബേബി പ്ലാശ്ശേരിയിൽ ക്ലാസുകൾക്ക് നേതൃത്വം നൽകി. കാലാങ്കി ഇടവക വികാരി ഫാ ബിബിൻ ഇലഞ്ഞിപറമ്പിൽ, മിഷൻ ലീഗ് മേഖല ഡയറക്ടർ ഫാ ജോമിറ്റ് മഞ്ഞളാംകുന്നേൽ എന്നിവർപ്രസംഗിച്ചു .
Manikkadavu