---
title: "സര്‍ക്കാരിന്റെ സ്വപ്ന പദ്ധതിയായ കെ റെയിലിനെതിരെ വീണ്ടും പ്രതിഷേധം"
english_title: "Protest against k rail"
publisher: "malayorashabdam.in"
canonical_url: "https://malayorashabdam.truevisionnews.com/news/20733/protest-against-k-rail"
published_at: "2022-01-14T11:44:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61e114e24a207_IMG-20220114-WA0030.jpg"
keywords: []
---

# സര്‍ക്കാരിന്റെ സ്വപ്ന പദ്ധതിയായ കെ റെയിലിനെതിരെ വീണ്ടും പ്രതിഷേധം

> **Lead Summary:** കണ്ണൂര്‍ : സര്‍ക്കാരിന്റെ സ്വപ്ന പദ്ധതിയായ കെ റെയിലിനെതിരെ വീണ്ടും പ്രതിഷേധം. കണ്ണൂര്‍ മാടായിപ്പാറയില്‍ വീണ്ടും കെ റെയില്‍ അതിരടയാള കല്ല് പിഴുത് മാറ്റി.

## Article Content

കണ്ണൂര്‍ : സര്‍ക്കാരിന്റെ സ്വപ്ന പദ്ധതിയായ കെ റെയിലിനെതിരെ വീണ്ടും പ്രതിഷേധം. കണ്ണൂര്‍ മാടായിപ്പാറയില്‍ വീണ്ടും കെ റെയില്‍ അതിരടയാള കല്ല് പിഴുത് മാറ്റി.

മുന്‍പ് രണ്ട് തവണ ഇവിടെ സര്‍വേ കല്ല് പിഴുതെറിഞ്ഞിരുന്നു. ഇത്തവണ എട്ട് കല്ലുകളാണ് പിഴുതെടുത്തത്. തുടര്‍ന്ന് ഇവ കൂട്ടിയിട്ട ശേഷം റീത്ത് വച്ച നിലയിലാണ് കണ്ടെത്തിയിരിക്കുന്നത്. പഴയങ്ങാടി പൊലീസ് അന്വേഷണം ആരംഭിച്ചു

കെ റെയില്‍ എന്ത് വിലകൊടുത്തു നടപ്പിലാക്കുമെന്ന സര്‍ക്കാര്‍ നയത്തിനെതിരെ പ്രതിപക്ഷമടക്കമുള്ള പാര്‍ട്ടികളും, പരിസ്ഥിതി സംഘടനകളും രംഗത്തെത്തിയിരുന്നു. അടയാള കല്ലുകള്‍ പിഴുതെറിയാന്‍ കെ പി സി സി അദ്ധ്യക്ഷന്‍ ആഹ്വാനം ചെയ്തതിന് പിന്നാലെയാണ് മാടായിപ്പാറയില്‍ സര്‍വേ കല്ലുകള്‍ പിഴുതെറിയാന്‍ ആരംഭിച്ചത്. സംസ്ഥാനത്ത് നിരവധി ഇടങ്ങളില്‍ സമാനമായ സംഭവമുണ്ടായിട്ടുണ്ട്. കെറെയില്‍ എന്നെഴുതിയ കല്ല് ഇടുന്നതിനെതിരെ ഹൈക്കോടതിയും സര്‍ക്കാരിനെ വിമര്‍ശിച്ചിരുന്നു.

### Related Links & Sources
- [Original Story Source](https://malayorashabdam.truevisionnews.com/news/20733/protest-against-k-rail)