പേരാവൂർ : തൊണ്ടിയിൽ സെൻ്റ് ജോൺസ് യുപി സ്കൂളിലെ വായനാവാചരണ പ്രവർത്തനങ്ങൾക്ക് സമാപനമായി.സമാപന സമ്മേളനവും വായന വാരത്തോടനുബന്ധിച്ച് കുട്ടികൾ തയ്യാറാക്കിയ കയ്യെഴുത്ത് പതിപ്പുകളുടെ പ്രകാശനവും പ്രശസ്ത എഴുത്തുകാരി അമൃത കേളകവും ഇരിട്ടി ഉപജില്ലയിലെ മലയാളഅധ്യാപക പരിശീലകയും വേക്കളം എ യു പി സ്കൂൾ അധ്യാപികയുമായ ഇന്ദു. പി എന്നിവർ ചേർന്ന് നിർവ്വഹിച്ചു.
എസ് ആർ ജി കൺവീനർ സിസ്റ്റർ ആലീസ് കുര്യൻ അധ്യക്ഷത വഹിച്ചു. സാഹിത്യത്തിൻ്റെ എഴുത്തുവഴികൾ എന്ന വിഷയത്തിൽ പ്രധാനാധ്യാപകൻ സോജൻ വർഗീസ് കുട്ടികൾക്ക് ക്ലാസെടുത്തു. സിജോ ജോസ്, സിസ്റ്റർ റാണി ജോസ്, ജോസ്ന എൻ.കെ, ജിൻസി ജോസ് എന്നിവർ സംസാരിച്ചു. ചടങ്ങിൽ പേരാവൂർ കെ.എസ്. എസ്. പി.എ യുടെ നേതൃത്വത്തിൽ ഭാരവാഹികളായ എൽസമ്മ ടി.ജെ, ഒ. മാത്യു എന്നിവർ ചേർന്ന് സ്കൂൾ ലൈബ്രറിയിലേക്ക് പുസ്തകങ്ങൾ നൽകി. ഷിംന ജോൺസൺ, ദർശൻ സുഹാസ് വൈഗ ലക്ഷ്മി എന്നിവർ ചേർന്ന് പുസ്തകങ്ങൾ ഏറ്റുവാങ്ങി.
Thondiyil