തിരുവനന്തപുരം: സപ്ലൈകോ 50-ാം വാര്ഷികത്തിന്റെ ഭാഗമായി ഫിഫ്റ്റി ഫിഫ്റ്റി പദ്ധതിയിലൂടെ സപ്ലൈകോ ഔട്ട്ലെറ്റുകളിലൂടെ 50 ജനപ്രിയ ഉത്പന്നങ്ങള്ക്ക് വരുന്ന 50 ദിവസത്തേക്ക് പ്രത്യേക വിലക്കുറവും ഓഫറും നല്കുമെന്ന് മുഖ്യമന്ത്രി.
ഒരു വര്ഷം നീണ്ടു നില്ക്കുന്ന ആഘോഷ പരിപാടികളാണ് തിരുവനന്തപുരം അയ്യങ്കാളി ഹാളില് മുഖ്യമന്ത്രി പിണറായി വിജയന് ഉദ്ഘാടനം ചെയ്തത്. സപ്ളൈകോ ഹാപ്പി അവേഴ്സ് എന്ന പേരില് നടപ്പാക്കുന്ന പദ്ധതി പ്രകാരം സംസ്ഥാനത്തെ സപ്ലൈകോ സൂപ്പര്മാര്ക്കറ്റുകളിലും ഹൈപ്പര് മാര്ക്കറ്റുകളിലും ഉച്ചയ്ക്കു രണ്ടു മുതല് മൂന്നു വരെ പൊതുജനങ്ങള്ക്കു പ്രത്യേക വിലക്കുറവില് സാധനങ്ങള് വാങ്ങാനാകുമെന്നു മുഖ്യമന്ത്രി പറഞ്ഞു. സബ്സിഡി ഇല്ലാത്ത ഉത്പന്നങ്ങള് വാങ്ങുന്ന ഉപഭോക്താക്കളുടെ ബില് തുകയില് നിന്ന് നിലവിലുള്ള വിലക്കുറവിന് പുറമേ 10 ശതമാനം അധിക വിലക്കുറവ് ഈ പദ്ധതി പ്രകാരം നല്കും.
സുവര്ണ ജൂബിലി ആഘോഷങ്ങളുടെ ഭാഗമായി 14 ജില്ലകളിലും സപ്ലൈകോയുടെ സിഗ്നേച്ചര് മാര്ട്ടുകള് തുറക്കും. ഓരോ സൂപ്പര് മാര്ക്കറ്റ് വീതം ആധുനിക നിലവാരത്തില് നവീകരിച്ചാകും സിഗ്നേച്ചര് മാര്ട്ടുകളാക്കുക.
Supplyco