തിരുവനന്തപുരം: സംസ്ഥാനത്തെ പന്നികര്‍ഷകര്‍ക്കുള്ള നഷ്ടപരിഹാരം ഒന്നാം ഘട്ടത്തിലുള്ളത് നല്‍കിയെന്നും ബാക്കിയുള്ള കര്‍ഷകര്‍ക്ക് ഉടന്‍ കൈമാറുമെന്നും മൃഗസംരക്ഷണ-ക്ഷീരവികസന വകുപ്പ് മന്ത്രി ജെ. ചിഞ്ചുറാണി നിയമസഭയില്‍ അറിയിച്ചു.
പന്നികര്‍ഷകര്‍ക്ക് നഷ്ടപരിഹാരം ലഭിക്കാത്തത് സംബന്ധിച്ച് അഡ്വ. സജീവ് ജോസഫ് എം.എല്‍.എ ധനാഭ്യര്‍ത്ഥന ചര്‍ച്ചാവേളയില്‍ ഉന്നയിച്ചയിപ്പോഴാണ് മന്ത്രി ഇക്കാര്യം അറിയിച്ചത്. കാലിത്തീറ്റയ്ക്ക് സബ്സിഡി അനുവദിക്കണം, പാലിന് 5 രൂപയെങ്കിലും സബ്സിഡി നല്‍കണം, നഷ്ടത്തിലായ ക്ഷീര സംഘങ്ങള്‍ക്ക് ഗ്രാന്റ് അനുവദിക്കണം, തൊഴിലുറപ്പ് പദ്ധതിയില്‍ ഉള്‍പ്പെടുത്തണം തുടങ്ങിയ ആവശ്യങ്ങളും ചര്‍ച്ചയില്‍ ഉന്നയിച്ചു.
Thiruvanaththapuram
