ഇരിട്ടി : ഇരിട്ടി പയഞ്ചേരിമുക്കിൽ കാറിന് പിന്നിൽ ടിപ്പർ ലോറി ഇടിച്ച് കാർ യാത്രക്കാരൻ കോളിക്കടവ് സ്വദേശി നിസ്സാര പരിക്കുകളോടെ രക്ഷപെട്ടു . മട്ടന്നൂർ ഭാഗത്തുനിന്നും ഇരിട്ടിയിലേക്ക് വരികയായിരുന്ന ടിപ്പർ ലോറി കാറിന് പിന്നിൽ ഇടിക്കുകയായിരുന്നു .
ഇടിയുടെ ആഘാതത്തിൽ കാർ ഇരുമ്പുവേലി തകർത്ത് ഫുട്പാത്തിലേക്ക് ഇടിച്ചു കയറുക ആയിരുന്നു . ഇന്ന് വൈകുന്നേരം 3 മണിയോടെ പയഞ്ചേരിമുക്കിലെ ട്രാഫിക് സിഗ്നലിന് സമീപമാണ് സംഭവം . പരിക്കേറ്റ കാർ യാത്രക്കാരനെ ഇരിട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു . അപകടം നടക്കുമ്പോൾ ഫുട്പാത്തിൽ യാത്രക്കാർ ഇല്ലാതിരുന്നത് വലിയ ദുരന്തം ഒഴിവായി . ഇടിയിൽ കാർ പൂർണമായും തകർന്ന നിലയിലാണ് .
Iritty
