---
title: "സഞ്ചാരികൾക്ക് പ്രിയങ്കരമായി KSRTC ബജറ്റ് ടൂറിസം പദ്ധതിയുടെ ഉല്ലാസയാത്ര ; കെ ആർ ടി സി ജീവനക്കാരെ ആദരിച്ച് യാത്രക്കാർ"
english_title: "Ksrtc"
publisher: "malayorashabdam.in"
canonical_url: "https://malayorashabdam.truevisionnews.com/news/220320/ksrtc"
published_at: "2024-07-16T10:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6695ffe43c6bf_IMG-20240716-WA0013.jpg"
keywords: []
---

# സഞ്ചാരികൾക്ക് പ്രിയങ്കരമായി KSRTC ബജറ്റ് ടൂറിസം പദ്ധതിയുടെ ഉല്ലാസയാത്ര ; കെ ആർ ടി സി ജീവനക്കാരെ ആദരിച്ച് യാത്രക്കാർ

> **Lead Summary:**  **കണ്ണൂർ**: വൈവിധ്യവത്കരണത്തിന്റെ ഭാഗമായി KSRTC ആരംഭിച്ച ബഡ്ജറ്റ് ടൂറിസം പദ്ധതിയുടെ 450 ആം യാത്രയിൽ യാത്രക്കാർ ബഡ്ജറ്റ് ടൂറിസം യൂണിറ്റ് കോർഡിനേറ്ററും KSRTC കണ്ടക്ടറുമായ തൻസീർ ഡ്രൈവറും ഗൈഡും ആയ രജീഷ് എന്നിവരെ KSRTC യാത്രകാരനും റിട്ടയേർഡ് നേവൽ ഉദ്യോഗസ്ഥനായിരുന്ന നാരായണൻ പൊന്നാട അണിയിച്ചു ആദരിച്ചു.

## Article Content

 **കണ്ണൂർ**: വൈവിധ്യവത്കരണത്തിന്റെ ഭാഗമായി KSRTC ആരംഭിച്ച ബഡ്ജറ്റ് ടൂറിസം പദ്ധതിയുടെ 450 ആം യാത്രയിൽ യാത്രക്കാർ ബഡ്ജറ്റ് ടൂറിസം യൂണിറ്റ് കോർഡിനേറ്ററും KSRTC കണ്ടക്ടറുമായ തൻസീർ ഡ്രൈവറും ഗൈഡും ആയ രജീഷ് എന്നിവരെ KSRTC യാത്രകാരനും റിട്ടയേർഡ് നേവൽ ഉദ്യോഗസ്ഥനായിരുന്ന നാരായണൻ പൊന്നാട അണിയിച്ചു ആദരിച്ചു.

KSRTC യാത്രകളുടെ സ്ഥിരം യാത്രക്കാരനായ കാസർഗോഡ് ഡെപ്യൂട്ടി തഹസീൽദാർ മുരളീകൃഷ്ണൻ ടിവി യുടെ നേതൃത്വത്തിലായിരുന്നു പരിപാടി സംഘടിപ്പിച്ചത്. കേരളത്തിലെ മികച്ച ബഡ്ജറ്റ് ടൂറിസം സെൽ ആണ് കണ്ണൂർ ഡിപ്പോ. ടൂറിസത്തിൽ ബിരുദം ഉള്ള കണ്ടക്ടർ കൂടിയായ തൻസീറിൻ്റെ നേതൃത്വത്തിൽ തികച്ചും പ്രൊഫഷണൽ മികവോട് കൂടിയാണ് ടൂർ പാക്കേജുകൾ നടത്തികൊണ്ട് പോവുന്നത്. കൂടാതെ മികച്ച കഴിവുള്ള ഗൈഡുമാരുടെ സേവനവും ഒന്നാം നമ്പറിൽ എത്തുന്നതിൽ കണ്ണൂർ ഡിപ്പോയെ സഹായിച്ചിട്ടുണ്ട്. 2022 ഫെബ്രുവരിയിൽ ആരംഭിച്ച ബഡ്ജറ്റ് ടൂറിസം യാത്ര 2 വർഷം കൊണ്ട് 450 ട്രിപ്പ്‌ പൂർത്തിയാക്കി. വിനോദയാത്രകൾക്ക് പുറമെ തീർത്ഥാടന യായത്രകളിലും തങ്ങളുടെ കയ്യൊപ്പ് ചാർത്തുകയാണ് കണ്ണൂർ ഡിപ്പോ. ഇതിന്റെ ഭാഗമായി കൊല്ലൂർ മൂകാംബിക പാക്കേജും, നാലമ്പലം യാത്രയും, പഞ്ചപാണ്ഡവ ക്ഷേത്ര ദർശനവും KSRTC കണ്ണൂർ ഡിപ്പോ നടത്തുന്നുണ്ട്.

### Related Links & Sources
- [Original Story Source](https://malayorashabdam.truevisionnews.com/news/220320/ksrtc)