---
title: "പിണറായി വിജയൻ സർക്കാർ കൈവരിച്ച നേട്ടങ്ങൾ സിനിമ തീയേറ്ററിൽ പ്രദർശിപ്പിക്കും"
english_title: "kerala gov. Achievements the film will be screened in theaters"
publisher: "malayorashabdam.in"
canonical_url: "https://malayorashabdam.truevisionnews.com/news/228007/kerala-gov-achievements-the-film-will-be-screened-in-theaters"
published_at: "2024-08-13T18:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66bb5300a9c9c_pinarayi.jpg"
keywords: []
---

# പിണറായി വിജയൻ സർക്കാർ കൈവരിച്ച നേട്ടങ്ങൾ സിനിമ തീയേറ്ററിൽ പ്രദർശിപ്പിക്കും

> **Lead Summary:**  തിരുവനന്തപുരം: പിണറായി വിജയൻ സർക്കാർ കൈവരിച്ച നേട്ടങ്ങള്‍ തീയറ്ററുകളിൽ പരസ്യമായി പ്രദർശിപ്പിക്കാൻ തീരുമാനം. അഞ്ച് സംസ്ഥാനങ്ങളിലെ തീയറ്ററുകളിലാണ് പരസ്യം പ്രദർശിപ്പിക്കുക. ഇതിനായി 18 ലക്ഷം രൂപ സർക്കാർ അനുവദിച്ചു. കര്‍ണാടക, ആന്ധ്രപ്രദേശ്, മഹാരാഷ്ട്ര, മധ്യപ്രദേശ്, ഡല്‍ഹി എന്നീ സംസ്ഥാനങ്ങളിലെ തീയറ്ററുകളിലാണ് കേരള സര്‍ക്കാരിൻ്റെ പദ്ധതികളും നേട്ടങ്ങളും സംബന്ധിച്ച പരസ്യങ്ങൾ പ്രദർശിപ്പിക്കുക.

## Article Content

 തിരുവനന്തപുരം: പിണറായി വിജയൻ സർക്കാർ കൈവരിച്ച നേട്ടങ്ങള്‍ തീയറ്ററുകളിൽ പരസ്യമായി പ്രദർശിപ്പിക്കാൻ തീരുമാനം. അഞ്ച് സംസ്ഥാനങ്ങളിലെ തീയറ്ററുകളിലാണ് പരസ്യം പ്രദർശിപ്പിക്കുക. ഇതിനായി 18 ലക്ഷം രൂപ സർക്കാർ അനുവദിച്ചു. കര്‍ണാടക, ആന്ധ്രപ്രദേശ്, മഹാരാഷ്ട്ര, മധ്യപ്രദേശ്, ഡല്‍ഹി എന്നീ സംസ്ഥാനങ്ങളിലെ തീയറ്ററുകളിലാണ് കേരള സര്‍ക്കാരിൻ്റെ പദ്ധതികളും നേട്ടങ്ങളും സംബന്ധിച്ച പരസ്യങ്ങൾ പ്രദർശിപ്പിക്കുക.

നഗരകേന്ദ്രങ്ങളിലെ 100 തിയേറ്ററുകളിലാണ് ഒന്നരമിനുട്ടുള്ള വീഡിയോ പ്രദർശിപ്പിക്കുന്നത്. മലയാളികള്‍ കൂടുതലുള്ള സ്ഥലങ്ങളെന്ന നിലയിലാണ് ഈ സംസ്ഥാനങ്ങളില്‍ പരസ്യം നല്‍കുന്നത്. അന്തര്‍ സംസ്ഥാന പബ്ലിക് റിലേഷന്‍ പ്ലാന്‍ ഫണ്ടില്‍ നിന്നാണ് ഇതിനുള്ള തുക വിനിയോഗിക്കുക. സെക്രട്ടറിമാർ ഉൾപ്പെടുന്ന വർക്കിംഗ് ഗ്രൂപ്പിന്‍റെ നിർദ്ദേശ പ്രകാരമാണ് നടപടിയെന്ന് ഉത്തരവിൽ പറയുന്നു. വീഡിയോ തയ്യാറാക്കാൻ ഏജൻസികളെ കണ്ടെത്തും. 28 ദിവസമെങ്കിലും പരസ്യം പ്രദർശിപ്പിക്കാനാണ് തീരുമാനം.

### Related Links & Sources
- [Original Story Source](https://malayorashabdam.truevisionnews.com/news/228007/kerala-gov-achievements-the-film-will-be-screened-in-theaters)