---
title: "മൃഗ വേട്ടക്കിടെ പിടിയിൽ"
english_title: "Wayanad"
publisher: "malayorashabdam.in"
canonical_url: "https://malayorashabdam.truevisionnews.com/news/229159/wayanad"
published_at: "2024-08-18T11:23:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66c18c833fd50_IMG-20240818-WA0007.jpg"
keywords: []
---

# മൃഗ വേട്ടക്കിടെ പിടിയിൽ

> **Lead Summary:** **മാനന്തവാടി** :വരയാൽ ഫോറസ്റ്റ് സ്റ്റേഷൻ പരിധിയിലെ രാമഗിരി ഭാഗം സർക്കാർ വനത്തിൽ നിന്നും കൂരമാനിനെ വേട്ടയാടുവാൻ ശ്രമിക്കുന്നതിനിടയിൽ എടത്തന സ്വദേശിയായ രാജൻ കെ സി എന്നയാളെ വരയാൽ ഡെപ്യൂട്ടി റേഞ്ച് ഫോറസ്റ്റ് ഓഫീസർ കെ വി ആനന്ദന്റെ നേതൃത്വത്തിൽ പിടികൂടി.

## Article Content

**മാനന്തവാടി** :വരയാൽ ഫോറസ്റ്റ് സ്റ്റേഷൻ പരിധിയിലെ രാമഗിരി ഭാഗം സർക്കാർ വനത്തിൽ നിന്നും കൂരമാനിനെ വേട്ടയാടുവാൻ ശ്രമിക്കുന്നതിനിടയിൽ എടത്തന സ്വദേശിയായ രാജൻ കെ സി എന്നയാളെ വരയാൽ ഡെപ്യൂട്ടി റേഞ്ച് ഫോറസ്റ്റ് ഓഫീസർ കെ വി ആനന്ദന്റെ നേതൃത്വത്തിൽ പിടികൂടി.

വനത്തിൽ വെടി ശബ്ദം കേട്ട് നടത്തിയ തിരിച്ചിനിടയിലാണ് വനത്തിനുള്ളിൽ നിന്നും നാടൻ നിറത്തോക്കും വെടിമരുന്നും ആയുധങ്ങൾ സഹിതം പ്രതിയെ പിടികൂടിയത്. വരയാൽ ഫോറസ്റ്റ് സ്റ്റേഷൻ ബീറ്റ് ഫോറസ്റ്റ് ഓഫീസർമാരായ സിറിൽ സെബാസ്റ്റ്യൻ, ഉമേഷ് , അരുൺ സി, അരുൺ ചന്ദ്രൻ എന്നിവർ പ്രതിയെ പിടികൂടിയ സംഘത്തിൽ ഉൾപ്പെട്ടിരുന്നു.

പ്രതിക്കെതിരെ വന നിയമവും വന്യജീവി സംരക്ഷണ നിയമം കൂടാതെ ആംസ് ആക്ട് പ്രകാരമുള്ള കേസ് രജിസ്റ്റർ ചെയ്യുമെന്ന് പേര്യ റെയിഞ്ച് ഫോറസ്റ്റ് ഓഫീസർ സനൂപ് കൃഷ്ണൻ പറഞ്ഞു.

### Related Links & Sources
- [Original Story Source](https://malayorashabdam.truevisionnews.com/news/229159/wayanad)