---
title: "'ആറാട്ടണ്ണനും' സുഹൃത്തുകൾക്കും എതിരെ പീഡന പരാതി "
english_title: "Sexual harassment complaint filed against 'Araattannan' and his friends "
publisher: "malayorashabdam.in"
canonical_url: "https://malayorashabdam.truevisionnews.com/news/231982/sexual-harassment-complaint-filed-against-araattannan-and-his-friends"
published_at: "2024-08-29T15:55:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66d04d8c04b27_aratt.jpg"
keywords: []
---

# 'ആറാട്ടണ്ണനും' സുഹൃത്തുകൾക്കും എതിരെ പീഡന പരാതി 

> **Lead Summary:** കൊച്ചി: പ്രശസ്ത സിനിമ താരങ്ങൾക്കെതിരെയുള്ള ലൈംഗീക ആരോപണങ്ങൾ തുടർച്ചായി വർത്തയാകുമ്പോൾ ഷോർട്ട് ഫിലിം സംവിധായകനും കൂട്ടരും പീഡിപ്പിച്ചു എന്ന പരാതിയുമായി മേക്കപ്പ് ആര്‍ട്ടിസ്റ്റ് രംഗത്തെത്തി. ഷോർട്ട് ഫിലിം സംവിധായകൻ എന്ന് പരിചയപ്പെടുത്തിയ വിനീത്, സിനിമ റിവ്യൂവർ എന്ന രീതിയിൽ സോഷ്യൽ മീഡിയയിൽ നിറഞ്ഞു നിൽക്കുന്ന 'ആറാട്ട് അണ്ണൻ' എന്നറിയപ്പെടുന്ന സന്തോഷ് വർക്കി, അലൻ ജോസ് പെരേര, ഷോര്‍ട്ട് ഫിലം പ്രവര്‍ത്തകരായ ബ്രൈറ്റ്, അഭിലാഷ് എന്നിവർക്ക് എതിരെയാണ് പോലീസ് കേസെടുത്തത്.

## Article Content

കൊച്ചി: പ്രശസ്ത സിനിമ താരങ്ങൾക്കെതിരെയുള്ള ലൈംഗീക ആരോപണങ്ങൾ തുടർച്ചായി വർത്തയാകുമ്പോൾ ഷോർട്ട് ഫിലിം സംവിധായകനും കൂട്ടരും പീഡിപ്പിച്ചു എന്ന പരാതിയുമായി മേക്കപ്പ് ആര്‍ട്ടിസ്റ്റ് രംഗത്തെത്തി. ഷോർട്ട് ഫിലിം സംവിധായകൻ എന്ന് പരിചയപ്പെടുത്തിയ വിനീത്, സിനിമ റിവ്യൂവർ എന്ന രീതിയിൽ സോഷ്യൽ മീഡിയയിൽ നിറഞ്ഞു നിൽക്കുന്ന 'ആറാട്ട് അണ്ണൻ' എന്നറിയപ്പെടുന്ന സന്തോഷ് വർക്കി, അലൻ ജോസ് പെരേര, ഷോര്‍ട്ട് ഫിലം പ്രവര്‍ത്തകരായ ബ്രൈറ്റ്, അഭിലാഷ് എന്നിവർക്ക് എതിരെയാണ് പോലീസ് കേസെടുത്തത്.

സിനിമയിലെ ഭാഗങ്ങള്‍ വിശദീകരിക്കാൻ എന്ന പേരില്‍ വീട്ടില്‍ കെട്ടിയിട്ട് പീഡിപ്പിച്ചെന്ന യുവതിയുടെ പരാതിയിൽ ഷോർട്ട് ഫിലിം സംവിധായകൻ വിനീതിനെതിരെ പൊലീസ് കേസെടുത്തു. സിനിമയിലെ മേക്കപ്പ് ആര്‍ട്ടിസ്റ്റാണ് പരാതി നല്‍കിയത്. ചിറ്റൂർ ഫെറിക്കടുത്തുള്ള ഫ്ലാറ്റിൽ വെച്ച് കടന്നു പിടിക്കുകയും, കെട്ടിയിട്ട് പീഡിപ്പിച്ചെന്നുമാണ് പരാതി. ഏപ്രിൽ 12 ന് ഉണ്ടായ അതിക്രമത്തിലാണ് സംവിധായകൻ വിനീതിനെതിരെ ചേരാനെല്ലൂർ പൊലീസ് കേസ് രജിസ്റ്റര്‍ ചെയ്തിരിക്കുന്നത്. സംഭവത്തില്‍ വിനീതിന്റെ സുഹൃത്തുക്കളായ അലൻ ജോസ് പെരേര, സന്തോഷ് വർക്കി, ബ്രൈറ്റ്, അഭിലാഷ് എന്നിവര്‍ക്കെതിരെയും പൊലീസ് കേസെടുത്തിട്ടുണ്ട്.

തന്റെ സുഹൃത്തുക്കൾക്കും ലൈം​ഗികമായി വഴങ്ങിക്കൊടുക്കണമെന്ന് വിനീത് ആവശ്യപ്പെട്ടിരുന്നു. പ്രാഥമിക അന്വേഷണം പൂർത്തിയാക്കിയ ചേരാനെല്ലൂർ പൊലീസ് പരാതിക്കാരിയുടെ മൊഴി രേഖപ്പെടുത്തി. ഓ​ഗസ്റ്റ് 13 നാണ് യുവതി പൊലീസിൽ പരാതി നൽകിയിട്ടുള്ളത്. ചേരാനെല്ലൂർ സ്വദേശിനിയായ നടിയാണ് പരാതിയുമായി പൊലീസിനെ സമീപിച്ചിരിക്കുന്നത്.

### Related Links & Sources
- [Original Story Source](https://malayorashabdam.truevisionnews.com/news/231982/sexual-harassment-complaint-filed-against-araattannan-and-his-friends)