---
title: "പയ്യന്നൂരില്‍ സൂപ്പർ മാര്‍ക്കറ്റ് കത്തിനശിച്ചു"
english_title: "Payyannur "
publisher: "malayorashabdam.in"
canonical_url: "https://malayorashabdam.truevisionnews.com/news/236331/payyannur"
published_at: "2024-09-18T10:44:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66ea61d9bdf09_IMG-20240918-WA0011.jpg"
keywords: []
---

# പയ്യന്നൂരില്‍ സൂപ്പർ മാര്‍ക്കറ്റ് കത്തിനശിച്ചു

> **Lead Summary:** **പയ്യന്നൂർ** : പയ്യന്നൂരില്‍ സൂപ്പർ മാര്‍കറ്റ് കത്തിനശിച്ചു. പയ്യന്നൂരിൽ ഷോപ്രിക്സ് സൂപർ മാർകറ്റിൽ ചൊവ്വാഴ്ച രാത്രി 11 മണിയോടെയാണ് തീപ്പിടിത്തം ഉണ്ടായത്. രണ്ടാം നിലയിൽ നിന്നും പുക ഉയരുന്നത് ശ്രദ്ധയിൽപെട്ടവർ അഗ്നിരക്ഷാസേനയെ വിവരം അറിയിക്കുകയായിരുന്നു.

## Article Content

**പയ്യന്നൂർ** : പയ്യന്നൂരില്‍ സൂപ്പർ മാര്‍കറ്റ് കത്തിനശിച്ചു. പയ്യന്നൂരിൽ ഷോപ്രിക്സ് സൂപർ മാർകറ്റിൽ ചൊവ്വാഴ്ച രാത്രി 11 മണിയോടെയാണ് തീപ്പിടിത്തം ഉണ്ടായത്. രണ്ടാം നിലയിൽ നിന്നും പുക ഉയരുന്നത് ശ്രദ്ധയിൽപെട്ടവർ അഗ്നിരക്ഷാസേനയെ വിവരം അറിയിക്കുകയായിരുന്നു.

പയ്യന്നൂരിൽ നിന്നുള്ള അഗ്നിരക്ഷാസേന സംഘം മണിക്കൂറോളം ശ്രമപ്പെട്ടാണ് തീയണച്ചത്. ഇലക്ട്രോണിക്സ് ഉപകരണങ്ങൾ ഉൾപെടെയുള്ള ഉപകരണങ്ങൾ സ്റ്റോക് ചെയ്ത സ്ഥലത്താണ് തീപ്പിടിത്തം ഉണ്ടായത്.

സമീപത്തെ കടകൾക്കും കേടുപാട് സംഭവിച്ചിട്ടുണ്ട്.പയ്യന്നൂർ ഫയർഫോഴ്സും പ്രദേശവാസികളും പൊലീസും രക്ഷാപ്രവർത്തനത്തിന് നേതൃത്വം നൽകി. ലക്ഷങ്ങളുടെ നഷ്‌ടമാണ് കണക്കാക്കുന്നത്. എന്നാൽ യഥാർഥ കണക്കുകൾ ശേഖരിച്ചുവരികയാണ്. ഉടമയുടെ പരാതിയിൽ പയ്യന്നൂർ പൊലീസ് കേസെടുത്ത് അന്വേഷണമാരംഭിച്ചിട്ടുണ്ട്.

### Related Links & Sources
- [Original Story Source](https://malayorashabdam.truevisionnews.com/news/236331/payyannur)