---
title: "പീഡന ആരോപണം നേരിടുന്ന സിനിമാ പ്രൊഡക്ഷൻ കൺട്രോളർ ഷാനു ഇസ്മായിലിനെ മരിച്ച നിലയിൽ കണ്ടെത്തി."
english_title: "Production controller Shanu Ismail was found dead."
publisher: "malayorashabdam.in"
canonical_url: "https://malayorashabdam.truevisionnews.com/news/237564/production-controller-shanu-ismail-was-found-dead"
published_at: "2024-09-23T22:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66f19a20183f2_shanu.jpg"
keywords: []
---

# പീഡന ആരോപണം നേരിടുന്ന സിനിമാ പ്രൊഡക്ഷൻ കൺട്രോളർ ഷാനു ഇസ്മായിലിനെ മരിച്ച നിലയിൽ കണ്ടെത്തി.

> **Lead Summary:**  കൊച്ചി: സിനിമാ പ്രൊഡക്ഷൻ കൺട്രോളർ ഷാനു ഇസ്മായിലിനെ മരിച്ച നിലയിൽ കണ്ടെത്തി. നടിയുടെ ബലാത്സംഗ പരാതിയിൽ ഷാനുവിനെതിരെ പൊലീസ് കേസ് റജിസ്റ്റർ ചെയ്തിരുന്നു. 2018ൽ സിനിമയിലും സീരിയലും അവസരം വാഗ്ദാനം ചെയ്ത് തന്നെ ചൂഷണം ചെയ്തെന്നായിരുന്നു നടിയുടെ പരാതി.

## Article Content

 കൊച്ചി: സിനിമാ പ്രൊഡക്ഷൻ കൺട്രോളർ ഷാനു ഇസ്മായിലിനെ മരിച്ച നിലയിൽ കണ്ടെത്തി. നടിയുടെ ബലാത്സംഗ പരാതിയിൽ ഷാനുവിനെതിരെ പൊലീസ് കേസ് റജിസ്റ്റർ ചെയ്തിരുന്നു. 2018ൽ സിനിമയിലും സീരിയലും അവസരം വാഗ്ദാനം ചെയ്ത് തന്നെ ചൂഷണം ചെയ്തെന്നായിരുന്നു നടിയുടെ പരാതി.

ഷാനുവിനെതിരെ തിരുവനന്തപുരം മ്യൂസിയം പൊലീസാണ് കേസെടുത്തിരുന്നത്. കൊച്ചിയിലെ സ്വകാര്യ ഹോട്ടലിലാണ് ഷാനുവിനെ മരിച്ച നിലയിൽ കണ്ടെത്തിയത്. സംഭവത്തിൽ എറണാകുളം സെൻട്രൽ പൊലീസ് കേസെടുത്ത് അന്വേഷണം ആരംഭിച്ചു. തിരുവനന്തപുരം സ്വദേശിയാണ് മരിച്ച ഷാനു.

ഈ മാസം 11നാണ് സുഹൃത്തുക്കൾക്കൊപ്പം കൊച്ചി എം.ജി. റോഡിലുള്ള ഹോട്ടലിൽ ഷാനു ഇസ്മായിൽ മുറിയെടുത്തത്. നിലവിൽ പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കുകയാണ്.

### Related Links & Sources
- [Original Story Source](https://malayorashabdam.truevisionnews.com/news/237564/production-controller-shanu-ismail-was-found-dead)