---
title: "''ഇന്നോവ, മാഷാ അള്ള'': പി വി അൻവറിൻ്റെ വാർത്താ സമ്മേളനത്തിന് പിന്നാലെ കെ കെ രമയുടെ ഫേസ്ബുക്ക് പോസ്റ്റ്"
english_title: "K K Rema's Facebook Post After PV Anwar's Press Conference"
publisher: "malayorashabdam.in"
canonical_url: "https://malayorashabdam.truevisionnews.com/news/238320/k-k-remas-facebook-post-after-pv-anwars-press-conference"
published_at: "2024-09-26T22:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66f58e360e5a5_k-k-rema.1.1727059.jpg"
keywords: []
---

# ''ഇന്നോവ, മാഷാ അള്ള'': പി വി അൻവറിൻ്റെ വാർത്താ സമ്മേളനത്തിന് പിന്നാലെ കെ കെ രമയുടെ ഫേസ്ബുക്ക് പോസ്റ്റ്

> **Lead Summary:**  വടകര: പി വി അൻവർ എംഎൽഎയുടെ വാർത്താ സമ്മേളനത്തിന് പിന്നാലെ പ്രതികരണവുമായി കെ കെ രമയുടെ ഫേസ്ബുക്ക് പോസ്റ്റ്. 'ഇന്നോവ, മാഷാ അള്ള' എന്നാണ് രമ ഫെയ്സ്ബുക്കിൽ കുറിച്ചത്. ടിപി ചന്ദ്രശേഖരന്റെ കൊലപാതകവുമായി ബന്ധപ്പെട്ടുള്ളതാണ് രമയുടെ പോസ്റ്റ്. ടി പി വധക്കേസിന്റെ അന്വേഷണത്തെ വഴിതിരിച്ചുവിടാന്‍ ഉപയോഗിച്ച മാഷാ അള്ളാ സ്റ്റിക്കർ ഏറെ ചർച്ചായിരുന്നു.

## Article Content

 വടകര: പി വി അൻവർ എംഎൽഎയുടെ വാർത്താ സമ്മേളനത്തിന് പിന്നാലെ പ്രതികരണവുമായി കെ കെ രമയുടെ ഫേസ്ബുക്ക് പോസ്റ്റ്. 'ഇന്നോവ, മാഷാ അള്ള' എന്നാണ് രമ ഫെയ്സ്ബുക്കിൽ കുറിച്ചത്. ടിപി ചന്ദ്രശേഖരന്റെ കൊലപാതകവുമായി ബന്ധപ്പെട്ടുള്ളതാണ് രമയുടെ പോസ്റ്റ്. ടി പി വധക്കേസിന്റെ അന്വേഷണത്തെ വഴിതിരിച്ചുവിടാന്‍ ഉപയോഗിച്ച മാഷാ അള്ളാ സ്റ്റിക്കർ ഏറെ ചർച്ചായിരുന്നു.

കൊലയാളി സംഘം സഞ്ചരിച്ച ഇന്നോവ കാറിന്റെ പിന്നിലായിരുന്നു ഇത്തരത്തിൽ സ്റ്റിക്കർ ഒട്ടിച്ചിരുന്നത്. പിണറായി വിജയന് എതിരായി പി വി അൻവർ നടത്തിയ നടത്തിയ പത്രസമ്മേളനം പാർട്ടിയെ പ്രതിരോധത്തിലാഴ്ത്തും എന്ന് ആശങ്ക നിലനിൽക്കുമ്പോഴാണ് രമയുടെ പോസ്റ്റ് എന്നത് ശ്രദ്ധേയമാണ്. നിരവധി പേരാണ് പോസ്റ്റിന് താഴെ കമന്റുമായി എത്തുന്നത്.

അൻവറിനെ തേടിയും ഇന്നോവ എത്തുമോയെന്നാണ് കണ്ടറിയേണ്ടതെന്നും ചിലർ കുറിച്ചിട്ടുണ്ട്. അതിനിടെ മുഖ്യമന്ത്രിക്കെതിരെ രൂക്ഷ വിമർശനമാണ് അൻവർ നടത്തിയത്. മുഖ്യമന്ത്രിയെ നയിക്കുന്നത് ഉപജാപക സംഘമാണ്. ഇങ്ങനെ പോയാൽ പിണറായി അവസാന കമ്യൂണിസ്റ്റ് മുഖ്യമന്ത്രിയായിരിക്കുമെന്നും അൻവർ പറഞ്ഞു. എൽഡിഎഫ് ബന്ധം ഉപേക്ഷിക്കുകയാണെന്നും അൻവർ വ്യക്തമാക്കിയിരുന്നു

### Related Links & Sources
- [Original Story Source](https://malayorashabdam.truevisionnews.com/news/238320/k-k-remas-facebook-post-after-pv-anwars-press-conference)