ചിറ്റാരിപറമ്പ: ഗ്രാമപഞ്ചായത്തും ചിറ്റാരിപ്പറമ്പ് കൃഷിഭവനും സംയുക്തമായി നടപ്പിലാക്കുന്ന തേൻ ഗ്രാമം പദ്ധതിക്ക് തുടക്കമായി. ചിറ്റാരിപ്പറമ്പ ഗ്രാമ പഞ്ചായത്ത് പരിസരത്ത് നടന്ന ചടങ്ങ് ഗ്രാമപഞ്ചായത്ത് വികസന കാര്യ സ്റ്റാൻഡിങ് കമ്മിറ്റി ചെയർമാൻ സി ചന്ദ്രൻറെ അധ്യക്ഷതയിൽ ചിറ്റാരിപ്പറമ്പ് ഗ്രാമപഞ്ചായത്ത് പ്രസിഡൻ്റ് ശ്രീ വി ബാലൻ ഉദ്ഘാടനം ചെയ്തു.
വാർഷിക പദ്ധതി 2024-25 ഭാഗമായി നടപ്പിലാക്കുന്ന തേൻ ഗ്രാമം പദ്ധതിയിലുൾപ്പെടുത്തി 100 കുടുംബങ്ങൾക്ക് തേനീച്ച കോളനിയും, കൂടും, സ്റ്റാൻഡും ഗുണഭോക്താക്കൾക്ക് വിതരണം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സഹിൽരാജ് മാസ്റ്റർ, വാർഡ് മെമ്പർ കെ വി ശ്രീധരൻ, കൃഷി ഓഫീസർ എ. സൗമ്യ, കൃഷി അസിസ്റ്റന്റ്മാരായ വി.കെ. ലിജ മോൾ, എ ആർ രഞ്ജിത്ത്, സുമിന തുടങ്ങിയവർ സംസാരിച്ചു.
Chittariparmba
