ഇന്ത്യയിലുടനീളം ആവേശം സൃഷ്ടിച്ച് കൊണ്ടാണ് ഈ മാസം ആദ്യം ആപ്പിൾ തങ്ങളുടെ ഏറ്റവും പുതിയ . ഐഫോൺ 16 സീരീസ് പുറത്തിറക്കിയത്. നിരവധി ആളുകളാണ് തങ്ങൾ സ്വന്തമാക്കിയ ഐഫോൺ 16 സീരീസിന്‍റെ ചിത്രങ്ങളും വീഡിയോകളും സമൂഹ മാധ്യമങ്ങളിലൂടെ പങ്കുവെച്ചത്. എന്നാൽ, അതിൽ നിന്നെല്ലാം വ്യത്യസ്തമാവുകയാണ് ഐഫോൺ 16 സ്വന്തമാക്കിയ ഈ മനുഷ്യന്‍റെ കഥ.
ബോർഡ് പരീക്ഷകളിൽ ഒന്നാമതെത്തിയ തന്‍റെ മകന് സമ്മാനമായി നൽകാനാണ് ആക്രി കച്ചവടക്കാരനായ അച്ഛന്‍ ഐഫോൺ 16 സ്വന്തമാക്കിയത്. കഠിനാധ്വാനത്തിലൂടെ അദ്ദേഹം സ്വന്തമാക്കിയ ഈ നേട്ടത്തെ സമൂഹ മാധ്യമ ഉപയോക്താക്കൾ നിറഞ്ഞ കൈയ്യടിയോടെയാണ് സ്വീകരിച്ചത്. എല്ലാ സ്റ്റീരിയോ ടൈപ്പുകളെയും ധിക്കരിക്കുന്നതാണ് ഇദ്ദേഹത്തിന്‍റെ നേട്ടമെന്നും സമൂഹ മാധ്യമ ഉപയോക്താക്കൾ അഭിപ്രായപ്പെട്ടു.
Iphone16gifted
.jpeg)
