കൂത്തുപറമ്പ : നാടക പ്രവർത്തനകനും ഗായകനുമായ രാധാകൃഷ്ണൻ കൂത്തുപറമ്പിന്റെ സ്മരണയ്ക്കായി രണ്ടാമത് നാടക പ്രതിഭാ പുരസ്കാരം മുഹമ്മദ് പേരാമ്പ്ര യ്ക്ക് നൽകുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. പതിനായിരം രൂപയും ശില്പവും പ്രശസ്തി പത്രവും അടങ്ങിയ പുരസ്ക്കാരം ഒക്ടോബർ 27ന് കൂത്തുപറമ്പ് സംഗീത സഭ ഹാളിൽ നടക്കുന്ന ചടങ്ങിൽ നാടക പ്രവർത്തകൻ ഡോ ജിനോ ജോസഫ് സമ്മാനിക്കും.
രാധാകൃഷ്ണന്റെ സ്മരണയ്ക്കായി ഏകലോചനം എന്ന പേരിൽ യു പി, ഹൈസ്കൂൾ ഹയർ സെക്കന്ററി വിദ്യാർത്ഥികൾക്കായി ഏകാഭിനയ മത്സരവും സംഘടിപ്പിക്കും. സംഘാടക സമിതി ചെയർമാൻ എൻ. ധനഞ്ജയൻ, ജന.കൺവീനർ വിനോദ് നരോത്ത്, പ്രോഗ്രാം കമ്മിറ്റി ചെയർമാൻ വിജയൻ രാജകല, പി.രവീന്ദ്രൻ, ടി. ഭരതൻ, എൻ. രാമദാസ് എന്നിവർ പത്രസമ്മേളനത്തിൽ അറിയിച്ചു.
Dramaaward