മുംബൈ: പ്രശസ്ത ബോളിവുഡ് സിനിമ താരം സൽമാൻ ഖാന് വീണ്ടും വധ ഭീഷണി. ഗുണ്ടാ നേതാവ് ലോറൻസ് ബിഷ്ണോയിയുടെ സംഘാംഗം എന്നവകാശപ്പെട്ടാണ് ഭീഷണി. 5 കോടി നൽകിയില്ലെങ്കിൽ ബാബാ സിദ്ധിഖിയേക്കാളും മോശം അവസ്ഥ വരുമെന്ന് ഭീഷണി സന്ദേശത്തിൽ പറയുന്നു. പണം നൽകിയാൽ ലോറൻസ് ബിഷ്ണോയ്ക്ക് സൽമാനമായുള്ള ശത്രുത അവസാനിപ്പിക്കാമെന്നും മുന്നറിയിപ്പുണ്ട്. മുബൈ ട്രാഫിക് പോലീസിനാണ് ഭീഷണി സന്ദേശം ലഭിച്ചത്. വാട്‌സാപ്പ് സന്ദേശമാണ് പോലീസിന് ലഭിച്ചത്.
പണം നല്‍കിയില്ലെങ്കില്‍ മുന്‍ മന്ത്രിയും എന്‍സിപി നേതാവുമായ കൊല്ലപ്പെട്ട ബാബ സിദ്ധിഖിയുടേതിനേക്കാള്‍ മോശമാകും സല്‍മാന്‍ ഖാന്റെ അവസ്ഥയെന്നും സന്ദേശത്തില്‍ പറയുന്നു. ബിഷ്ണോയിയുടെ സംഘത്തില്‍പ്പെട്ടവരാണ് ബാബ സിദ്ധിഖിയെ കൊലപ്പെടുത്തിയതെന്നണ് പോലീസ് പറയുന്നത്. ബിഷ്ണോയിയുടെ സംഘം കൊലപാതകത്തിന്റെ ഉത്തരവാദിത്തം ഏറ്റെടുത്തിരുന്നു. ഏപ്രിൽ 14 ന് ബാന്ദ്രയിലെ നടൻ്റെ വസതിക്ക് പുറത്ത് രണ്ട് ഷൂട്ടർമാർ അഞ്ച് റൗണ്ട് വെടിയുതിർത്തതിന് മാസങ്ങൾക്ക് ശേഷമാണ് ബാബ സിദ്ദിഖി കൊല്ലപ്പെട്ടത്. സംഭവവികാസങ്ങൾക്കിടയിൽ, സൽമാൻ ഖാന് Y+ സുരക്ഷയും ഗാലക്‌സി അപ്പാർട്ട്‌മെൻ്റിന് പുറത്ത് കനത്ത പോലീസ് വിന്യാസവും ഏർപ്പെടുത്തിയിട്ടുണ്ട്. അത്യാധുനിക സാങ്കേതികവിദ്യയുള്ള AI- പ്രവർത്തനക്ഷമമാക്കിയ ഉയർന്ന റെസല്യൂഷൻ സിസിടിവി ക്യാമറകളും മുംബൈ പോലീസ് സ്ഥാപിച്ചിട്ടുണ്ട്.
Salman Khan receives death threats again
.png)
