---
title: "ചങ്ങനാശേരിയില്‍ ബൈക്ക് അപകടം; മൂന്ന് യുവാക്കള്‍ മരിച്ചു"
english_title: "Bike accident in Changanassery;  Three young men died "
publisher: "malayorashabdam.in"
canonical_url: "https://malayorashabdam.truevisionnews.com/news/24583/bike-accident-in-changanassery-three-young-men-died"
published_at: "2022-02-05T11:43:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61fe15a4a1233_Picsart_22-02-05_11-42-18-748.jpg"
keywords: []
---

# ചങ്ങനാശേരിയില്‍ ബൈക്ക് അപകടം; മൂന്ന് യുവാക്കള്‍ മരിച്ചു

> **Lead Summary:** കോട്ടയം: ചങ്ങനാശേരിയില്‍ ബൈക്ക് അപകടത്തില്‍ മൂന്ന് യുവാക്കള്‍ അന്തരിച്ചു. എസ് ബി കോളേജിനു സമീപം വച്ചാണ് അപകടമുണ്ടായത്. ചങ്ങനാശേരി സ്വദേശികളായ അജ്മല്‍, അലക്സ്, വാഴപ്പള്ളി സ്വദേശിയായ രുദ്രേഷ് എന്നിവരാണ് മരിച്ചത്. ഇവരോടൊപ്പമുണ്ടായിരുന്ന ഷിന്റൊ എന്ന യുവാവ് ഗുരുതര പരിക്കുകളോടെ ചികിത്സയില്‍ തുടരുകയാണ്.

## Article Content

കോട്ടയം: ചങ്ങനാശേരിയില്‍ ബൈക്ക് അപകടത്തില്‍ മൂന്ന് യുവാക്കള്‍ അന്തരിച്ചു. എസ് ബി കോളേജിനു സമീപം വച്ചാണ് അപകടമുണ്ടായത്. ചങ്ങനാശേരി സ്വദേശികളായ അജ്മല്‍, അലക്സ്, വാഴപ്പള്ളി സ്വദേശിയായ രുദ്രേഷ് എന്നിവരാണ് മരിച്ചത്. ഇവരോടൊപ്പമുണ്ടായിരുന്ന ഷിന്റൊ എന്ന യുവാവ് ഗുരുതര പരിക്കുകളോടെ ചികിത്സയില്‍ തുടരുകയാണ്.

ഇന്നലെ അര്‍ധരാത്രിയോടെയാണ് സംഭവം. ഇരുദിശകളില്‍ നിന്നുമെത്തിയ ബൈക്കുകള്‍ കൂട്ടിയിടിക്കുകയായിരുന്നു എന്നാണ് പ്രാഥമിക നിഗമനം. ഇക്കാര്യം പൊലീസ് ഔദ്യോഗികമായി സ്ഥിരീകരിച്ചിട്ടില്ല. അപകടസ്ഥലത്ത് വച്ച് തന്നെ ഒരാള്‍ മരിച്ചു. രണ്ട് പേര്‍ ആശുപത്രിയിലെത്തിച്ച ശേഷമാണ് മരിച്ചത്.

അപകടം നടന്നയുടനെ ഓടിക്കൂടിയ നാട്ടുകാരാണ് യുവാക്കളെ ചങ്ങനാശേരി ജനറല്‍ ആശുപത്രിയിലെത്തിച്ചത്. അപകടങ്ങള്‍ ഉണ്ടാകുന്ന ഒരു മേഖലയല്ല ഇതെന്നാണ് നാട്ടുകാര്‍ പറയുന്നത്. കോളേജിന്റെ മുന്‍പിലെ വഴി വിശാലമായതിനാല്‍ സാധരണഗതിയില്‍ ഇത്തരം അപകടം ഉണ്ടാകാറില്ലെന്നും നാട്ടുകാര്‍ പറയുന്നു.

### Related Links & Sources
- [Original Story Source](https://malayorashabdam.truevisionnews.com/news/24583/bike-accident-in-changanassery-three-young-men-died)