ഏലപ്പീടിക അങ്കണവാടിയിൽ ശിശുദിനാഘോഷം സംഘടിപ്പിച്ചു

ഏലപ്പീടിക:  അങ്കണവാടിയിൽ ശിശുദിനാഘോഷം സംഘടിപ്പിച്ചു. ഏലപ്പീടിക അങ്കണവാടി, അനുഗ്രഹ ആർട്സ് & സ്പോർട്സ് ക്ലബ്ബ് വായനശാല, സെൻ്റ്.സെബാസ്റ്റ്യൻസ് എൽ പി സ്കൂൾ എന്നിവയുടെ ആഭിമുഖ്യത്തിലാണ് ഏലപ്പീടിക അങ്കണവാടിയിൽ വെച്ച് ശിശുദിനാഘോഷം നടത്തിയത്. ഏലപ്പീടിക എൽ.പി.സ്കൂളിൽ നിന്നും അങ്കണവാടിയിലേക്ക് നാസിക് ബാൻ്റ് മേളത്തിൻ്റെ അകമ്പടി യോടെ ശിശുദിന റാലി നടത്തി.

Also read: ആന എഴുന്നള്ളിപ്പ്: മാര്‍ഗനിര്‍ദേശങ്ങളുമായി ഹൈക്കോടതി

കണിച്ചാർ ഗ്രാമപഞ്ചായത്ത് ഏഴാം വാർഡ് മെമ്പർ ജിമ്മി അബ്രാഹത്തിൻ്റെ അദ്ധ്യക്ഷതയിൽ ബിജി തങ്കപ്പൻ ഉദ്‌ഘാടനം നിർവഹിച്ചു. സെൻ്റ് സെബാസ്റ്റ്യൻസ് എൽ. പി. സ്കൂൾ ഹെഡ്മാസ്റ്റർ സജിൻ ശിശുദിന സന്ദേശം നൽകി. അനുഗ്രഹ ആർട്സ് & സ്പോർട്സ് ക്ലബ്ബ് വായനശാല അങ്കണവാടിക്ക് കസേര വിതരണം ചെയ്തു.

Also read: കേളകം സെന്റ് തോമസ് ശാലോം പള്ളിയിൽ പരിശുദ്ധ പരുമല തിരുമേനിയുടെ ഓർമ്മപ്പെരുന്നാൾ

സബ്ബ് ജില്ലാ കലോൽസവ വിജയികൾക്കുള്ള സമ്മാനങ്ങൾ കണിച്ചാർ ഗ്രാമപഞ്ചായത്ത് ഐസിഡി എസ് സൂപ്പർവൈസർ ലിനി വർഗ്ഗീസ് വിതരണം ചെയ്തു. അങ്കണവാടി ടീച്ചർ റോണി തോമസ്, എപ്പീടിക എൽ .പി . സ്കൂൾ പി.റ്റി.എ പ്രസിഡണ്ട് ഷിജു, ഇ കെ, സി.ഡി.എസ്.വൈസ് ചെയർപേഴ്സൺ പ്രമീള സുരേന്ദ്രൻ, സജി.പി.എ എന്നിവർ സംസാരിച്ചു. ശിശുദിന പരിപാടിയിൽ പങ്കെടുത്ത മുഴുവൻ വിദ്യാർത്ഥികൾക്കും അങ്കണവാടി എ.എൽ.എം.എസ്.സി. മെമ്പർമാർ സമ്മാനവിതരണം നടത്തി.

Children's Day celebrations were organized at The Elapeedika Anganwadi.