കേളകം: തൊഴിലുറപ്പ് പദ്ധതിയെ തകർക്കുന്ന കേന്ദ്ര സർക്കാർ നയം തിരുത്തുക, കൂലിയും തൊഴിൽ ദിനങ്ങളും വർധിപ്പിക്കുക, ജിയോടാഗ് സമ്പ്രദായം ഒഴിവാക്കുക തുടങ്ങിയ ആവശ്യങ്ങളുന്നയിച്ച് എൻ.ആർ.ഇ.ജി. വർക്കേഴ്സ് യൂണിയൻ കേളകം പഞ്ചായത്ത് കമ്മിറ്റിയുടെ നേതൃത്വത്തിൽ കേളകത്ത് പ്രകടനവും ധർണയും നടത്തി.
സി ഐ ടി യു ഏരിയ വൈസ് പ്രസിഡണ്ട് ടി.വിജയൻ ഉദ്ഘാടനം ചെയ്തു. യുണിയൻപഞ്ചായത്ത് കമ്മിറ്റി പ്രസിഡണ്ട് തങ്കമ്മ മേലേക്കുറ്റ് അധ്യക്ഷയായിരുന്നു. സി പി ഐ എം കേളകം ലോക്കൽ സെക്രട്ടറി കെ പി ഷാജി, തൊഴിലുറപ്പ് തൊഴിലാളി യൂണിയൻ പഞ്ചായത്ത് സെക്രട്ടറി വി.പി.ബിജൂ ,ലീലാമ്മ ജോണി എന്നിവർ പ്രസംഗിച്ചു.
Kelakam
