---
title: "ഗൂഗിള്‍ ക്രോം അപ്ഡേറ്റ് ചെയ്യു; കേന്ദ്ര സര്‍ക്കാരിന്റെ നിര്‍ദ്ദേശം"
english_title: "Google Chrome update "
publisher: "malayorashabdam.in"
canonical_url: "https://malayorashabdam.truevisionnews.com/news/25358/google-chrome-update"
published_at: "2022-02-09T13:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6203756f10c89_chrome_hero_1200x675.jpg"
keywords: []
---

# ഗൂഗിള്‍ ക്രോം അപ്ഡേറ്റ് ചെയ്യു; കേന്ദ്ര സര്‍ക്കാരിന്റെ നിര്‍ദ്ദേശം

> **Lead Summary:** ഗൂഗിള്‍ ക്രോം ബ്രൗസറിന്റെ സുരക്ഷാ സംവിധാനത്തിലെ പാളിച്ചകള്‍ക്കെതിരെ ഉപയോക്താക്കള്‍ക്ക് മുന്നറിയിപ്പുമായി കേന്ദ്രസര്‍ക്കാരിന്റെ ഇലക്ടോണിക്സ് ആന്‍ഡ് ഐടി മന്ത്രാലയം.

## Article Content

ഗൂഗിള്‍ ക്രോം ബ്രൗസറിന്റെ സുരക്ഷാ സംവിധാനത്തിലെ പാളിച്ചകള്‍ക്കെതിരെ ഉപയോക്താക്കള്‍ക്ക് മുന്നറിയിപ്പുമായി കേന്ദ്രസര്‍ക്കാരിന്റെ ഇലക്ടോണിക്സ് ആന്‍ഡ് ഐടി മന്ത്രാലയം.

ബ്രൗസറിന്റെ പ്രവര്‍ത്തനത്തിലെ ഒന്നിലധികം വീഴ്ചകള്‍ മൂലം ഉപയോക്കാക്കള്‍ സുരക്ഷാ ഭീഷണിയുടെ വക്കിലാണെന്ന് മന്ത്രാലയത്തിന്റെ കംപ്യൂട്ടര്‍ എമര്‍ജന്‍സി റെസ്പോന്‍സ് ടീം വിലയിരുത്തി. അതിനാല്‍, എത്രയും പെട്ടെന്ന് ഗൂഗിള്‍ ക്രോം അപ്ഡേറ്റ് ചെയ്യാനാണ് സര്‍ക്കാരിന്റെ നിര്‍ദ്ദേശം. അപ്ഡേറ്റ് ചെയ്തില്ലെങ്കില്‍ ആര്‍ബിറ്ററി കോഡുകളാല്‍ ഹാക്കര്‍മാര്‍ക്ക് സിസ്റ്റത്തിന്റെ പൂര്‍ണനിയന്ത്രണം ഏറ്റെടുക്കാനാകുമെന്നും സര്‍ക്കാര്‍ അറിയിച്ചു.

98.0.4758.80ന് മുന്‍പുള്ള എല്ലാ ഗൂഗിള്‍ ക്രോം വേര്‍ഷനുകളും ഹാക്ക് ചെയ്യപ്പെടാനിടയുണ്ടെന്നാണ് കംപ്യൂട്ടര്‍ എമര്‍ജന്‍സി റെസ്പോന്‍സ് ടീമിന്റെ നിഗമനം. വിന്‍ഡോസ്, ലിനക്സ്, മാക് ഉപയോക്താക്കള്‍ക്കായി ക്രോം 98 ഈ മാസത്തിന്റെ തുടക്കത്തില്‍ പുറത്തിറക്കിയതായി ഗൂഗില്‍ അറിയിച്ചിരുന്നു. ആകെ 27 സെക്യൂരിറ്റി ഫിക്സുകളോടെയാണ് ഈ അപ്ഡേറ്റ് പുറത്തിറക്കിയതെന്നും കമ്ബനി അവകാശപ്പെട്ടിരുന്നു.

ബാക്ഗ്രൗണ്ടില്‍ തന്നെ ഗൂഗിള്‍ ക്രോം ഓട്ടോമാറ്റിക്കായി അപ്ഡേറ്റ് ആവാനാണ് സാധ്യത. എന്നാല്‍, അപ്ഡേറ്റ് ആയില്ലെങ്കില്‍ അടിയന്തരമായി ക്രോം മാനുവലി അപ്ഡേറ്റ് ചെയ്ത് സുരക്ഷാ പ്രശ്നങ്ങളില്‍ നിന്നും ഒരു പരിധിവരെ ഉപയോക്താക്കള്‍ക്ക് രക്ഷപ്പെടാനാകുമെന്നും സര്‍ക്കാര്‍ ചൂണ്ടിക്കാട്ടുന്നു.

### Related Links & Sources
- [Original Story Source](https://malayorashabdam.truevisionnews.com/news/25358/google-chrome-update)