---
title: "സായുധസേനാ പതാകദിനം ആചരിച്ചു"
english_title: "kadannapalliramachandren"
publisher: "malayorashabdam.in"
canonical_url: "https://malayorashabdam.truevisionnews.com/news/254691/kadannapalliramachandren"
published_at: "2024-12-08T06:21:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6754eda7cab0b_download_(19).jpeg"
keywords: []
---

# സായുധസേനാ പതാകദിനം ആചരിച്ചു

> **Lead Summary:** **കണ്ണൂർ :**രാഷ്ട്രത്തിന് വേണ്ടി ജീവൻ ത്യജിച്ച ധീരസൈനികരോടുള്ള ആദര സൂചകമായും വിമുക്തഭടൻമാരുടെയും സായുധ സേനാംഗങ്ങളുടെയും സേവനത്തെ സ്മരിച്ചും സായുധസേനാ പതാക ദിനം ആചരിച്ചു. കലക്ടറേറ്റ് ഓഡിറ്റോറിയത്തിൽ രജിസ്ട്രേഷൻ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. സ്വന്തം കുടുംബത്തെയും വ്യക്തിപരമായ താൽപര്യങ്ങളെയും പോലും വിസ്മരിച്ച് രാഷ്ട്രത്തിന് വേണ്ടി നിസ്വാർഥമായി ത്യാഗം ചെയ്യുന്നവരാണ് നമ്മുടെ സൈനികരെന്ന് മന്ത്രി പറഞ്ഞു. അതിനാൽ, ജീവത്യാഗം ചെയ്ത സൈനികരുടെയും കുടുംബങ്ങളുടെയും വിമുക്തഭടന്മാരുടെയും പുനരധിവാസവും ക്ഷേമവും ഉറപ്പാക്കുന്നതിനുള്ള

## Article Content

**കണ്ണൂർ :**രാഷ്ട്രത്തിന് വേണ്ടി ജീവൻ ത്യജിച്ച ധീരസൈനികരോടുള്ള ആദര സൂചകമായും വിമുക്തഭടൻമാരുടെയും സായുധ സേനാംഗങ്ങളുടെയും സേവനത്തെ സ്മരിച്ചും സായുധസേനാ പതാക ദിനം ആചരിച്ചു. കലക്ടറേറ്റ് ഓഡിറ്റോറിയത്തിൽ രജിസ്ട്രേഷൻ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. സ്വന്തം കുടുംബത്തെയും വ്യക്തിപരമായ താൽപര്യങ്ങളെയും പോലും വിസ്മരിച്ച് രാഷ്ട്രത്തിന് വേണ്ടി നിസ്വാർഥമായി ത്യാഗം ചെയ്യുന്നവരാണ് നമ്മുടെ സൈനികരെന്ന് മന്ത്രി പറഞ്ഞു. അതിനാൽ, ജീവത്യാഗം ചെയ്ത സൈനികരുടെയും കുടുംബങ്ങളുടെയും വിമുക്തഭടന്മാരുടെയും പുനരധിവാസവും ക്ഷേമവും ഉറപ്പാക്കുന്നതിനുള്ള

പതാക ദിനാചരണവുമായി എല്ലാവരും സഹകരിക്കണമെന്നും മന്ത്രി അഭ്യർഥിച്ചു. എൻസിസി കാഡറ്റുകളിൽനിന്ന് പതാക സ്റ്റാമ്പ് സ്വീകരിച്ചായിരുന്നു ഉദ്ഘാടനം. രാവിലെ കണ്ണൂരിലെ യുദ്ധസ്മാരകത്തിൽ മന്ത്രി പുഷ്പചക്രം സമർപ്പിച്ചു.

ഉദ്ഘാടന ചടങ്ങിൽ വാർ മെമ്മോറിയൽ കൺവീനർ റിട്ട. കേണൽ എൻ വി ജി നമ്പ്യാർ അധ്യക്ഷനായി. റിട്ട. വിങ് കമാൻഡർ പി എ വിജയൻ സായുധസേനാ പതാകദിന സന്ദേശം നൽകി. എഡിഎം സി പദ്മചന്ദ്രക്കുറുപ്പ്, ജില്ലാ സൈനിക ക്ഷേമ ഓഫീസർ കെ കെ ഷാജി, ജില്ലാ ഇൻഫർമേഷൻ ഓഫീസർ പി പി വിനീഷ്, കേരള സ്‌റ്റേറ്റ് എക്‌സ് സർവീസ് മെൻ ലീഗ് ജില്ലാ പ്രസിഡൻറ് വത്സരാജ് മടയമ്പത്ത്, നാഷനൽ എക്‌സ് സർവീസ് മെൻ കോ ഓർഡിനേഷൻ കമ്മിറ്റി ജില്ലാ പ്രസിഡൻറ് മൈക്കിൾ ചാണ്ടിക്കൊല്ലിയിൽ, അഖില ഭാരതീയ പൂർവ്വസൈനിക സേവാ പരിഷത്ത് വനിതാ വിംഗ് പ്രസിഡൻറ് റിട്ട. കേണൽ സാവിത്രി കേശവൻ, എയർഫോഴ്‌സ് അസോസിയേഷൻ കണ്ണൂർ ചാപ്റ്റർ ജില്ലാ പ്രസിഡൻറ് അഡ്വ. നാരായണൻ എംവി, ജില്ലാ സൈനികക്ഷേമ ഓഫീസ് വെൽഫെയർ ഓർഗനൈസർ വി പി ജോസ് എന്നിവർ സംസാരിച്ചു. വിമുക്തഭട സെമിനാറിൽ ജില്ലാ സൈനികക്ഷേമ ഓഫീസ് ഹെഡ് ക്ലർക്ക് എഎം ഖാദർ വിഷയം അവതരിപ്പിച്ചു.

### Related Links & Sources
- [Original Story Source](https://malayorashabdam.truevisionnews.com/news/254691/kadannapalliramachandren)