---
title: "രണ്ടര വയസുകാരി ക്രൂരമര്‍ദനത്തിന് ഇരയായ സംഭവത്തില്‍  ദുരൂഹത"
english_title: "Beating 2and half year old"
publisher: "malayorashabdam.in"
canonical_url: "https://malayorashabdam.truevisionnews.com/news/27695/child-assault"
published_at: "2022-02-22T08:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6214515858e1a_images (3).jpeg"
keywords: []
---

# രണ്ടര വയസുകാരി ക്രൂരമര്‍ദനത്തിന് ഇരയായ സംഭവത്തില്‍  ദുരൂഹത

> **Lead Summary:** കൊച്ചി: രണ്ടര വയസുകാരി ക്രൂരമര്‍ദനത്തിന് ഇരയായ സംഭവത്തില്‍ ദുരൂഹത. ഒപ്പം താമസിച്ച ആന്റണി ടിജിന്‍ എന്നയാളെ കാണാനില്ല.

## Article Content

കൊച്ചി: രണ്ടര വയസുകാരി ക്രൂരമര്‍ദനത്തിന് ഇരയായ സംഭവത്തില്‍ ദുരൂഹത. ഒപ്പം താമസിച്ച ആന്റണി ടിജിന്‍ എന്നയാളെ കാണാനില്ല.

കുഞ്ഞിനെ ആശുപത്രിയിലാക്കിയതിന് പിന്നാലെ ഇയാള്‍ രക്ഷപ്പെട്ടു. കുട്ടിയുടെ അമ്മയുടെ സഹോദരിയും മകനും ഇയാള്‍ക്കൊപ്പമുണ്ട്. കാറില്‍ രക്ഷപ്പെടുന്നതിന്റെ ദൃശ്യങ്ങള്‍ പുറത്തുവന്നു.

കുട്ടിയുടെ അമ്മയുടെ സഹോദരിയുടെ ഭര്‍ത്താവല്ല ആന്റണിയെന്ന് പൊലീസ് അറിയിച്ചു. ഒരുമാസം മുന്‍പാണ് ആന്റണി ടിജിന്‍ കാക്കനാട് ഫ്ലാറ്റ് വാടകയ്‌ക്കെടുത്തത്. സൈബര്‍ പൊലീസ് ഉദ്യോഗസ്ഥനായിരുന്നെന്നും ഇപ്പോള്‍ രാജിവച്ചെന്നും പറഞ്ഞാണ് ഫ്ലാറ്റ് വാടകയ്‌ക്കെടുത്തത്.

ഭാര്യയും മകനും ഭാര്യാസഹോദരിയും അമ്മയും ഒപ്പമുണ്ടെന്നായിരുന്നു ഫ്ലാറ്റ് ഉടമയോട് ആന്റണി പറഞ്ഞിരുന്നത്. അയല്‍വാസികളുമായി കുടുംബത്തിന് യാതൊരു ബന്ധവുമുണ്ടായിരുന്നില്ല. സ്ത്രീകളാരും പുറത്തിറങ്ങാറില്ല. സഹോദരിയുടെ മകന്‍ മാത്രം മറ്റു കുട്ടികളുടെ കൂടെ കളിക്കാനെത്തും. അമേരിക്കയില്‍ നിന്നാണ് കാക്കനാട് വന്നതെന്നായിരുന്നു ഈ കുട്ടി കൂട്ടുകാരോട് പറഞ്ഞിരുന്നത്.

ഞായറാഴ്ച വൈകിട്ടാണ് രണ്ടരവയസുകാരിയെ ആശുപത്രിയില്‍ പ്രവേശിപ്പിച്ചത്. സംശയാസ്പദമായ കാര്യങ്ങളാണ് അന്ന് നടന്നത്.രാത്രി എട്ടരയോടെ രണ്ടരവയസുകാരിയേയും കൊണ്ട് അമ്മയും അമ്മൂമ്മയും ഫ്ലാറ്റില്‍ നിന്ന് പോകുന്നു. കാറുമായി ആന്റണിയും സഹോദരിയുടെ മകനും കാത്തുനില്‍ക്കുന്നതിന്റെ സിസിടിവി ദൃശ്യങ്ങള്‍ പുറത്തുവന്നു.

കുറച്ച്‌ കഴിഞ്ഞ് ഫ്ലാറ്റില്‍ തിരിച്ചെത്തിയ ഇരുവരും പുലര്‍ച്ചെയോടെ രണ്ടരവയസുകാരിയുടെ അമ്മയുടെ സഹോദരിയേയും കൂട്ടി ബാഗുമായി പുറത്തേക്ക് പോകുന്നു. കുട്ടിയുടെ അമ്മയും സഹോദരിയും കുറേ നാളുകളായി ഭര്‍ത്താക്കന്മാരുമായി വേര്‍പിരിഞ്ഞ് താമസിക്കുകയാണ്. ബംഗാളിയാണ് ആന്റണിയെന്നും പൊലീസ് പറയുന്നു.

മതി​യായ ചി​കി​ത്സ നല്‍കാത്തതി​ന് ബാലനീതി​ നി​യമപ്രകാരം പൊലീസ് അമ്മയെ പ്രതി​യാക്കി​ കേസ് രജി​സ്റ്റര്‍ ചെയ്തി​ട്ടുണ്ട്. കൂടുതല്‍ വകുപ്പുകള്‍ ചേര്‍ത്ത് ഇന്ന് അറസ്റ്റ് നടപടി​ ഉണ്ടാകുമെന്നാണ് സൂചന. ശി​ശുക്ഷേമ സമി​തി​ ഇന്ന് കുഞ്ഞി​നെ സന്ദര്‍ശി​ക്കും.

### Related Links & Sources
- [Original Story Source](https://malayorashabdam.truevisionnews.com/news/27695/child-assault)