---
title: "കരുനാഗപള്ളിയിൽ ക്രിമിനല്‍കേസ് പ്രതിയെ വീട്ടിൽകയറി വെട്ടിക്കൊലപ്പെടുത്തി"
english_title: "Kollam "
publisher: "malayorashabdam.in"
canonical_url: "https://malayorashabdam.truevisionnews.com/news/279258/kollam"
published_at: "2025-03-27T09:43:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67e4d0a55f3c5_download_(11).jpeg"
keywords: []
---

# കരുനാഗപള്ളിയിൽ ക്രിമിനല്‍കേസ് പ്രതിയെ വീട്ടിൽകയറി വെട്ടിക്കൊലപ്പെടുത്തി

> **Lead Summary:** കൊല്ലം: കരുനാഗപള്ളിയിൽ ക്രിമിനല്‍കേസ് പ്രതിയെ വീട്ടിൽകയറി വെട്ടിക്കൊലപ്പെടുത്തി. കരുനാഗപ്പള്ളി താച്ചയിൽമുക്ക് സ്വദേശി സന്തോഷാണ് കൊല്ലപ്പെട്ടത്.മുൻ വൈരാഗ്യമാണ് കൊലപാതകത്തിന് കാരണമെന്ന് സൂചന.

## Article Content

കൊല്ലം: കരുനാഗപള്ളിയിൽ ക്രിമിനല്‍കേസ് പ്രതിയെ വീട്ടിൽകയറി വെട്ടിക്കൊലപ്പെടുത്തി. കരുനാഗപ്പള്ളി താച്ചയിൽമുക്ക് സ്വദേശി സന്തോഷാണ് കൊല്ലപ്പെട്ടത്.മുൻ വൈരാഗ്യമാണ് കൊലപാതകത്തിന് കാരണമെന്ന് സൂചന.

ഇന്ന് പുലര്‍ച്ചെ മൂന്ന് മണിയോടെയാണ് കൊലപാതകം നടന്നത്. കൊല്ലപ്പെട്ട സന്തോഷ് നിരവധി ക്രിമിനല്‍ കേസുകളില്‍ പ്രതിയാണ്.ജിം സന്തോഷ് എന്ന പേരിലാണ് ഇയാള്‍ അറിയപ്പെട്ടിരുന്നത്.

2024 നവംബര്‍ 13ന് സുഹൃത്തായ പങ്കജിനെ കുത്തിക്കൊലപ്പെടുത്താന്‍ ശ്രമിച്ച കേസില്‍ ഇയാളെ പൊലീസ് അറസ്റ്റ് ചെയ്തിരുന്നു. അടുത്തിടെയാണ് ജാമ്യം നേടി പുറത്തിറങ്ങുന്നത്.

### Related Links & Sources
- [Original Story Source](https://malayorashabdam.truevisionnews.com/news/279258/kollam)