---
title: "തൃശ്ശൂര്‍ എരുമപ്പെട്ടി തോന്നല്ലൂർ ബാല നരസിംഹമൂർത്തി ക്ഷേത്രത്തിലെ പൂരത്തിനിടെ ആന ഇടഞ്ഞ് ഓടി"
english_title: "The elephant ran away"
publisher: "malayorashabdam.in"
canonical_url: "https://malayorashabdam.truevisionnews.com/news/29855/The-elephant-ran-away"
published_at: "2022-03-05T11:31:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6222fe63f01b7_Picsart_22-03-05_11-37-26-584.jpg"
keywords: []
---

# തൃശ്ശൂര്‍ എരുമപ്പെട്ടി തോന്നല്ലൂർ ബാല നരസിംഹമൂർത്തി ക്ഷേത്രത്തിലെ പൂരത്തിനിടെ ആന ഇടഞ്ഞ് ഓടി

> **Lead Summary:** തൃശ്ശൂര്‍ എരുമപ്പെട്ടി തോന്നല്ലൂർ ബാല നരസിംഹമൂർത്തി ക്ഷേത്രത്തിലെ പൂരത്തിനിടെ ആന ഇടഞ്ഞ് ഓടി. ഓട്ടത്തിനിടെ നിർത്തിയിട്ടിരുന്ന ഒരു സ്കൂട്ടറും രണ്ട് ബൈക്കുകളും ആന നശിപ്പിച്ചു.

## Article Content

തൃശ്ശൂര്‍ എരുമപ്പെട്ടി തോന്നല്ലൂർ ബാല നരസിംഹമൂർത്തി ക്ഷേത്രത്തിലെ പൂരത്തിനിടെ ആന ഇടഞ്ഞ് ഓടി. ഓട്ടത്തിനിടെ നിർത്തിയിട്ടിരുന്ന ഒരു സ്കൂട്ടറും രണ്ട് ബൈക്കുകളും ആന നശിപ്പിച്ചു.

ആനപ്പുറത്തുണ്ടായിരുന്ന നാലു പേര്‍ അത്ഭുതകരമായി രക്ഷപ്പെട്ടു. കുട്ടംകുളങ്ങര ശ്രീനിവാസൻ എന്ന കൊമ്പൻ ഇടഞ്ഞോടിയത്. വൈകീട്ട് നടന്ന കൂട്ടി എഴുന്നെള്ളിപ്പിനു ശേഷം മേളം നടപ്പുരയിലേക്ക് കയറുമ്പോഴാണ് ആന ഇടഞ്ഞോടിയത്.

ക്ഷേത്രത്തിൽ നിന്നും പുറത്തേക്ക് ഓടിയ ആന സമീപത്തെ പാടശേഖരത്തിലേക്ക് ഓടിയിറങ്ങി. അവിടെ നിന്നും തിരിച്ച് ക്ഷേത്ര ഊട്ടുപുരക്കു സമീപത്തെ ആൽത്തറയുടെ സമീപം എത്തിയപ്പോൾ ചങ്ങലകൊണ്ട് സമീപത്തെ തെങ്ങിൽ ബന്ധിക്കുകയായിരുന്നു.

രാത്രി വൈകിയാണ് ആനയെ തളക്കാനായത്. എലിഫൻ്റ് സ്ക്വാഡ് എത്തിയാണ് ആനയെ ബന്ധിച്ചത്. എന്നാൽ ആനപ്പുറത്ത് കയറിയ നാലു പേരെ പിന്നെയും ഏറെ വൈകിയാണ് താഴെ ഇറക്കാനായത്.ഓട്ടത്തിനിടെ ആന നിർത്തിയിട്ടിരുന്ന ഒരു സ്കൂട്ടറും രണ്ട് ബൈക്കുകളും നശിപ്പിച്ചു.

താല്കാലിക ഷെഡ് കെട്ടി മോതിരങ്ങൾ, പൊരികച്ചവടം, ബലൂൺ, പാവ എന്നീ കച്ചവടങ്ങൾ നടത്തിയിരുന്ന ഫാൻസി കടകൾ എന്നിവയും ആന ചവിട്ടി നശിപ്പിച്ചു.എഴുന്നെള്ളിപ്പ് സമയത്ത് ആനക്ക് നടച്ചങ്ങല ഇട്ടിരുന്നില്ല. എരുമപ്പെട്ടി പൊലീസ് സ്ഥലത്തെത്തിയാണ് ജനങ്ങളെ നിയന്ത്രിച്ചത്.

### Related Links & Sources
- [Original Story Source](https://malayorashabdam.truevisionnews.com/news/29855/The-elephant-ran-away)