---
title: "താമരശ്ശേരി ചുരത്തിൽ വാഹനാപകടം, നിയന്ത്രണം വിട്ട ലോറി കൊക്കയിലേക്ക് വീഴാറായ നിലയിൽ"
english_title: "Churamaccident"
publisher: "malayorashabdam.in"
canonical_url: "https://malayorashabdam.truevisionnews.com/news/312206/churamaccident"
published_at: "2025-08-31T15:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68b41de90e635_1000125479.jpg"
keywords: []
---

# താമരശ്ശേരി ചുരത്തിൽ വാഹനാപകടം, നിയന്ത്രണം വിട്ട ലോറി കൊക്കയിലേക്ക് വീഴാറായ നിലയിൽ

> **Lead Summary:** **കോഴിക്കോട്: **കോഴിക്കോട് താമരശ്ശേരി ചുരം ഒൻപതാം വളവിൽ അപകടം. നിയന്ത്രണം വിട്ട കണ്ടെയ്നർ ലോറി സംരക്ഷണ ഭിത്തി തകർത്ത് കൊക്കയിലേക്ക് വീഴാറായ നിലയിലാണ്. ലോറിയിൽ രണ്ട് പേരാണ് ഉണ്ടായിരുന്നത്. ഇവരെ പൊലീസും യാത്രക്കാരും ചേർന്ന് സുരക്ഷിതമായി പുറത്തിറക്കി. താമരശ്ശേരി ചുരം അടിവാരത്തും ലക്കിടിയിലും നിയന്ത്രണം കർശനമാക്കിയിട്ടുണ്ട്. ഒൻപതാം വളവിൽ അപകടം നടന്ന ഭാഗത്ത് ഒരു വരിയായി മാത്രമേ വാഹനങ്ങൾ കടന്നു പോകുകയുള്ളൂ.

## Article Content

**കോഴിക്കോട്: **കോഴിക്കോട് താമരശ്ശേരി ചുരം ഒൻപതാം വളവിൽ അപകടം. നിയന്ത്രണം വിട്ട കണ്ടെയ്നർ ലോറി സംരക്ഷണ ഭിത്തി തകർത്ത് കൊക്കയിലേക്ക് വീഴാറായ നിലയിലാണ്. ലോറിയിൽ രണ്ട് പേരാണ് ഉണ്ടായിരുന്നത്. ഇവരെ പൊലീസും യാത്രക്കാരും ചേർന്ന് സുരക്ഷിതമായി പുറത്തിറക്കി. താമരശ്ശേരി ചുരം അടിവാരത്തും ലക്കിടിയിലും നിയന്ത്രണം കർശനമാക്കിയിട്ടുണ്ട്. ഒൻപതാം വളവിൽ അപകടം നടന്ന ഭാഗത്ത് ഒരു വരിയായി മാത്രമേ വാഹനങ്ങൾ കടന്നു പോകുകയുള്ളൂ.

അതേസമയം, താമരശ്ശേരി ചുരത്തില്‍ മള്‍ട്ടിആക്‌സില്‍ വാഹനങ്ങള്‍ക്കും പ്രവേശനാനുമതി നൽകിയതായി അധികൃതർ അറിയിച്ചു. ചുരത്തിൽ ഒറ്റവരിയായുള്ള ഗതാഗത നിയന്ത്രണം തുടരുമെന്നും പൊലീസ് അറിയിച്ചു. പൊലീസിന്റെ നിയന്ത്രണത്തോടെ ഇരു ഭാഗത്തുനിന്നും വരുന്ന വാഹനങ്ങള്‍ കൃത്യമായ സമയം ഇടവിട്ടാണ് കടത്തിവിടുക. മഴ ശക്തമാകുന്ന സാഹചര്യങ്ങളുണ്ടായാൽ നിയന്ത്രണങ്ങൾ പുന:സ്ഥാപിക്കും. ചുരം വ്യൂപോയിന്റില്‍ വിനോദസഞ്ചാരികള്‍ക്ക് ഏർപ്പെടുത്തിയ വിലക്ക് തുടരും. ഇവിടെ വാഹനം നിര്‍ത്തുകയോ ആളുകൾ പുറത്തേക്കിറങ്ങുകയോ ചെയ്യരുതെന്നും ജില്ലാ കലക്ടർ അറിയിച്ചു.

### Related Links & Sources
- [Original Story Source](https://malayorashabdam.truevisionnews.com/news/312206/churamaccident)