---
title: "പിഎസ്‌സി പരീക്ഷാ ഹാളിൽ ക്ലോക്ക്; യുവജന കമ്മീഷൻ പിഎസ്‌സിയോട് റിപ്പോർട്ട് തേടി"
english_title: "Clock at psc hall"
publisher: "malayorashabdam.in"
canonical_url: "https://malayorashabdam.truevisionnews.com/news/33288/clock-at-psc-hall"
published_at: "2022-03-22T18:17:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6239c58dbe499_images (3).jpeg"
keywords: []
---

# പിഎസ്‌സി പരീക്ഷാ ഹാളിൽ ക്ലോക്ക്; യുവജന കമ്മീഷൻ പിഎസ്‌സിയോട് റിപ്പോർട്ട് തേടി

> **Lead Summary:** പിഎസ്‌സി പരീക്ഷാ ഹാളിൽ സമയം അറിയാൻ ക്ലോക്ക് സ്ഥാപിക്കണമെന്ന നിരവധി ഉദേ്യാഗാർഥികളുടെ പരാതി പരിഗണിച്ച് സംസ്ഥാന യുവജന കമ്മീഷൻ കേരള പി എസ് സി യോട് റിപ്പോർട്ട് തേടി.

## Article Content

പിഎസ്‌സി പരീക്ഷാ ഹാളിൽ സമയം അറിയാൻ ക്ലോക്ക് സ്ഥാപിക്കണമെന്ന നിരവധി ഉദേ്യാഗാർഥികളുടെ പരാതി പരിഗണിച്ച് സംസ്ഥാന യുവജന കമ്മീഷൻ കേരള പി എസ് സി യോട് റിപ്പോർട്ട് തേടി.

ഇതിന്റെ അടിസ്ഥാനത്തിൽ പരീക്ഷ നടക്കുന്ന ക്ലാസ് മുറികളിൽ ക്ലോക്ക് സ്ഥാപിക്കണമെന്ന് പി എസ് സി സർക്കാരിനോട് ആവശ്യപ്പെട്ടിരിക്കുകയാണ്. ഇതുസംബന്ധിച്ച പരാതികൾ പരിഗണിച്ച യുവജന കമ്മീഷന്റെ ജില്ലാ അദാലത്തിലാണ് ഇക്കാര്യം അറിയിച്ചത്. കളക്ടറേറ്റ് കോൺഫറൻസ് ഹാളിൽ നടന്ന അദാലത്തിന് കമ്മീഷൻ അംഗങ്ങളായ കെപി ഷജീറ, റെനീഷ് മാത്യു എന്നിവർ നേതൃത്വം നൽകി.

ജില്ലാ അദാലത്തിൽ അഞ്ച് പരാതികൾ തീർപ്പാക്കി. ആകെ 16 പരാതികളാണ് ലഭിച്ചത്. 11 പരാതികൾ അടുത്ത അദാലത്തിലേക്ക് മാറ്റിവെച്ചു. പ്ലാസ്റ്റിക് നിരോധനവുമായി ബന്ധപ്പെട്ട പരാതിക്ക് പരിഹാരമായി തദ്ദേശ സ്വയംഭരണ സ്ഥാപനങ്ങൾക്ക് പ്ലാസ്റ്റിക് കണ്ടുകെട്ടുന്നതിന് നിർദ്ദേശം നൽകി. ലൈഫ് പദ്ധതിയുമായി ബന്ധപ്പെട്ടതും ആളുകൾ ശല്യം ചെയ്യുന്നതുമാണ് കമ്മീഷന് മുമ്പാകെ ലഭിച്ച മറ്റ് പരാതികൾ.

### Related Links & Sources
- [Original Story Source](https://malayorashabdam.truevisionnews.com/news/33288/clock-at-psc-hall)