---
title: "മഹാരാഷ്ട്രയുടെ ചരിത്രത്തിലെ ആദ്യ വനിതാ ഉപമുഖ്യമന്ത്രിയായി  സുനേത്ര പവാർ അധികാരമേറ്റു "
english_title: "Mumbai "
publisher: "malayorashabdam.in"
canonical_url: "https://malayorashabdam.truevisionnews.com/news/339414/mumbai"
published_at: "2026-01-31T19:54:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/697e11294d2dc_Screenshot_2026-01-31_195500.jpg"
keywords: []
---

# മഹാരാഷ്ട്രയുടെ ചരിത്രത്തിലെ ആദ്യ വനിതാ ഉപമുഖ്യമന്ത്രിയായി  സുനേത്ര പവാർ അധികാരമേറ്റു 

> **Lead Summary:** മുംബൈ: മഹാരാഷ്ട്രയുടെ ചരിത്രത്തിലെ ആദ്യ വനിതാ ഉപമുഖ്യമന്ത്രിയായി 62കാരിയായ സുനേത്ര പവാർ ശനിയാഴ്ച സത്യപ്രതിജ്ഞ ചെയ്ത് അധികാരമേറ്റു. ജനുവരി 28ന് വിമാനാപകടത്തിൽ അന്തരിച്ച ഭർത്താവ് അജിത് പവാറിന്റെ പിൻഗാമിയായാണ് സുനേത്ര ഈ ചുമതല ഏറ്റെടുക്കുന്നത്.

## Article Content

മുംബൈ: മഹാരാഷ്ട്രയുടെ ചരിത്രത്തിലെ ആദ്യ വനിതാ ഉപമുഖ്യമന്ത്രിയായി 62കാരിയായ സുനേത്ര പവാർ ശനിയാഴ്ച സത്യപ്രതിജ്ഞ ചെയ്ത് അധികാരമേറ്റു. ജനുവരി 28ന് വിമാനാപകടത്തിൽ അന്തരിച്ച ഭർത്താവ് അജിത് പവാറിന്റെ പിൻഗാമിയായാണ് സുനേത്ര ഈ ചുമതല ഏറ്റെടുക്കുന്നത്.

ലോക്ഭവനിൽ നടന്ന ചടങ്ങിൽ ഗവർണർ സത്യവാചകം ചൊല്ലിക്കൊടുത്തു. ബിജെപി നേതാവും മുഖ്യമന്ത്രിയുമായ ദേവേന്ദ്ര ഫഡ്നാവിസ്, ശിവസേന നേതാവും ഉപമുഖ്യമന്ത്രിയുമായ ഏകനാഥ് ഷിൻഡെ എന്നിവർ സത്യപ്രതിജ്ഞാ ചടങ്ങിൽ പങ്കെടുത്തു. ഇരുവരും സുനേത്ര പവാറിന്റെ എൻസിപിയുടെ സഖ്യകക്ഷികളാണ്.

2024ലെ ലോക്സഭാ തെരഞ്ഞെടുപ്പ് വരെ രാഷ്ട്രീയത്തിൽ അത്ര സജീവമല്ലാതിരുന്ന സുനേത്ര പവാർ, ബാരാമതിയിൽ തന്റെ ഭർത്താവിന്റെ പാർട്ടിയുടെ സ്ഥാനാർഥിയായി മത്സരിച്ചിരുന്നു. എന്നാൽ അന്ന് സുപ്രിയ സുലെയോട് പരാജയപ്പെട്ടെങ്കിലും പിന്നീട് രാജ്യസഭയിലേക്ക് തെരഞ്ഞെടുക്കപ്പെട്ടു.

### Related Links & Sources
- [Original Story Source](https://malayorashabdam.truevisionnews.com/news/339414/mumbai)