---
title: "എസ്എസ്എൽസി മൂല്യനിർണയം ഏപ്രിൽ 16 മുതൽ"
english_title: "Thiruvanaththapuram"
publisher: "malayorashabdam.in"
canonical_url: "https://malayorashabdam.truevisionnews.com/news/349501/thiruvanaththapuram"
published_at: "2026-03-24T19:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69c29bd9237e9_download_(2)_(4).jpeg"
keywords: []
---

# എസ്എസ്എൽസി മൂല്യനിർണയം ഏപ്രിൽ 16 മുതൽ

> **Lead Summary:** തിരുവനന്തപുരം : നിയമസഭ തെരഞ്ഞെടുപ്പിന്റെ പശ്ചാത്തലത്തിൽ എസ് എസ് എൽ സി പരീക്ഷ മൂല്യനിർണയ തീയതികൾ പുന:ക്രമീകരിച്ച് ഉത്തരവിറങ്ങി.

## Article Content

തിരുവനന്തപുരം : നിയമസഭ തെരഞ്ഞെടുപ്പിന്റെ പശ്ചാത്തലത്തിൽ എസ് എസ് എൽ സി പരീക്ഷ മൂല്യനിർണയ തീയതികൾ പുന:ക്രമീകരിച്ച് ഉത്തരവിറങ്ങി.

പുതിയ ഉത്തരവ് പ്രകാരം ഏപ്രിൽ 16 മുതലാണ് മൂല്യനിർണയ ക്യാമ്പുകൾ ആരംഭിക്കുക. ഏപ്രിൽ ആറ് മുതൽ 25 വരെ നടത്താൻ ആയിരുന്നു നേരത്തെ തീരുമാനിച്ചിരുന്നത്.ഏപ്രിൽ ഒമ്പതിന് വോട്ടെടുപ്പ് നടക്കുന്നതിനാലാണ് തീയതിയിൽ മാറ്റം വരുത്തിയത്.

പുതുക്കിയ കലണ്ടർ പ്രകാരം മൂന്ന് ഘട്ടമായാണ് മൂല്യനിർണയം. ആദ്യ ഘട്ടം ഏപ്രിൽ 16 മുതൽ 18 വരെയും രണ്ടാം ഘട്ടം ഏപ്രിൽ 20 മുതൽ 25 വരെയും മൂന്നാം ഘട്ടം 27 മുതൽ മേയ് രണ്ട് വരെയുമാണ്.മെയ് രണ്ടാം വാരത്തോടെ പരീക്ഷ ഫലം പ്രഖ്യാപിക്കുക എന്നതാണ് ലക്ഷ്യം.

തെരഞ്ഞെടുപ്പ് ഡ്യൂട്ടിയും ക്യാമ്പ് പ്രവർത്തനങ്ങളും തമ്മിൽ തടസ്സമില്ലാത്ത വിധമാണ് പുതിയ ക്രമീകരണം.

### Related Links & Sources
- [Original Story Source](https://malayorashabdam.truevisionnews.com/news/349501/thiruvanaththapuram)