---
title: "വിമാന കമ്പനികൾക്ക് ചെലവ് കൂടും:  വിമാന ടിക്കറ്റിന് നിരക്ക് കൂടാനും സാധ്യത"
english_title: "delhi"
publisher: "malayorashabdam.in"
canonical_url: "https://malayorashabdam.truevisionnews.com/news/349997/delhi"
published_at: "2026-03-27T11:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69c61f0d2bf64_download_(10).jpeg"
keywords: []
---

# വിമാന കമ്പനികൾക്ക് ചെലവ് കൂടും:  വിമാന ടിക്കറ്റിന് നിരക്ക് കൂടാനും സാധ്യത

> **Lead Summary:** ഡൽഹി: എവിയേഷൻ ടർബൈൻ ഇന്ധനത്തിന് കേന്ദ്ര സർക്കാർ പുതിയ പ്രത്യേക അധിക എക്സൈസ് തീരുവ ഏർപ്പെടുത്തി. 50 രൂപയാണ് പ്രത്യേക തീരുവ . ഇളവുകൾക്കുശേഷം തീരുവ ലിറ്ററിന് 29.5 രൂപയാണ്. ഇതോടെ വിമാന കമ്പനികൾക്ക് ചെലവ് കൂടും. വിമാന ടിക്കറ്റിന് നിരക്ക് കൂടാനും സാധ്യതയുണ്ട്.

## Article Content

ഡൽഹി: എവിയേഷൻ ടർബൈൻ ഇന്ധനത്തിന് കേന്ദ്ര സർക്കാർ പുതിയ പ്രത്യേക അധിക എക്സൈസ് തീരുവ ഏർപ്പെടുത്തി. 50 രൂപയാണ് പ്രത്യേക തീരുവ . ഇളവുകൾക്കുശേഷം തീരുവ ലിറ്ററിന് 29.5 രൂപയാണ്. ഇതോടെ വിമാന കമ്പനികൾക്ക് ചെലവ് കൂടും. വിമാന ടിക്കറ്റിന് നിരക്ക് കൂടാനും സാധ്യതയുണ്ട്.

അതേസമയം പെട്രോൾ ഡീസൽ എക്സൈസ് തീരുവ കേന്ദ്രം കുറച്ചു. പെട്രോളിന്റെ എക്സൈസ് തീരുവ ലിറ്ററിന് 13 ൽ നിന്ന് 3ഉം ഡീസലിന് 10 ൽ നിന്ന് പൂജ്യമായും കുറച്ചു.

എണ്ണക്കമ്പനികള്‍ വില വര്‍ധിപ്പിക്കുന്നത് ഒഴിവാക്കാനാണ് കേന്ദ്രത്തിന്റെ നടപടി. അതിനാല്‍, പെട്രോളിന്റെയും ഡീസലിന്റെയും വില്‍പന വിലയില്‍ മാറ്റമുണ്ടായേക്കില്ലെന്നാണ് റിപ്പോർട്ടുകള്‍.

അതിനിടെ രാജ്യത്തെ ഇന്ധന പ്രതിസന്ധിക്ക് താൽക്കാലിക ആശ്വാസമായി ഒരു കപ്പൽ കൂടി ഇന്ത്യയിലെത്തി. ജാഗ് വസന്ത് കപ്പലാണ് എത്തിയത്. ഗുജറാത്തിലെ വാദിനാർ തുറമുഖത്താണ് ടാങ്കർ എത്തിയത്. 47,000 മെട്രിക് ടൺ എൽപിജി ടാങ്കറിൽ കപ്പലിൽ ഇന്നലെ അപ്പോളോ ഓഷ്യൻ കപ്പൽ മംഗളൂരു തുറമുഖത്ത് എത്തിയിരുന്നു.

### Related Links & Sources
- [Original Story Source](https://malayorashabdam.truevisionnews.com/news/349997/delhi)