---
title: "തെരഞ്ഞെടുപ്പ് പെരുമാറ്റ ചട്ടം ലംഘിച്ചു; നടൻ വിജയ്‌ക്കെതിരെ പൊലീസ് കേസ്"
english_title: "vijay"
publisher: "malayorashabdam.in"
canonical_url: "https://malayorashabdam.truevisionnews.com/news/350731/vijay"
published_at: "2026-03-31T11:16:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69cb5ff262ef7_download_(33).jpeg"
keywords: []
---

# തെരഞ്ഞെടുപ്പ് പെരുമാറ്റ ചട്ടം ലംഘിച്ചു; നടൻ വിജയ്‌ക്കെതിരെ പൊലീസ് കേസ്

> **Lead Summary:**  ചെന്നൈ: ചെന്നൈ പെരുവള്ളൂർ പൊലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. ഫ്‌ലയിംഗ് സ്‌ക്വാഡ് ഓഫീസർ കുമാറിന്റെ പരാതിയിലാണ് പൊലീസ് കേസെടുത്തിരിക്കുന്നത്.

## Article Content

 ചെന്നൈ: ചെന്നൈ പെരുവള്ളൂർ പൊലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. ഫ്‌ലയിംഗ് സ്‌ക്വാഡ് ഓഫീസർ കുമാറിന്റെ പരാതിയിലാണ് പൊലീസ് കേസെടുത്തിരിക്കുന്നത്.

പെരുവള്ളൂരില്‍ നടന്ന പൊതുപരിപാടിയില്‍ തെരഞ്ഞെടുപ്പ് പെരുമാറ്റ ചട്ടം ലംഘിച്ചു എന്നാണ് പരാതി. പൊതുസമ്മേളനത്തില്‍ അനുമതി ഇല്ലാതെ 30 ലേറെ ലൗഡ് സ്പീക്കറുകള്‍ ഉപയോഗിച്ചു. 5000ത്തിലെ പ്രവർത്തകർ എത്തിയ പൊതുസമ്മേളനത്തില്‍ ഗതാഗത തടസമുണ്ടായി. പൊതുസമ്മേളനത്തിന്റെ ഭാഗമായി ആംബുലൻസ് ഉള്‍പ്പടെ തടഞ്ഞു എന്നിവ ചൂണ്ടിക്കാട്ടിയാണ് ഫ്‌ലയിംഗ് സ്‌ക്വാഡ് ഓഫീസർ പരാതി നല്‍കിയത്.

ഏപ്രില്‍ 23 നാണ് തമിഴ്‌നാട്ടില്‍ തെരഞ്ഞെടുപ്പ്. പത്രിക സമർപ്പണം തിങ്കളാഴ്ചയാണ് ആരംഭിച്ചത്. പേരമ്പൂർ, ട്രിച്ചി ഈസ്റ്റ് എന്നീ രണ്ട് മണ്ഡലങ്ങളിലാണ് വിജയ് മത്സരിക്കുന്നത്. മെയ് നാലിനാണ് വോട്ടെണ്ണല്‍.

### Related Links & Sources
- [Original Story Source](https://malayorashabdam.truevisionnews.com/news/350731/vijay)