---
title: "കേരളത്തില്‍ അള്‍ട്രാവയലറ്റ് വികിരണം വര്‍ധിക്കുന്നു; ആറ് ജില്ലകളില്‍ ഓറഞ്ച് അലേര്‍ട്ട്"
english_title: "Ultravioletrays"
publisher: "malayorashabdam.in"
canonical_url: "https://malayorashabdam.truevisionnews.com/news/353634/ultravioletrays"
published_at: "2026-04-16T14:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69e0a3ffd2ff1_1000197116.jpg"
keywords: []
---

# കേരളത്തില്‍ അള്‍ട്രാവയലറ്റ് വികിരണം വര്‍ധിക്കുന്നു; ആറ് ജില്ലകളില്‍ ഓറഞ്ച് അലേര്‍ട്ട്

> **Lead Summary:** **എറണാകുളം : **കേരളത്തിലെ വിവിധ ഭാഗങ്ങളില്‍ അള്‍ട്രാവയലറ്റ് വികിരണത്തിന്റെ അളവ് ആശങ്കാജനകമായ രീതിയില്‍ ഉയരുന്നു. സംസ്ഥാന ദുരന്തനിവാരണ അതോറിറ്റി പുറത്തുവിട്ട ഏറ്റവും പുതിയ കണക്കുകള്‍ പ്രകാരം പത്തനംതിട്ട, ആലപ്പുഴ, കോട്ടയം, ഇടുക്കി, കൊല്ലം, പാലക്കാട് എന്നീ ജില്ലകളില്‍ ഓറഞ്ച് അലര്‍ട്ട് നിര്‍ദ്ദേശം പുറപ്പെടുവിച്ചു.ഏപ്രില്‍ 16 ന് പുറത്തുവിട്ട കണക്കുകള്‍ പ്രകാരം യുവി ഇന്‍ഡക്‌സ് 8 രേഖപ്പെടുത്തിയ ആറ് ജില്ലകളില്‍ ‘ഓറഞ്ച് അലേര്‍ട്ട്’ പ്രഖ്യാപിച്ചിട്ടുണ്ട്. ഈ മേഖലകളില്‍ സൂര്യപ്രകാശം നേരിട്ട് ഏല്‍ക്കുന്നത് ആരോഗ്യപ്രശ്‌നങ്ങള്‍ക്ക് കാരണമായേക്കാം. കൊല്ലം- കൊട്ടാരക്കര,പത്തനംതിട്ട കോന്നി, ആലപ്പുഴ ചെങ്ങന്നൂര്‍, കോട്ടയം ചങ്ങനാശ്ശേരി, ഇടുക്കി മൂന്നാര്‍ , പാലക്കാട് തൃത്താല എന്നിവിടങ്ങളില്‍ ഓറഞ്ച് അലര്‍ട്ടാണ്. ഇതുകൂടാതെ എറണാകുളം (കളമശ്ശേരി), തൃശ്ശൂര്‍ (ഒല്ലൂര്‍), മലപ്പുറം (പൊന്നാനി) എന്നീ ജില്ലകളില്‍ യുവി സൂചിക 7 രേഖപ്പെടുത്തി. ഇവിടെ മഞ്ഞ അലേര്‍ട്ട് ആണ് നല്‍കിയിരിക്കുന്നത്. കോഴിക്കോട്, വയനാട് ജില്ലകളില്‍ സൂചിക 6 ആണ്.യുവി സൂചിക ഉയരുന്നത് സൂര്യതപം ചര്‍മ്മരോഗങ്ങള്‍ എന്നിവയ്ക്ക് കാരണമാകും. നിലവിലെ സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്ന് കെഎസ്ഡിഎംഎ അറിയിച്ചു.

## Article Content

**എറണാകുളം : **കേരളത്തിലെ വിവിധ ഭാഗങ്ങളില്‍ അള്‍ട്രാവയലറ്റ് വികിരണത്തിന്റെ അളവ് ആശങ്കാജനകമായ രീതിയില്‍ ഉയരുന്നു. സംസ്ഥാന ദുരന്തനിവാരണ അതോറിറ്റി പുറത്തുവിട്ട ഏറ്റവും പുതിയ കണക്കുകള്‍ പ്രകാരം പത്തനംതിട്ട, ആലപ്പുഴ, കോട്ടയം, ഇടുക്കി, കൊല്ലം, പാലക്കാട് എന്നീ ജില്ലകളില്‍ ഓറഞ്ച് അലര്‍ട്ട് നിര്‍ദ്ദേശം പുറപ്പെടുവിച്ചു.ഏപ്രില്‍ 16 ന് പുറത്തുവിട്ട കണക്കുകള്‍ പ്രകാരം യുവി ഇന്‍ഡക്‌സ് 8 രേഖപ്പെടുത്തിയ ആറ് ജില്ലകളില്‍ ‘ഓറഞ്ച് അലേര്‍ട്ട്’ പ്രഖ്യാപിച്ചിട്ടുണ്ട്. ഈ മേഖലകളില്‍ സൂര്യപ്രകാശം നേരിട്ട് ഏല്‍ക്കുന്നത് ആരോഗ്യപ്രശ്‌നങ്ങള്‍ക്ക് കാരണമായേക്കാം. കൊല്ലം- കൊട്ടാരക്കര,പത്തനംതിട്ട കോന്നി, ആലപ്പുഴ ചെങ്ങന്നൂര്‍, കോട്ടയം ചങ്ങനാശ്ശേരി, ഇടുക്കി മൂന്നാര്‍ , പാലക്കാട് തൃത്താല എന്നിവിടങ്ങളില്‍ ഓറഞ്ച് അലര്‍ട്ടാണ്. ഇതുകൂടാതെ എറണാകുളം (കളമശ്ശേരി), തൃശ്ശൂര്‍ (ഒല്ലൂര്‍), മലപ്പുറം (പൊന്നാനി) എന്നീ ജില്ലകളില്‍ യുവി സൂചിക 7 രേഖപ്പെടുത്തി. ഇവിടെ മഞ്ഞ അലേര്‍ട്ട് ആണ് നല്‍കിയിരിക്കുന്നത്. കോഴിക്കോട്, വയനാട് ജില്ലകളില്‍ സൂചിക 6 ആണ്.യുവി സൂചിക ഉയരുന്നത് സൂര്യതപം ചര്‍മ്മരോഗങ്ങള്‍ എന്നിവയ്ക്ക് കാരണമാകും. നിലവിലെ സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്ന് കെഎസ്ഡിഎംഎ അറിയിച്ചു.

### Related Links & Sources
- [Original Story Source](https://malayorashabdam.truevisionnews.com/news/353634/ultravioletrays)